Skip to content

IEM - Instituto de Estudos Miñoranos

Increase font size Decrease font size Default font size

Destacados

IV Mostra de teatro afeccionado do Val Miñor e Oia. Dende o 12 de xaneiro ata o 2 de febreiro.

 

A partir do vindeiro sábado 12 de xaneiro o Auditorio Municipal Lois Tobío de Gondomar acollerá a IV Mostra de teatro afeccionado do Val Miñor e Oia.
Organizado polo Instituto de Estudos Miñoráns co apoio do Concello de Gondomar fomentarán e potenciarán a creatividade teatral e a representación neste mes de xaneiro que abre as portas a un ano de celebración dos 20 anos do IEM.
A programación constará dun total de oito pezas teatrais interpretadas por Vichelocrego, Tranghallada teatro, Bertorella, Pritis- Guomins, A Moura, Os cabalos rosas brincan no patín, O mellor de cada casa e Arredemo.
A entrada será gratuíta e para todos os públicos.

Programación

Sábado 12 de xaneiro- 19.30h
Jansel e Ponsel, representada por Tranghallada teatro de Nigrán.

Domingo 13 de xaneiro- 18.00h
Mamasiña que medo!, representada por Bertorella de Morgadáns.

Sábado 19 de xaneiro- 19.30h

Cóncavo-convexo, representada por Vichelocrego de Gondomar.

Domingo 20 de xaneiro- 18.00h

Rosa rosae, representada por Pritis- Guomins de Aula teatro Gondomar.

Sábado 26 de xaneiro- 19.30h
A revirada, representada por A Moura de Chaín.

Domingo 27 de xaneiro- 18.00h

Cousas da vida, representada por O mellor de cada casa de Viladesuso.

Sábado 2 de febreiro- 19.30h

O restaurante Farruco representada por Os cabalos rosas brincan no patín de Viladesuso.
Maruxas 3.0, representada por Arredemo de Gondomar.
Está en:  Inicio Marítima A navegar coa Asociación de Mariñeiros Deportivos de Bouzas
Skip to content
A navegar coa Asociación de Mariñeiros Deportivos de Bouzas PDF Imprimir Correo-e

Marítima - Novas
Venres, 13 Maio 2011 21:12
velero

Tras conversas mantidas por parte da Sección Marítima do IEM coa Asociación de Mariñeiros Deportivos de Bouzas, asociación coa que mantemos excelentes relacións, estes invitan aos socios do IEM, ás saídas a navegar que realizan todos os mércores pola tarde nas súas embarcacións tradicionais, como son a buceta, o racú, a dorna xeiteira, etc. As saídas comezan esta semana ata o comezo do "X Encontro de embarcacións tradicionais", que este ano será en Carril do 30 de xuño ó 3 de xullo que ven sendo algo así coma o Campionato da Península Ibérica de embarcacións tradicionais (son os máis importantes de toda a Península). Unha vez pasado o Encontro, volveran retomar as saídas ata que remate a tempada de verán.
As persoas que desexen acudir teñen que estar diante da porta da asociación, no paseo marítimo de Bouzas, xusto diante da igrexa de Bouzas, onde comeza a praia (é un galpón con portal verde, inconfundible, e a maiores teñen un mastro coa súa bandeirola e máis do letreiro co nome) as 5 da tarde.
É unha moi boa oportunidade de aprender navegar en Vela Tradicional, que se manobra diferente que a vela deportiva, e de paso fórmanse os nosos socios coma navegantes tradicionais, fornecendo a súa afección porque é unha actividade que "engancha" e a maiores de balde.
O único requisito é que os nosos socios teñan o cartón de navegante, ou sexa darse de alta no seguro de navegante (seguro de accidentes) da Federación Galega pola Cultura Marítima e Fluvial (FGCMF) que custa só 10 euros, e é válido por todo o ano ata marzo-abril do ano que ven e en calquera embarcación tradicional ou recreativa. Para facer o seguro tedes que mandar os vosos datos a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo .