Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- NIGRÁN- Ao son das campás de Parada. II Certame de Campás e Campaneiros. Martes 17 de xullo ás 18:30h.

O vindeiro martes 17 de xullo ás 18:30h terá lugar a cuarta xeira de verán polo concello de Nigrán (Parada) Ao son das campás de Parada. II Certame de Campás e Campaneiros, dentro do programa das xeiras de verán 2018 do IEM, e coa colaboración deste concello, que será guiada por Anxo Rodríguez Lemos.

O punto de encontro será na Igrexa de Santiago de Parada de Miñor:

HABERÁ DOUS INTÉRPRETES EN LINGUA DE SIGNOS PARA XORDOS.

Rosalía de Castro choraba co seu maxín, plasmado na súa obra Cantares Gallegos, as nostálxicas campás de Bastavales que atronaban co seu tocar o ceo do Val da Maía. Eran as campás un dos elementos sonoros que cada un levaba consigo no seu pensar xunto ás cantigas e pezas musicais aprendidas dende a nenez, rexedoras dun mundo daquela sen a sofisticada tecnoloxía actual pero ben regulado por un tocar encargado de marcar as horas de traballo, anunciar nacementos, casamentos, mortes, festas ou quizáis afastar as temerosas treboadas da comunidade. Modernas maquinarias a base de mazos electrónicos substitúen, aos poucos nas nosas parroquiais, ás mans daquelas persoas encargadas de facer falar as campás. Seguindo ás xornadas iniciadas no ano 2007 pola Asociación Cultural Os Chichisos de Pontevedra, o Instituto de Estudos Miñoráns iniciou en 2015 un certame na vila de Baiona chamado a continuar polas igrexas do Val de Miñor co fin de recoller, da man dos seus campaneiros, aqueles toques antigos en vías de desaparecer para sempre. Este ano serán dúas as campás, do século XIX e XX, as que, dende a igrexa parroquial de Santiago de Parada de Miñor, serán tocadas por Esther Nande Figueroa, sancristana e campaneira do lugar do Sobreiro, a partir das 18:30 na cuarta xeira do IEM.

Está en:  Inicio Marítima Proseguen as actividades de cara ao X Encontro de Embarcacións Tradicionais Galegas.
Skip to content
Proseguen as actividades de cara ao X Encontro de Embarcacións Tradicionais Galegas. PDF Imprimir Correo-e

Marítima - Novas
Mércores, 29 Xuño 2011 22:09
dornas-na-praia

A Federación Galega pola Cultura Marítima e Fluvial informa que xa arribaron as primeiras dornas que participarán no X Encontro de Embarcacións Tradicionais Galegas, no que participa o IEM a través da súa Sección Marítima. Por outra banda, este mércores 29 inaugurouse a exposición Berros no roncar das ondas ás 19:00 h na rúa do Carmo. Esta exposición consiste en imaxes do fotógrafo Xacobe Meléndrez Fassbender que ilustran fragmentos da poesía de Bernardino Graña, un dos poetas do mar galego máis salientable.
Xacobe Meléndrez xa colaborou anteriormente noutros encontros como o de Cambados nos que expuxera imaxes fotográficas reveladas sobre fragmentos dun barco de ferro. Unha hora despois, ás 20:00 tivo lugar no peirao de Carril o primeiro izado de velas do galeón de Rompetimóns Illa de Cortegada.
A previsión de ventos fortes do norte aconsellaron adiantar a travesía que tiña prevista a ACD Dorna para o xoves. A organización comunica que "hai moitos anos que a praia de Carril non tiña tantos barcos varados, e aínda faltan máis de dobre por chega".
Dim lights Embed Embed this video on your site