Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRA IEM-Nigrán (Ramallosa)- "San Pedro da Ramallosa. Monumentos, lendas e paisaxes." Luns 14 de agosto, ás 18:30 h.

O vindeiro luns 14 de agosto, gozaremos dunha nova xeira polo concello de Nigrán na parroquia da Ramallosa "San Pedro da Ramallosa. Monumentos, lendas e paisaxes.", dentro do programa das xeiras de verán 2017 do IEM, e coa colaboración do concello de Nigrán, que será guiada polo especialista Antonio Soliño Troncoso.

A xeira ten como punto de encontro a Capela de San Campio na Ramallosa ás 18:30h.

Enlace ao punto de encontro:

https://drive.google.com/open?id=1N-J6l4qswZsjkAPwG1WpUFat8b8&usp=sharing

AS XEIRAS DO IEM. VERÁN 2017
SAN PEDRO DA RAMALLOSA. MONUMENTOS, LENDAS E PAISAXES.

Guiada por
ANTONIO SOLIÑO TRONCOSO

A XEIRA. APROXIMACIÓN.
A parroquia de San Pedro da Ramallosa era coñecida no século XII como San Pedro de Filgueira, transformándose máis tarde en Filgueiras, denominación que segundo os libros parroquiais aínda mantiña a mediados do XVIII, antes de mudar para a actual. Durante o Antigo Réxime integrou o Partido de Val de Miñor polo que no político e gobernativo se debía ao Procurador Xeral do devandito Partido mentres que no contencioso estaba baixo xurisdición do Xuíz do reguengo de Baiona. Coa chegada dos concellos constitucionais San Pedro pasa a integrar o de Nigrán o 7 de decembro de 1836, ratificado mediante R.O. en febreiro do ano seguinte.
Esta xeira pretende complementar a que con final en Panxón realizou o IEM polos areais da parroquia o ano pasado. Aquela tivo como fío condutor o Rexionalismo arquitectónico e a repercusión que sobre algunhas das intervencións exerceron indianos nados nela. A presente, cunha motivación máis variada, atenderá a parámetros históricos, monumentais, paisaxísticos, etnográficos,... e rematará enlazando co tema da pretérita citada, o Rexionalismo e os indianos. Entre outras pezas comentaremos a capela e cruceiro de San Campio emprazadas a carón do esteiro do río Miñor; a medieval ponte da Ramallosa, unha das máis belas de Galicia; as distintas edificacións do pazo de Pías; a murada granxa da Robaleira, de século XVI; un tramo da antiga Estrada Real ao Val da Louriña; a parroquial de orixe románica e o cemiterio hixienista no que asentan monumentais panteóns; a primeira adega de viño espumoso do Val de Miñor; cruceiros do XVI e XVII; e arquitectura rexionalista construída por indianos en emprazamentos de privilexio. Tamén falaremos de encrucilladas e lendas, de persoeiros e algúns dos seus soños, de árbores senlleiras e paisaxes feridas. Todo durante as aproximadamente tres horas e cuarto que nos levará percorrer os cómodos catro quilómetros e medio de trazado previsto.

 

Está en:  Inicio Marítima Xa está dispoñible o Nº 6 da Revista Galega de Cultura Marítima e Fluvial "ARDENTÍA".
Skip to content
Xa está dispoñible o Nº 6 da Revista Galega de Cultura Marítima e Fluvial "ARDENTÍA". PDF Imprimir Correo-e

Marítima - Novas
Mércores, 06 Xullo 2011 21:23
Sin-ttulo-2

"O señor Daniel Pazó Vila foi un conveciño noso que naceu o 19 de xuño de 1914 no barrio de Tarela da parroquia de Nigrán no concello do mesmo nome, e que inventou, entre outros, os casulos para carnada das nasas de polbo, que actualmente son usados, en practicamente todas as nasas polos nosos mariñeiros da pesca de baixura." Así comeza o artigo "Daniel Pazó Vila. Rendido, desarmado, pero nunca vencido" escrito por José Manuel Rodríguez Crespo, director da Sección Marítima do Instituto de Estudos Miñoranos e publicado no Nº6 da Revista Galega de Cultura Marítima e Fluvial ARDENTÍA.
Home de mar, Pazó Vila foi mariño voluntario da Armada da República Española, pescador e inventor e adaptador de instrumentos mariñeiros: "Home de firme determinación e vontade e dotado dunha grande intelixencia natural, pero sen máis estudos que os das catro regras na escola da súa parroquia...", afirma José Manuel Rodríguez, que achega esta pescuda que amosa a vida dun home que deixou a súa pegada no eido mariñeiro, e que recolle esta publicación da Federación Galega pola Cultura Marítima e Fluvial.
As 100 páxinas deste novo número de ARDENTÍA, comeza cun limiar de Luís Rei "A Atalaia", e contén os artigos "A plataforma para o estatuto jurídico das embarcações históricas e tradicionais" de Ivone Magalhães; "Carril, Vinte anos recuperando patrimonio", da Xunta Directiva da Federación Galega pola Cultura Marítima e Fluvial; "Cortegada" de Marcelino Abuín; " A Illa de Ons; unha mestura de terra e mar", de Celestino Pardellas de Blas; "Lendas, realidades e triunfos da Illa de Arousa" por Susana Rial; Se o Vello Simbad volvese ás Illas navegaría ata o norte de Galiza", de Bernardo Máiz con fotografías de Carmen Bar; "Ínsuas", con textos e fotos de Orlando Viveiro Veiga; "Memorias de Salgueirón", por Carmelo Parrado; "Massó ou a loita dun pobo" de Santiago Pérez González; "O porto de San Cibrao (Cervo) ao longo da historia" de Emilio Xosé Insúa; "Naseiros" de Fernando e Manolo Parada; "Ondas da Irmandade. Memorias do asociacionismo mariñeiro sadense", por Xavier Brisset Martín; "Daniel Pazó Vila. Rendido, desarmado pero nunca vencido", de José Manuel Rodríguez Crespo; "Crónicas Muradás", de Sole Rei.
Este número de ARDENTÍA coincide coa realización do X Encontro de Embarcacións Tradicionais de Galicia, desenvolvidas pola Federación Galega pola Cultura Marítima e Fluvial, e apoiadas polo Museo do Mar de Galicia, institución tamén patrocinante da revista. ARDENTÍA pode solicitarse na Aula de Cultura Ponte de Rosas (sede do IEM), na Avenida da Feira nº 10, baixo, Gondomar, ou a través do teléfono 986360575. Tamén no correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo .