Skip to content

IEM - Instituto de Estudos Miñoranos

Increase font size Decrease font size Default font size

Destacados

Volta dos Nove. Sábado 13 de outubro

Volta dos Nove

O Instituto de Estudos Miñoráns (IEM) e a Comisión da Volta dos Nove convídavos ós actos de lembranza do asasinato dos Ineses, a señora Dolores Samuelle e Os Nove de Baiona e Panxón o vindeiro sábado 13 de outubro.Hai xa 82 anos.

Ás 11h30'-no cemiterio civil de Sabarís unha lembranza oral e floral para Xosé e Luís López Luís e Dolores Samuellle, tamén coa compaña musical dos da Foz.

Ás 11h45'-na Volta dos Nove palabras, música e flores para os nove homes asasinados a noite do 15 para o 16 de outubro de 1936.

 

Foi no 24 de xullo, a media mañá, festas en Santa Cristina.

Entraron as tropas que viñan de acalmar Vigo.

O comandante militar de Baiona: Ramón Blanco Linares. Requisa na sociedade obreira de Sabarís, na Porta do Sol, socialista e anarquista. Fichas de afiliación, revistas pornográficas, correspondencia, ...

Ducias de homes fuxidos. Foron aparecendo todos, pero entre outros, faltaban Pepe e Luís, Os Ineses. Descubertos o 13 de outubro de 1936 agochados na casa de Ventura Pérez, cego, axudado por Dolores Samuellle que compraba moitos víveres para o vello, ou o xornal. Delación e entrada de falanxistas, e garda civil a mañá do 13. Defensa propia e ferido (Luís Refojo Mariño, camisa nova). Luís morto a tiros nunha viña camiño da Ladeira, Pepe no muro do cemiterio. Exposición pública e asasinato de Dolores Samuellle, por encubridora.

En Vigo o 15 morre o ferido e esa noite van buscar veciños do Val de Miñor os cárceres de Vigo, traen nove que matan antes da amañecida e á tarde enterran o camarada caído.

Herminio Ramos lembrounos:

1936 Octubre 16. En el día de hoy aparecen muertos a la orilla de la carretera más allá de la fuente de San Roque nueve hombres que resultaron ser vecinos desta villa, calificados de rojos presos en Vigo.

Está en:  Inicio Marítima Guías Prácticas de actividades e náutica de recreo. Campaña Verán 2011.
Skip to content
Guías Prácticas de actividades e náutica de recreo. Campaña Verán 2011. PDF Imprimir Correo-e

Marítima - Novas
Luns, 11 Xullo 2011 19:36
salvamento-martimo-guias

A Campaña de Verán 2011 do Ministerio de Fomento está centrada na difusión de información útil -consellos básicos de actuación e normativas de seguridade- e diríxese principalmente aos tripulantes das embarcacións de recreo. Unha flota que aumenta en número, de forma considerable, durante os meses de verán, pola presenza nas nosas augas de embarcacións de recreo de bandeira estranxeira. Tamén se dirixe aos miles de cidadáns que practican deportes e actividades náuticas.

A iniciativa está centrada especialmente na difusión, mediante as novas tecnoloxías, de consellos para mellorar a seguridade nas actividades náuticas.  Este obxectivo recollido no novo Plan Nacional de Salvamento (PNS) 2010 - 2018, que persegue reforzar a seguridade e a protección marítimas. Ademais, o PNS oriéntase ao reforzo da prevención e a concienciación dos profesionais e usuarios da mar, ademais do fomento da difusión da cultura da seguridade

Seguridade na Náutica de Recreo a través das novas tecnoloxías

Como novidade máis destacada, a Campaña de Seguridade na Náutica de Recreo 2011, utiliza as novas tecnoloxías para achegar os consellos de seguridade aos usuarios.

Concretamente, creouse una páxina web  (www.seguridadnautica.es) que ofrece a posibilidade de consulta sinxela, grazas á súa aparencia áxil e intuitiva. (Tamén se pode acceder ao contido da Campaña a través dun enlace na web de Salvamento Marítimo:( www.salvamentomaritimo.es)

Así mesmo poderanse realizar consultas a través da aplicación desenvolvida para teléfonos móbiles -en iphone e android-, que recolle as comprobacións que se deben realizar antes de partir para asegurar a travesía.

Os consellos están recompilados en dous guías:

Consellos prácticos de seguridade nas actividades náuticas

Responde á necesidade de profundar na prevención dos accidentes, abordando a seguridade nas embarcacións de recreo de todo tipo, así como na práctica do submarinismo, surf e windsurf, esquí acuático, baño, pesca costeira, motos de auga, kitesurf, kayaquismo, etc.

Guía para a náutica de recreo

Nela recóllense as normas básicas que se deben cumprir para unha navegación e desenvolvemento das actividades náuticas, así como para a defensa do medio ambiente mariño.

A Sección Marítima do IEM salienta o contido das páxinas  15  a 25, onde están descritas as faltas graves contra a seguridade marítima e o medio ambiente.

O secretario de Estado de Transportes, Isaías Táboas, e a directora Xeral da Mariña Mercante, Isabel Durántez, presentaron a campaña no Salón de Actos da Autoridade Portuaria de Vigo no peirao de transatlánticos. Tamén asistiron ao acto o alcalde de Vigo, Abel Caballero, a directora de Salvamento Marítimo, Esther González Saavedra e o director Xeral da Asociación Nacional de Empresas Náuticas (ANEN), Alejandro Landaluce; e outras autoridades.