Skip to content

IEM - Instituto de Estudos Miñoranos

Increase font size Decrease font size Default font size

Destacados

Resolución do II Certame Escolar de Creación Dramática.

Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

Está en:  Inicio Marítima 3ª Mostra das tradicións mariñeiras no concello da Guarda : Unha dobre gratificación.
Skip to content
3ª Mostra das tradicións mariñeiras no concello da Guarda : Unha dobre gratificación. PDF Imprimir Correo-e

Marítima - Novas
Martes, 02 Agosto 2011 22:21
Mostra Mariñeira de A Guarda
A participación da Seccións Marítima do IEM na 3ª Mostra das tradicións mariñeiras desenvolvida no concello da Guarda deixounos unha dobre gratificación: o feito de divulgar e compartir a tradición mariñeira do Val Miñor con turistas e guardeses e por outra banda, a posibilidade de xuntar nunha fin de semana ao equipo de compañeiros que integran esta sección do IEM nunha actividade conxunta.
A mostra congregou 7 embarcacións da Federación Galega pola Cultura Mariñeira e Fluvial, das cales 4 pertencían ao Val Miñor e das outras 3, un bote de Ribadeo de mariñeiros deportivos artesanais de Bouzas, outra, unha gamela coruxeira en vela de Breadouro (Canido-Coruxo), e a única gamela guardesa que "velea" hoxe en día, a de Sodinautica de Bouzas. Do Val Miñor viaxou unha gamela coruxeira (adaptada modernamente para motor), unha dorna polbeira, unha gamela de 20 cuartas (propia do Val Miñor) e mais unha vellísima embarcación (unha buceta do norte do ano 1960) partiron dende Nigrán cara a Guarda o venres 29 pola tardiña. O sábado o equipo chegou cedo ao porto da Guarda para deixar as naves prontas para recibir aos visitantes, para iso colocouse carteis informativos. A media mañá todo estivo listo e os visitantes comezaron a chegar en gran número. A actividade se mantivo ata a chegada da noite.
A xornada do domingo despregou toda a beleza da costa guardesa, e trouxo novamente unha gran cantidade de viandantes. Dende a media mañá os grupos de visitantes aproveitaron para informarse das características das diversas embarcacións, así como para tomar fotografías das mesmas. Non foron poucos os pequenos e os non tanto que retratáronse xunto con estas verdadeiras testemuñas do coñecemento tradicional mariñeiro.
Sobre a tardiña as embarcación comezaron a retirarse cara Nigrán e Bouzas, nembargante a mostra continuou ata a media noite con espectáculos artísticos e unha xenerosa festa gastronómica.