Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- NIGRÁN- Ao son das campás de Parada. II Certame de Campás e Campaneiros. Martes 17 de xullo ás 18:30h.
O vindeiro martes 17 de xullo ás 18:30h terá lugar a cuarta xeira de verán polo concello de Nigrán (Parada) Ao son das campás de Parada. II Certame de Campás e Campaneiros, dentro do programa das xeiras de verán 2018 do IEM, e coa colaboración deste concello, que será guiada por Anxo Rodríguez Lemos.

O punto de encontro será na Igrexa de Santiago de Parada de Miñor:

HABERÁ DOUS INTÉRPRETES EN LINGUA DE SIGNOS PARA XORDOS.

Rosalía de Castro choraba co seu maxín, plasmado na súa obra Cantares Gallegos, as nostálxicas campás de Bastavales que atronaban co seu tocar o ceo do Val da Maía. Eran as campás un dos elementos sonoros que cada un levaba consigo no seu pensar xunto ás cantigas e pezas musicais aprendidas dende a nenez, rexedoras dun mundo daquela sen a sofisticada tecnoloxía actual pero ben regulado por un tocar encargado de marcar as horas de traballo, anunciar nacementos, casamentos, mortes, festas ou quizáis afastar as temerosas treboadas da comunidade. Modernas maquinarias a base de mazos electrónicos substitúen, aos poucos nas nosas parroquiais, ás mans daquelas persoas encargadas de facer falar as campás. Seguindo ás xornadas iniciadas no ano 2007 pola Asociación Cultural Os Chichisos de Pontevedra, o Instituto de Estudos Miñoráns iniciou en 2015 un certame na vila de Baiona chamado a continuar polas igrexas do Val de Miñor co fin de recoller, da man dos seus campaneiros, aqueles toques antigos en vías de desaparecer para sempre. Este ano serán dúas as campás, do século XIX e XX, as que, dende a igrexa parroquial de Santiago de Parada de Miñor, serán tocadas por Esther Nande Figueroa, sancristana e campaneira do lugar do Sobreiro, a partir das 18:30 na cuarta xeira do IEM.

Está en:  Inicio Marítima
Skip to content
Novas
Con gran éxito rematou o X Encontro de Embarcacións Tradicionais de Galicia. PDF Imprimir Correo-e
Marítima - Novas
Mércores, 06 Xullo 2011 22:55

martima

O X Encontro de Embarcacións Tradicionais de Galicia rematou cun gran éxito de público e participantes, os que dende todas as rexións da península asistiron a este evento organizado pola Federación Galega pola Cultura Marítima e Fluvial. O IEM que participou a través da súa Sección Marítima estivo presente nos distintos actos e actividades desenvolvidos entre os días 30 de xuño ao 3 de xullo. Como non podía ser doutra maneira, ás senlleiras gamelas miñoranas achegáronse ao porto de Carril (Concello de Vilagarcía), onde estiveron expostas ao público.
Ler máis...
 
Xa está dispoñible o Nº 6 da Revista Galega de Cultura Marítima e Fluvial "ARDENTÍA". PDF Imprimir Correo-e
Marítima - Novas
Mércores, 06 Xullo 2011 21:23

Sin-ttulo-2

"O señor Daniel Pazó Vila foi un conveciño noso que naceu o 19 de xuño de 1914 no barrio de Tarela da parroquia de Nigrán no concello do mesmo nome, e que inventou, entre outros, os casulos para carnada das nasas de polbo, que actualmente son usados, en practicamente todas as nasas polos nosos mariñeiros da pesca de baixura." Así comeza o artigo "Daniel Pazó Vila. Rendido, desarmado, pero nunca vencido" escrito por José Manuel Rodríguez Crespo, director da Sección Marítima do Instituto de Estudos Miñoranos e publicado no Nº6 da Revista Galega de Cultura Marítima e Fluvial ARDENTÍA.
Ler máis...
 
Inaugurouse o X Encontro de Embarcacións Tradicionais en Carril. PDF Imprimir Correo-e
Marítima - Novas
Xoves, 30 Xuño 2011 20:31

cartel_carril_grande.img_assist_custom-330x700

A conselleira do Mar, Rosa Quintana inaugurou hoxe X Encontro de Embarcacións Tradicionais de Galicia, que se celebra en Carril, Vilagarcía, dende hoxe ata o 3 de xullo. No acto tamén participaron a directora xeral de Comercio, Nava Castro, e a xerente da Fundación Centro Galego da Artesanía e do Deseño, Elena Fabeiro. O Encontro está organizado pola Federación Galega pola Cultura Marítima e Fluvial (FGCMF), da que forma parte o Instituto de Estudos Miñoranos.

Ler máis...
 
Proseguen as actividades de cara ao X Encontro de Embarcacións Tradicionais Galegas. PDF Imprimir Correo-e
Marítima - Novas
Mércores, 29 Xuño 2011 22:09

dornas-na-praia

A Federación Galega pola Cultura Marítima e Fluvial informa que xa arribaron as primeiras dornas que participarán no X Encontro de Embarcacións Tradicionais Galegas, no que participa o IEM a través da súa Sección Marítima. Por outra banda, este mércores 29 inaugurouse a exposición Berros no roncar das ondas ás 19:00 h na rúa do Carmo. Esta exposición consiste en imaxes do fotógrafo Xacobe Meléndrez Fassbender que ilustran fragmentos da poesía de Bernardino Graña, un dos poetas do mar galego máis salientable.
Ler máis...
 
X Encontro de embarcacións Tradicionais en Carril PDF Imprimir Correo-e
Marítima - Novas
Venres, 24 Xuño 2011 22:10

velero

A vila mariñeira de Carril (Vilagarcía de Arousa), será a sede do X Encontro de Embarcacións Tradicionais de Galicia que se desenvolverá entre o 30 de xuño e o 3 de xullo de 2011.

Attachments:
Download this file (Invitacion_Convite X Encontro.pdf)Invitación [ ]137 Kb
Ler máis...
 
<< Inicio < Anterior 1 2 3 4 Seguinte > Final >>

Páxina 2 de 4