Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio Memoria Histórica
Skip to content
IEM: Memoria Histórica PDF Imprimir Correo-e

Memoria histórica - Artigos
Escrito por IEM   
Mércores, 14 Xullo 2010 21:05

artigos causas-militares fosas-de-san-xian novas volta-dos-9

Unha das actividades permanentes do Instituto de Estudos Miñoranos é o labor de recuperación da memoria, da memoria histórica, iniciada en 2004 en relación coa recuperación dun lugar de memoria como é a "Volta dos Nove". No ano seguinte constitúese unha Comisión para a realización dun monumento dos nove veciños do Val Miñor alí asasinados e que foi inaugurado o 15 de outubro de 2005. Dende aquela data todos os anos se celebra un acto na súa lembranza.

O 24 de xullo de 2006, declarado polo Goberno Galego "Ano da Memoria", arribou ao porto de Baiona o Barco da Memoria e o IEM realizou unha serie de actividades no mesmo que serviron de base á publicación do libro-disco-DVD "Arte e memoria. Arte é memoria" que tivo lugar en abril de 2009.

En colaboración con outras asociacións da memoria do sur de Galicia promoveuse a exposición e o documental "Antón Alonso Ríos: O siñor Afranio" e realizáronse xeiras polas paraxes miñoranas polas que andou fuxido Antón Alonso Ríos.

En 2008 realizouse  unha homenaxe aos mestres e mestras miñoranas represaliadas polo franquismo e en abril de 2009 a apertura das dúas fosas comúns de San Xián (O Rosal) e de Baiona. En xuño de 2010 foron entregados aos familiares os restos dos tres cadáveres exhumados na fosa 1 de San Xián.

Dende 2009 estamos a traballar no estudo das Causas Militares instruídas contra veciñas e veciños do Val Miñor.