Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio Memoria Histórica
Skip to content
O libro "Actas do Congreso" Emigración e Educación foi presentado no Salón de Plenos de Nigrán. PDF Imprimir Correo-e

O IEM - Novas
Xoves, 07 Xullo 2011 20:26
presentacin-emigracion-educacion-nigran

Ante un número importante de veciños de Nigrán presentouse o libro "Actas do Congreso", Emigración e Educación (1900-1936), I Centenario das Escolas da Unión Hispano-Americana Val Miñor (1909-2009) no salón de Plenos do Concello. O acto estivo presidido polo alcalde Alberto Valverde e contou coa presenza  da concelleira de Turismo, Cultura e Deportes, Liliana Silva, o director do Instituto de Estudos Miñoranos, Carlos Méixome, e Xosé Manuel Malheiro, profesor de Historia de Educación da Universidade da Coruña e coordinador da obra.

Primeiramente a concelleira Liliana Silva deu a benvida aos veciños e aos membros da mesa cunha breve presentación do acto. A continuación o profesor Malheiro  salientou a importancia histórica das sociedades para a educación fomentadas polos emigrantes galegos, nos primeiros anos do século XX. Un a un foi informando dos traballos recollidos no libro cunha referencia á autoría dos mesmos.  Seguidamente, Carlos Méixome lembrou a labor dos pioneiros na construción das Escolas Proval, e ao mesmo tempo que destacou o esforzo realizado por todos aqueles que participaron na organización do Congreso no 2009. Pola súa banda o alcalde Alberto Valverde, agradeceu ao IEM por rescatar estes anacos da historia do Val Miñor, e en especial de Nigrán. O acto que tivo lugar o pasado venres 1 de xullo, rematou coa expresa vontade do alcalde de Nigrán de manter unha estreita colaboración entre o Concello e mais o IEM, apoiando en tódolo que sexa posible o rescate e posta en valor da cultura local.