Skip to content

IEM - Instituto de Estudos Miñoranos

Increase font size Decrease font size Default font size

Destacados

Laura Ramos Cuba gaña o XIº Premio de poesía VictorianoTaibo coa obra presentada baixo o título de A situación actual

O xurado do certame poético VictorianoTaibo que convoca o Concello de Gondomar en colaboración co Instituto de Estudos Miñoráns, integrado polos escritores e escritoras Iria Misa, Gonzalo Navaza, Miguel Anxo Mouriño, Marta Dacosta en nome do IEM e Rafa Vilar, gañador da Xª edición, resolveu que o libro gañador desta XIª edición era o presentado co título de A situación actual que, unha vez aberta a plica, resultou ser da autoría de Laura Ramos Cuba.

O xurado valorou que se trata dunha obra absolutamente contemporánea en que atopamos unha voz intimista moi forte. Unha voz dunha grande radicalidade, capaz de reflectir unha situación límite, unha crise emocional. Destaca a capacidade de poetizar o cotián con sinxeleza e fondura a un tempo. O xurado tamén salientou a unidade do libro, que mantén ao longo da lectura o pulso e o ritmo.

Laura Ramos Cuba, é unha moza burelá graduada en xornalismo e comunicación audiovisual pola Universidade de Santiago de Compostela. Este é o seu primeiro premio e, será, o seu primeiro libro publicado, co que o certame Victoriano Taibo ten a satisfacción de permitir que saia á luz esta voz actualísima que nos fala desde as súas propias coordenadas inseridas neste século XXI.

A entrega do premio será o día 17 de novembro nun acto que decorrerá no Auditorio Lois Tobío de Gondomar.

 

Está en:  Inicio Memoria Histórica Volta dos nove
Skip to content
Volta dos nove
VOLTA DOS NOVE PDF Imprimir Correo-e
Memoria histórica - Volta dos nove
Escrito por Marta Dacosta   
Martes, 09 Setembro 2014 12:12
casas-volta-9

(un golpe) E a pouta de metal que estoupa tras dos ollos,
pouta que destrúe memoria, amor, desexo, vida.

(dous golpes) Pólvora, bala, pouta de metal que estoupa,
pouta que destrúe a imaxe amada, as voces infantís.

Ler máis...
 
Volta dos 9 PDF Imprimir Correo-e
Memoria histórica - Volta dos nove
Escrito por Gonzalo Navaza   
Xoves, 04 Setembro 2014 00:09

volta_dos_9

Foi nos días tristísimos de dor e de miseria

en que sopraba un vento de loito rigoroso

e a animalia afiaba na tobeira coitelos

para os ollos dos orfos 

Ler máis...
 
Un centenar de persoas homenaxearon na Volta dos Nove, a memoria das vítimas da represión franquista. PDF Imprimir Correo-e
Memoria histórica - Volta dos nove
Escrito por IEM   
Domingo, 14 Outubro 2012 20:40

IMG_0581

Como tódolos anos dende o 2005, tivo lugar unha homenaxe na Volta dos Nove organizada polo Instituto de Estudos Miñoranos e familiares das vítimas. Ao redor do monumento do escultor Fernando Casás, que lembra aos nove miñoranos asasinados en Baiona na madrugada do 15 de outubro de 1936 pola represión franquista, un centenar de persoas asistiron baixo unha intensa choiva, nun acto de "memoria e dignidade", en palabras do historiador Carlos Méixome (IEM), quen fixo unha breve oratoria previa ás ofrendas florais.
Ler máis...
 
A 76 anos do asasinato dos nove veciños do Val Miñor en Baiona. PDF Imprimir Correo-e
Memoria histórica - Volta dos nove
Escrito por IEM   
Xoves, 11 Outubro 2012 23:38

ofrenda-floral-volata-dos-9

O vindeiro domingo 14 de outubro, ás 13 horas, volveremos  reunirnos en torno al monumento "Volta dos Nove", na curva da Bombardeira (Baredo - Baiona). Un ano máis, familiares, veciñas e veciños lembraremos a memoria dos nove veciños miñoranos asasinados pola represión franquista na madrugada do 15 de outubro de 1936, á altura do quilómetro 58 da estrada Baiona - Camposancos. Como parte da conmemoración deste 76 cabodano, días atrás, familiares e membros do IEM replantaron 45 loureiros na zona do monumento, en substitución dos orixinais afectados polas inclemencias do tempo.

Ler máis...
 
Vídeo da homenaxe no 75º cabodano dos Nove de Baredo. PDF Imprimir Correo-e
Memoria histórica - Volta dos nove
Escrito por IEM   
Mércores, 19 Outubro 2011 21:56

{youtube width="250" height="200"}mRr7V0aUhhI{/youtube}

Achegamos o vídeo da sinxela homenaxe aos nove veciños do Val Miñor asasinados en Baredo, na madrugada do 16 de outubro de 1936.

 
<< Inicio < Anterior 1 2 3 4 Seguinte > Final >>

Páxina 2 de 4