Skip to content

IEM - Instituto de Estudos Miñoranos

Increase font size Decrease font size Default font size

Destacados

O IEM e o Concello de Gondomar homenaxean a María Victoria Moreno.

O acto terá lugar na Paradela, na praza Latino Salgueiro de Gondomar, e comezará ás 19:30 horas

Este 17 de maio, Día das Letras Galegas, o Instituto de Estudos Miñoráns, IEM, e o concello de Gondomar, a través da concellaría de Cultura, celebrarán as Letras galegas cunha homenaxe á escritora María Victoria Moreno, a quen se lle dedica a data este ano.

Os escritores Iria Misa e Miguel Anxo Mouriño lerán fragmentos da obra desta profesora estremeña que namorou da lingua galega e dedicou a súa vida a escribir en galego, especialmente para os máis novos e novas. Ese lectorado tan presente para María Victoria Moreno estará representado neste acto por alumnado do CEIP Neira Vilas e IES plurilingüe Terra de Turonio, que lerán fragmentos de Eu conto, ti cantas.

Acompañando á palabra recitada estará o grupo musical Xardín desordenado que interpretará pezas do seu último traballo, "A vitoria da luz", baseado en textos de María Victoria Moreno e pechará o acto. Tamén, durante todo o acto a pintora Irene Silva realizará un mural en directo.

Palabra, música, pintura únense así para festexar a nosa lingua, esta que tanto amou María Victoria Moreno, quen non dubidou en utilizala no ensino ou en dar aulas de lingua alí onde for requirida en tempos da ditadura franquista. Os seus versos, os seus relatos en que os animais teñen un papel principal, o seu amor pola lingua son o legado que nos deixa unha estremeña que un día namorou deste noso país.

Está en:  Inicio Novas Xornadas O estudo da represión non primeiro franquismo, na provincia de Pontevedra.
Skip to content

Relacionados

Xornadas O estudo da represión non primeiro franquismo, na provincia de Pontevedra. PDF Imprimir Correo-e

Memoria histórica - Novas
Martes, 19 Outubro 2010 01:00
cartelFRANQUISMO
Download this file (cartelFRANQUISMO_Maquetación 1.pdf)
Download this file (FolletoGUERRACIVIL.pdf)
Download this file (Textiño explicativo.pdf)
  • Anterior
  • 1 of 4
  • Seguinte

O próximo venres 22 de outubro comezarán as Xornadas O estudo da represión non primeiro franquismo, na provincia de Pontevedra. Estado da cuestión. As que se desenvolverán durante ese día e o sábado 23. As xornadas son abertas ao público en xeral, limitado só pola capacidade do local. Aínda así pregamos confirmación da asistencia por este motivo.
Deixamos a disposición dos interesados o programa temático das xornadas, así como un texto explicativo da obra "Historia Tricolores, ou como aqueles animaliños proclamaron a República", de Cándido Pazó, que será representada polo autor o día da inauguración.
A cita é na Aula de Cultura ponte de Rosas, sede do IEM.


Os estudos sobre a represión franquista na provincia de Pontevedra teñen avanzado considerablemente nos últimos anos. Aínda así en moitos concellos non se avanzou moito máis que no baleirado de rexistros civís, causas militares e outra documentación Botar unha ollada ao traballo realizado, reflexionar sobre o mesmo, e esbozar novas liñas de investigación (desaparecidos, detencións non documentadas, iniciativas xurídicas, relación supracomarcal entre as organizacións obreiras e agrarias, conexións para a organización da resistencia, planeamento da represión, etc...) son os obxectivos destas xornadas sobre os estudos da represión do primeiro franquismo na provincia de Pontevedra.
Attachments:
Cartel das Xornadas[ ]3472 Kb
Programa das Xornadas[ ]3517 Kb
Textiño explicativo [ ]1201 Kb