Skip to content

IEM - Instituto de Estudos Miñoranos

Increase font size Decrease font size Default font size

Destacados

Faladoiros do IEM: «Presenza das mulleres» mércores 13 de decembro ás 20:00H, Ana Ulla Miguel ¨A astronomía de hoxe que as astrónomas galegas fan"

O Instituto de Estudos Miñoráns ofrecerá o vindeiro mércores 13 de decembro ás 20:00H o faladoiro ¨A astronomía de hoxe que as astrónomas galegas fan", por Ana Ulla Miguel, astrofísica, dentro do ciclo «Presenza das mulleres»

Será presentada por María Lemos Cerqueira, mestra e membro da xunta de goberno do IEM.

O acto terá lugar na sede do IEM, na Aula de Cultura Ponte de Rosas, Avda da Feira 10 baixo, Gondomar.

Ana Ulla Miguel

Biografía

Doutora en Ciencias Físicas pola Universidade de A Laguna coa especialidade de Astrofísica. Profesora Titular de Universidade do Departamento de Física Aplicada da Universidade de Vigo, desde xaneiro de 2001, desempeñando con anterioridade diversos postos de investigación e docencia en centros nacionais e estranxeiros. É, desde a súa creación no ano 2005, a investigadora principal do Grupo AS1 de Astronomía e Astrofísica da UVIGO. Membro da Unión Astronómica Internacional (IAU), da Sociedade Española de Astronomía (SEXA), da Real Sociedade Española de Física (RSEF) e da Asociación de Mulleres Investigadoras e Tecnólogas (AMIT). É ademais integrante do padroado da Fundación Ceo, Ciencia e Cultura (FC3), que xestiona o Observatorio Astronómico de Forcarei (OAF).

Está en:  Inicio Novas O profesor John Thompson da Universidade de Montana presenta o súa pescuda sobre arte e memoria.
Skip to content
O profesor John Thompson da Universidade de Montana presenta o súa pescuda sobre arte e memoria. PDF Imprimir Correo-e

Memoria histórica - Novas
Venres, 17 Xuño 2011 21:58
{youtube width="250" height="200"}LQhkp7FNJ9A{/youtube}

John Thompson (1971) é doutor pola Universidade de Michigan e profesor de Linguas Modernas da Universidade de Montana. A súa presenza en Galicia débese a unha pescuda que el mesmo denomina "Lugares de memoria". No seu traballo, Thompson intenta cartografar os monumentos e lugares públicos onde os artistas plasmaron obras a fin de manter viva a memoria de determinadas persoas ou feitos vinculados á represión en Galicia durante a ditadura franquista. Na entrevista que achegamos, o profesor describe algunhas características dos mesmo.

O profesor John Thompson  presentou en 2009 unha primeira pescuda sobre memoria histórica en Galicia a través do seu ensaio As novelas da memoria. Nese traballo tomou como referencia 42 novelas que saíron á luz entre o ano 1957 e o 2007, e que foron escritas, entre outros, por Carlos Casares, Suso de Toro, María Xosé Queizán, Manolo Rivas, Anxo Angueiro, Antón Riveiro Coello e Xosé Manuel Sarille.