Skip to content

IEM - Instituto de Estudos Miñoranos

Increase font size Decrease font size Default font size

Destacados

Laura Ramos Cuba gaña o XIº Premio de poesía VictorianoTaibo coa obra presentada baixo o título de A situación actual

O xurado do certame poético VictorianoTaibo que convoca o Concello de Gondomar en colaboración co Instituto de Estudos Miñoráns, integrado polos escritores e escritoras Iria Misa, Gonzalo Navaza, Miguel Anxo Mouriño, Marta Dacosta en nome do IEM e Rafa Vilar, gañador da Xª edición, resolveu que o libro gañador desta XIª edición era o presentado co título de A situación actual que, unha vez aberta a plica, resultou ser da autoría de Laura Ramos Cuba.

O xurado valorou que se trata dunha obra absolutamente contemporánea en que atopamos unha voz intimista moi forte. Unha voz dunha grande radicalidade, capaz de reflectir unha situación límite, unha crise emocional. Destaca a capacidade de poetizar o cotián con sinxeleza e fondura a un tempo. O xurado tamén salientou a unidade do libro, que mantén ao longo da lectura o pulso e o ritmo.

Laura Ramos Cuba, é unha moza burelá graduada en xornalismo e comunicación audiovisual pola Universidade de Santiago de Compostela. Este é o seu primeiro premio e, será, o seu primeiro libro publicado, co que o certame Victoriano Taibo ten a satisfacción de permitir que saia á luz esta voz actualísima que nos fala desde as súas propias coordenadas inseridas neste século XXI.

A entrega do premio será o día 17 de novembro nun acto que decorrerá no Auditorio Lois Tobío de Gondomar.

 

Está en:  Inicio Novas Péchase a fosa de Grandal (Vilarmaior) co retiro de cinco corpos exhumados.
Skip to content
Péchase a fosa de Grandal (Vilarmaior) co retiro de cinco corpos exhumados. PDF Imprimir Correo-e

Memoria histórica - Novas
Martes, 18 Outubro 2011 21:09
portada-cemiterio
DSC04520
  • Anterior
  • 1 of 2
  • Seguinte

Co retiro dos restos exhumados polo equipo arqueolóxico do IEM, dirixido por Xosé Lois Vilar, pechouse a fosa común no cemiterio de San Pedro de Grandal (Vilarmaior) na tarde deste martes 18 de outubro. Aos dous cadáveres atopados na xornada do venres 15, sumáronse os restos doutras tres persoas, todos eles pendentes de identificar por parte das unidades forenses. Xunto cos restos, foron atopados unha moeda, unha medalla, un chisqueiro, un calzado, minas de grafito, e unha folla escrita que poden ser de utilidade na seguinte fase de identificación dos corpos.
A orixe desta pescuda estivo no reclamo feito polo ex deputado no Congreso de Deputados polo BNG Francisco Rodríguez, quen busca ao seu avó, o ebanista Xosé Rodríguez Braxe, fusilado o 15 de setembro do 36, coñecido en Cabanas como Luxo. Logo, uniuse Olimpia Varela, quen intenta recuperar os restos do seu tío, Manuel Varela González, agrarista, morto o 11 de setembro de 1936. Pero na fosa tamén se atoparon máis corpos. Isto xunto con testemuñas da época,acercou a familiares doutra vítima da represión, Joaquín Rodríguez Rodríguez, comerciante, representante de máquinas de escribir e dunha estafeta de correos. Fora fusilado naquelas datas e o seus netos queren saber si se encontra nesta fosa.
Os estudos anatómicos forenses destes restos localizados estarán agora baixo responsabilidade de Fernando Serrulla, do Instituto de Medicina Legal de Galicia (IMELGA). Posteriormente procurarase a identificación dos restos a través dunha comparativa do ADN cos dos seus descendentes. Estes traballos estarán dirixidos por Ángel Carracedo, director do Instituto de Medicina Forense da Universidade de Santiago de Compostela.