Skip to content

IEM - Instituto de Estudos Miñoranos

Increase font size Decrease font size Default font size

Destacados

Volta dos Nove. Sábado 13 de outubro

Volta dos Nove

O Instituto de Estudos Miñoráns (IEM) e a Comisión da Volta dos Nove convídavos ós actos de lembranza do asasinato dos Ineses, a señora Dolores Samuelle e Os Nove de Baiona e Panxón o vindeiro sábado 13 de outubro.Hai xa 82 anos.

Ás 11h30'-no cemiterio civil de Sabarís unha lembranza oral e floral para Xosé e Luís López Luís e Dolores Samuellle, tamén coa compaña musical dos da Foz.

Ás 11h45'-na Volta dos Nove palabras, música e flores para os nove homes asasinados a noite do 15 para o 16 de outubro de 1936.

 

Foi no 24 de xullo, a media mañá, festas en Santa Cristina.

Entraron as tropas que viñan de acalmar Vigo.

O comandante militar de Baiona: Ramón Blanco Linares. Requisa na sociedade obreira de Sabarís, na Porta do Sol, socialista e anarquista. Fichas de afiliación, revistas pornográficas, correspondencia, ...

Ducias de homes fuxidos. Foron aparecendo todos, pero entre outros, faltaban Pepe e Luís, Os Ineses. Descubertos o 13 de outubro de 1936 agochados na casa de Ventura Pérez, cego, axudado por Dolores Samuellle que compraba moitos víveres para o vello, ou o xornal. Delación e entrada de falanxistas, e garda civil a mañá do 13. Defensa propia e ferido (Luís Refojo Mariño, camisa nova). Luís morto a tiros nunha viña camiño da Ladeira, Pepe no muro do cemiterio. Exposición pública e asasinato de Dolores Samuellle, por encubridora.

En Vigo o 15 morre o ferido e esa noite van buscar veciños do Val de Miñor os cárceres de Vigo, traen nove que matan antes da amañecida e á tarde enterran o camarada caído.

Herminio Ramos lembrounos:

1936 Octubre 16. En el día de hoy aparecen muertos a la orilla de la carretera más allá de la fuente de San Roque nueve hombres que resultaron ser vecinos desta villa, calificados de rojos presos en Vigo.

Está en:  Inicio Novas Homenaxe ás vítimas portuguesas da represión franquista en Monção coa presenza de Mário Soares.
Skip to content
Homenaxe ás vítimas portuguesas da represión franquista en Monção coa presenza de Mário Soares. PDF Imprimir Correo-e

Memoria histórica - Novas
Escrito por IEM   
Venres, 27 Abril 2012 14:24
homenaxe-portugal


Un total de 56 homes e mulleres de orixe portugués están rexistrados no proxecto Nomes e Voces, como vítimas de represión franquista. Deles, dous vivían no Val Miñor, nomeadamente Abilio Araújo Barbosa e Manuel Prudencio del Rosario. Veciños afincados na parroquia de Chaín (Gondomar) e asasinados na estrada Baiona - A Guarda, á altura de San Xián en febreiro de 1937. Todos eles serán homenaxeados o vindeiro 12 de maio na Universidade do Minho, na vila portuguesa de Monção. Acto ao que adhire o IEM.
Co título "Homenagem a Portugueses mortos pelo Franquismo durante a Guerra Civil Espanhola", desenvolverase un programa que comezará as 15 horas coa descuberta dunha placa coa listaxe das vítimas que estará encabezada polo ex presidente da República de Portugal Mário Soares. Posteriormente intervirán José Emilio Moreira (Presidente da Câmara Municipal de Monçâo), António M. Chunha (Reitor da Universidade do Minho) e Fernando Rosas (Instituto História Contemporânea, da Universidade Nova de Lisboa). O acto rematará cunha actuación do Grupo de Gaiteiros "Os Conxeiros".
Ás 16 horas, na Sala de Conferencias da Casa Museu de Monção, da Universidade do Minho, desenvolverase un faladoiro coa participación de Lourenzo Fernández Prieto e Dionisio Pereira (Proxecto de Investigación "Nomes e Voces" da USC), Paula Godinho (Facultade de Ciencias Socias da Universidade Nova de Lisboa), Norberto Cunha (Universidade do Minho). Sesión que rematará cunha actuación do Grupo Cultural "Os Sinos de Sé".
O acto memorístico está organizado pola Universidade do Minho, a Universidade Nova de Lisboa, a Fundação Mário Soares, o Centro Histórico Cotemporâneo, o Proxecto Nomes e Voces da Universidade de Santiago de Compostela e a Câmara Municipal de Monção.
Achegamos material xornalístico verbo a represión de cidadás portugueses en Galicia durante o franquismo publicados polo xornal Público. Preme aquí.