Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio Novas Homenaxe ás vítimas do franquismo o 18 de xullo de 2010 en San Simón
Skip to content
Homenaxe ás vítimas do franquismo o 18 de xullo de 2010 en San Simón PDF Imprimir Correo-e

Memoria histórica - Novas
Luns, 12 Xullo 2010 21:50
illa_san_simon

Comunícate có IEM para participar do Homenaxe ás vítimas do franquismo o 18 de xullo de 2010 en San Simón: Para asistir a este acto debes de poñerte en contacto co Instituto de Estudos Miñoranos (Tel.: 986 360 575 / Móbil: 680 644 490, Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ) có fin de organizar o transporte á illa, pois temos limitada a asistencia á 300 persoas. Haberá dous barcos, un ás 10h e outro ás 10:30h e os de saída da Illa ás 14h. e ás 14:30.

Homenaxe ás vítimas do franquismo o 18 de xullo de 2010 en San Simón

O Instituto de Estudos Miñoranos ten dedicado moitos esforzos á recuperación da memoria das vítimas do xenocidio iniciado en xullo de 1936. Non é agora o momento de lembralas. Nin de anunciar as que en breve se realizaran. Mais si de anunciarvos que o IEM participa xunto a diversas asociacións pola memoria de todo o país na Iniciativa Galega pola Memoria  que está en fase de elaboración dunha declaración de principios.

Como ben sabedes o actual goberno da Xunta abandonou por completo o labor de recuperación da memoria histórica das vítimas do golpe militar-fascista e mesmo pretende ignorar o labor realizado nos anos anteriores. Nesta liña pretenden diluír a función simbólica da Illa de San Simón. Diversas asociacións pretendemos esixir da xunta de Galicia o respeto polo traballo realizado e nomeadamente que San Simón se manteña como LUGAR DA MEMORIA.

Só outro exemplo, os traballos realizados polo IEM nas dúas fosas exhumadas en San Xián, con resultado positivo e a de Baiona (a dos Nove) con resultado negativo, aínda hoxe a administración non abonou a axuda comprometida para o pago dos traballos arqueolóxicos...

O 18 de xullo, as asociacións pola recuperación da memoria histórica de Galicia que asinamos a Iniciativa Galega pola Memoria, imos levar a cabo unha homenaxe nacional ás vítimas do franquismo na Illa de San Simón, no que presentaremos o manifesto de reivindicacións que acordamos e lembraremos con este acto aos que estiveron presos nesa illa agardando o seu fatal final e, neste ano, especialmente ás súas familias.

Para asistir a este acto debes de poñerte en contacto co Instituto de Estudos Miñoranos (Tel.: 986 360 575 / Móbil: 680 644 490, Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ) co fin de organizar o transporte á illa, pois temos limitada a asistencia á 300 persoas. Haberá dous barcos, un ás 10h e outro ás 10:30h e os de saída da Illa ás 14h. e ás 14:30.