Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio Novas
Skip to content
Novas
Proxección do documental " A Guerra tamén foi nossa"da RTP, Radio Televisión de Portugal, sobre a historia dos portugueses represaliados polo franquismo na guerra civil española. PDF Imprimir Correo-e
Memoria histórica - Novas
Escrito por IEM -Sec   
Xoves, 25 Maio 2017 22:32

a guerra tamn foi nossa

O Instituto de Estudos Miñoráns presentará o vindeiro mércores 31 de maio, ás 20:30H na Aula de Cultura Ponte de Rosas, Avenida da Feira, 10 baixo en Gondomar a proxección do documental" A Guerra tamén foi nossa" da RTP, Radio Televisión de Portugal, sobre a historia dos portugueses represaliados polo franquismo na guerra civil española.

Haberá un coloquio coas autoras da reportaxe Ana Luisa Rodrigues e Carla Quirino.

Presentarán o acto Xilberte Manso de la Torre e Antonio Arauxo Quintas.

 
Presentación " Un cesto de mazás" de Montse Fajardo o venres 17 de marzo ás 20.30 horas no Mercado de Tomiño PDF Imprimir Correo-e
Memoria histórica - Novas
Escrito por IEM -Sec   
Mércores, 15 Marzo 2017 00:52

cartel un cesto de mazs

O vindeiro venres 17 de marzo ás 20.30 horas no Mercado de Tomiño terá lugar a presentación do libro"Un cesto de mazás". Intervirán:

Xosé Lois Vilar do Instituto de Estudos Miñoráns,

Sandra González Álvarez, alcaldesa de Tomiño,

Luís Bará, autor de " Non des a esquecemento" e

Montse Fajardo, autora de " Un cesto de mazás"

“A idea de poñerlle este título ao libro naceu cando, non hai moito, Luís Bará tivo o aceno de levarlle a Tucha, filla dun represaliado, un cesto de mazás”.Ese cesto “representa a ofrenda que lle facemos todas ao lembrar esa parte do pasado colectivo, pero tamén individual e profundamente íntimo, que determinou negativamente a vida de tantas persoas. Proxectar luz sobre esa verdade silenciada é a nosa homenaxe ás vítimas, que non foron só as que perderon a vida, senón todas aquelas que viviron o desgarro, o trauma de perder un ser querido e soportaron o estigma social, padecendo penurias e humillacións por riba de tanta dor”.

Sinopsis

“Este libro fala de persoas detidas, fusiladas, asasinadas en cunetas, agochadas durante anos en tobos de cortes ou ocos de cociña, humilladas. Fala de foxas, batallóns, depuracións, cárcere e exilio. Das vítimas evidentes pero tamén das outras. Das nais que pasean de noite na procura da Santa Compaña para ver unha vez máis o fillo fusilado. Das que perseguen a morte nas entrañas dos pozos para reencontraren con el. Das nenas que miran pola ventá unha escola na que non teñen cabida as irmás dos rojos. Das obrigadas a bordar panos para recoller as bágoas que aínda lles quedan por verter. Das viúvas que trasladan o cadaleito a soas. Dos orfos que marcan co pau da luz as foxas sen nome”.

 

 
San Simón, illa de Memoria PDF Imprimir Correo-e
Memoria histórica - Novas
Escrito por IEM   
Luns, 20 Xullo 2015 05:57

San-simon-2015

O reclamo de xustiza e non esquecemento para as vítimas da ditadura franquista uniu a máis de 400 persoas este domingo no antigo campo de concentración da illa de San Simón. Convocados polas asociacións reunidas na Iniciativa Galega pola Memoria, participaron dun acto, este ano inspirado na lembranza das persoas exiliadas por causa da represión. A xuntanza, cun fondo carácter tamén emotivo, contou coa testemuño de Darío Rivas, quen aos 94 anos lidera a querela na Arxentina contra os responsables do xenocidio iniciado en 1936, entre cuxas vítimas atópase seu pai, alcalde de Castro Rei executado por falanxistas.

Ler máis...
 
Inscricións para participar na homenaxe ás vítimas do franquismo na Illa de San Simón. PDF Imprimir Correo-e
Memoria histórica - Novas
Xoves, 02 Xullo 2015 21:38

Isla-Vigo-utilizada-carcel-franquismo_EDIIMA20130724_0533_13

Como todos os anos nestas datas Iniciativa Galega pola Memoria organiza o acto nacional de homenaxe ás vítimas do franquismo na Illa de San Simón. Este ano será o domingo 19 de xullo e terá como núcleo central da cerimonia o recordo para todos aqueles que deberon emigrar ou exiliarse por mor da represión da ditadura.

Como sabedes, para participar é necesario inscribirse previamente para coordinar as prazas dispoñibles nos barcos que fan o cruce á illa ese día. Os amigos e amigas do IEM que estean interesados en participar deben dirixir unha solicitude ao correo oficina @minhor.org . A data límite en principio é o martes 7 de xullo. Coma todos os anos, as persoas que participen da homenaxe deben trasladarse por medios propios até o porto.

Ler máis...
 
O documental “As silenciadas” pecha o ciclo Cine e Memoria II no IEM PDF Imprimir Correo-e
Memoria histórica - Novas
Escrito por IEM   
Luns, 27 Outubro 2014 21:53

assilenciadas_640x480

O vindeiro mércores 29 de outubro de 2014 ás 20:30 horas terá lugar o pase do documental As Silenciadas (Galicia, 2011), dirixida por Pablo Ces. Na proxeccións estarán presentes o director do filme así como Aurora Marco, encargada da investigación da historia así como co-responsable do guión, quen desenvolverán un coloquio co público asistente.

Ler máis...
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 2 de 13