Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio O IEM Acta constitución
Skip to content
Xornada "Embarcacións patrimoniais: navegando por un mar de dúbidas". PDF Imprimir Correo-e

Marítima - Novas
Escrito por IEM   
Xoves, 24 Febreiro 2011 23:46
XornadasEmarcacionsTradicionais-Cambados_20110225-1
Download this file (XornadasEmarcacionsTradicionais-Cambados_20110225.pdf)
  • Anterior
  • 1 of 2
  • Seguinte

O vindeiro día 25 de febreiro vai ter lugar no Centro Comarcal do Salnés, en Cambados, a Xornada "Embarcacións patrimoniais: navegando por un mar de dúbidas." dentro do Proxecto NEA2. Intervirán representantes da Dirección General de la Marina Mercante, Consellería de Cultura, L'Atelier de l'enfer, Proxecto NEA2 Francia, Museo do Mar de Galicia, Museo Marítimo de Barcelona, Proxecto Dorna e a Sección Marítima do IEM.
O obxectivo da xornada é estudar a situación actual dos barcos de interese patrimonial, tanto do punto do vista da súa protección como Patrimonio que son, como desde o punto de vista da normativa de navegación que lles é de aplicación e inclusive desde o punto de vista das dificultades para establecer unha definición de embarcación tradicional que non estea suxeita a interpretacións en cada caso que se presente.
Attachments:
Folla informativa[ ]180 Kb