Skip to content

IEM - Instituto de Estudos Miñoranos

Increase font size Decrease font size Default font size

Destacados

Volta dos Nove. Sábado 13 de outubro

Volta dos Nove

O Instituto de Estudos Miñoráns (IEM) e a Comisión da Volta dos Nove convídavos ós actos de lembranza do asasinato dos Ineses, a señora Dolores Samuelle e Os Nove de Baiona e Panxón o vindeiro sábado 13 de outubro.Hai xa 82 anos.

Ás 11h30'-no cemiterio civil de Sabarís unha lembranza oral e floral para Xosé e Luís López Luís e Dolores Samuellle, tamén coa compaña musical dos da Foz.

Ás 11h45'-na Volta dos Nove palabras, música e flores para os nove homes asasinados a noite do 15 para o 16 de outubro de 1936.

 

Foi no 24 de xullo, a media mañá, festas en Santa Cristina.

Entraron as tropas que viñan de acalmar Vigo.

O comandante militar de Baiona: Ramón Blanco Linares. Requisa na sociedade obreira de Sabarís, na Porta do Sol, socialista e anarquista. Fichas de afiliación, revistas pornográficas, correspondencia, ...

Ducias de homes fuxidos. Foron aparecendo todos, pero entre outros, faltaban Pepe e Luís, Os Ineses. Descubertos o 13 de outubro de 1936 agochados na casa de Ventura Pérez, cego, axudado por Dolores Samuellle que compraba moitos víveres para o vello, ou o xornal. Delación e entrada de falanxistas, e garda civil a mañá do 13. Defensa propia e ferido (Luís Refojo Mariño, camisa nova). Luís morto a tiros nunha viña camiño da Ladeira, Pepe no muro do cemiterio. Exposición pública e asasinato de Dolores Samuellle, por encubridora.

En Vigo o 15 morre o ferido e esa noite van buscar veciños do Val de Miñor os cárceres de Vigo, traen nove que matan antes da amañecida e á tarde enterran o camarada caído.

Herminio Ramos lembrounos:

1936 Octubre 16. En el día de hoy aparecen muertos a la orilla de la carretera más allá de la fuente de San Roque nueve hombres que resultaron ser vecinos desta villa, calificados de rojos presos en Vigo.

Está en:  Inicio O IEM Obxectivos
Skip to content
Presentación de "Saiban cantos estas cartas viren... Álvaro Cunqueiro e Alberto Casal (1955-1961)", PDF Imprimir Correo-e

Filoloxía e literatura - Artigos
Escrito por IEM   
Martes, 02 Outubro 2012 20:01
Fotografia-Alvaro-Cunqueiro-Estructuras-EFEArchivo_TL5IMA20110223_0094_4

Este venres 5 de outubro ás 20 horas na Aula de Cultura Ponte de Rosas (sede do IEM - Avda. da Feira Nº 10 Gondomar), terá lugar a presentación do Caderno Ramón Piñeiro nº XXIII,  baixo o título Saiban cantos estas cartas viren... Álvaro Cunqueiro e Alberto Casal (1955-1961), editado polo Centro Ramón Piñeiro.

Nesta publicación que será presentada por primeira vez en Gondomar recollese a correspondencia entre Álvaro Cunqueiro e o notario vigués, na actualidade residente en Gondomar, Alberto Casal que foi un gran amigo de Cunqueiro. O notario non lembra cando xurdiu a súa amizade, pero acórdase del en Lugo, no Parque Rosalía de Castro, con Ánxel Fole. En 1955, acude con el a recoller a súa primeira obra literaria, Merlín e familia, a quen llo dedica. Anos despois, será Casal quen convenza a Álvaro para que se traslade a Vigo. Na notaría da rúa Reconquista pasaran horas de amigable conversa.

Segundo o editor, Luís Cochón, o libro amosará aspectos descoñecidos da personalidade e da vida do escritor mindoniense.

No acto que será conducido pola escritora, membro do IEM, e especialista na obra cunqueirá Rexina Vega e que contará coa presenza de Alberto Casal, intervirán o fillo do escritor, tamén notario e socio do IEM, César Cunqueiro así como o ex director de Faro de Vigo e actual conselleiro da empresa editora. O editor Luís Cochón e o codirector dos Cadernos Ramón Piñeiro, Luís Alonso Girgado presentarán a publicación e o Secretario de Política Lingüística, Valentín García Gómez pechará o acto que contará tamén coa actuación do grupo de corda        Cordas Novas que entre outras interpretará un poema músicado de Álvaro Cunqueiro