Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio Premio Victoriano Taibo
Skip to content
Entrega de premios do IX Certame Literario Diego Sarmiento de Acuña. PDF Imprimir Correo-e

Filoloxía e literatura - Artigos
Martes, 21 Xuño 2011 21:49
luis-tobio

O día 20, ás 10 da mañá, o auditorio municipal Lois Tobio, de Gondomar, acolleu os alumnos de terceiro ciclo dos colexios CEIP Souto – Donas e CEP Xosé Neira Vilas, de Peitieiros, invitados pola concellería de Educación, que dispuxo autobuses para o seu traslado, a participar na entrega de premios do IX Certame Literario D. Diego Sarmiento de Acuña como centros que achegaron maior número de participantes no devandito concurso.

Ao comezar o acto, a poeta Marta Dacosta deulles a benvida, amosoulles nunhas poucas pinceladas a importancia do personaxe que lle dá nome ao certame e salientou a necesidade de coidar e cultivar con cariño esta nosa lingua tan querida, tamén, para o primeiro conde.

A continuación leu a acta do xurado, composto por Concha Costas, Anxo Ratel, Marga Vázquez (modalidade de poesía), Juan Cruz, Aida Costas e Antonio Valverde (modalidade de narración), que acordou conceder os seguintes premios:

Tres primeiros premios (vale de Achego de 150 €), na modalidade de poesía, ás seguintes obras e autores:

  • A Primavera. Lucía Álvarez Cacheiro. C.E.I.P. Souto – Donas.
  • A Cascuda. Anxo Iglesias Núñez. C.E.I.P. Souto – Donas.
  • Os Tronos. Edu Rodríguez Lago. C.E.P. Xosé Neira Vilas. Peitieiros.

Primeiro premio (vale de Achego de 150 €) de narrativa á seguinte obra e autora:

  • Sentimentos de Cristal. Xiana Vilar Estévez. C.E.I.P. da Cruz. Camos.

Premio ((vale de Achego de 250 €) por maior participación e calidade ao colexio CEIP Souto – Donas.

Logo deulle paso ao contacontos Mario Tomás, persoa vinculada ao teatro cunha longa traxectoria profesional, que engaiolou os rapaces coa súa actuación dividida en dúas partes. No medio delas, os premiados leron as súas obras e, a seguir, a concelleira dirixiulle unhas palabras aos participantes e procedeu a entregar os premios devanditos e os diplomas acreditativos do galardón conseguido. Tanto os premiados como os demais concursantes recibiron unha “taza” conmemorativa do certame co nome de cada un.

Rematado o acto, os rapaces puideron degustar trenzas de rosca acompañadas de refrescos ata que os autobuses os devolveron ás súas aulas.