Escolma de exposicións 2009

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

Está en: Inicio

Sala de exposicións

Relacionados

Escolma de exposicións 2009 - 2016

Sala exposicións - Sala Exposicions 2009 - 2016

Escrito por IEM

Martes, 19 Abril 2016 01:00

Integrada nas actividades que leva a cabo o IEM, a programación das exposicións na sala da Aula de Cultura Ponte de Rosas, representa unha coidada oferta, que, da man dos seus responsables, o arquitecto Antonio Soliño, o escultor e aparellador Alfonso Soliño e o artista Fino Lorenzo, intenta acoller, de maneira aberta e heterodoxa, todo tipo de manifestacións e derivacións plásticas, que inclúan, ademais dos soportes xa tradicionais, pintura, escultura e fotografía, mostras de deseño, arquitectura, moda, cómic, instalación, ilustración, etc.

A intención dos seus responsables e ofrecer, dende o Val Miñor, un motivo de reflexión arredor das propostas que ofrecen pensamento plástico sobre os dilemas da arte contemporánea, en todas as manifestacións posibles. Esta vontade de contemporaneidade non exclúe as miradas ao pasado recente, dos autores que, dende hai algunhas décadas, intentan ou intentaron, cada un o seu xeito,e, a marxe do seu maior ou menor éxito, rachar cunha tradición asfixiante e banalizada hoxe xa superada.

De resultas deste programa de intencións desprendese un contraste dialéctico e interxeracional entre opcións, soportes e intencións, que o IEM, na súa procura dunha concepción aberta da cultura, defende para este pais.

Visita as exposicións realizadas na Aula de Cultura Ponte de Rosas dende a súa inauguración.

2016

Alfonso Soliño Troncoso