Skip to content

IEM - Instituto de Estudos Miñoranos

Increase font size Decrease font size Default font size

Destacados

Resolución do II Certame Escolar de Creación Dramática.

Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

Está en:  Inicio Sala de exposicións Artigos Lula Goce presenta a súa instalación A-MAR na Aula de Cultura Ponte de Rosas.
Skip to content
Lula Goce presenta a súa instalación A-MAR na Aula de Cultura Ponte de Rosas. PDF Imprimir Correo-e

Sala exposicións - Sala Exposicions 2009 - 2016
Xoves, 10 Febreiro 2011 19:48
lula_goce_montaxe_web
Mañá venres 11 de febreiro de 2011 ás 20:30h. na Aula de Cultura Ponte de Rosas, (Avda. Campo da Feira, 10, baixo, Gondomar) inaugurarase a exposición da artista visual LULA GOCE "A-MAR. Cartografías do pasado-presente". Trátase dunha intervención efémera realizada especialmente para este espazo pola artista.
Lula Goce (Baiona, 1976), formada nas facultades de Belas Artes en Salamanca e Barcelona ten un intenso currículo que inclúe experiencias e proxectos de ilustración, deseño gráfico, vídeo-creación e instalación realizados en Galicia, Cataluña, Madrid, México, California, Canadá, Austria e Portugal. Para maior información sobre esta artista visual, natural de Baiona, poden consultar a súa web http://www.lulagoce.com/
O acto será presentado por Fino Lorenzo, coordinador da sala de exposicións da Aula de Cultura "Ponte de Rosas" e contará coa presenza de Lula Goce. Ao remate do mesmo compartiremos uns petiscos coa nosa convidada.
A exposición permanecerá aberta entre o 11 de febreiro e o 10 de marzo e poderá ser visitada, os días laborables, entre as 19h e as 21h.