Skip to content

IEM - Instituto de Estudos Miñoranos

Increase font size Decrease font size Default font size

Destacados

Acto de entrega do XI Premio de Poesía Victoriano Taibo. inicio tamén da I Semana poética Victoriano Taibo.

O Auditorio Lois Tobío acolle o acto de entrega do XI Premio de Poesía Victoriano Taibo

Desde este sábado, dá inicio tamén a I Semana poética Victoriano Taibo que enmarca a entrega do premio

 

Organizado polo Concello de Gondomar e o Instituto de Estudos Miñoráns.

E para achegarnos á data no ambiente poético propicio, o IEM inicia, este sábado día 10, a I Semana poética Victoriano Taibo, que encherá de versos a vila de Gondomar, unha festa poética que terá un fermoso ramo o día 17 coa entrega do premio desta décimo primeira edición a Laura Ramos Cuba.

I Semana poética Victoriano Taibo:

O sábado 10, ás 21:00 h. no Café Rañolas comeza esta celebración poética e será cun Slam poético, un recital aberto en que pode participar quen quixer co único requisito de que os textos que recite, dous, sexan de autoría propia e estean na nosa lingua. Cómpre tan só inscribirse previamente no correo electrónico do IEM (oficina@iem.gal). Un xurado escollido entre o público asistente seleccionará ao gañador ou gañadora da noite.

O luns día 12 a poesía tomará os balcóns e as fachadas de Gondomar, ondeando os seus versos en lonas que reproducirán, entre outros, poemas de autores premiados co Victoriano Taibo.

Nesa semana repartiranse tamén entre 14 establecementos hosteleiros manteis ilustrados con poemas.

E no medio da semana, nun lugar céntrico e frecuentado, podermos gozar dunha sorpresa poético-musical que non poderá ser máis anunciada para que, efectivamente, sexa unha sorpresa.

E así chegaremos ao sábado 17, data de entrega do XI Premio Victoriano Taibo.

A banda de gaitas Balcón do Miñor, de Morgadáns, amenizará o acto en que a autora recibirá o galardón da man do alcalde de Gondomar, Francisco Ferreira, e recitará algúns poemas da súa obra. No acto tamén intervirá o director do IEM, Xulián Maure. Á saída, no vestíbulo, estará agardando un albaroque de confraternización durante o cal a autora asinará libros para quen o desexe.

O premio está dotado con 3000€ e unha peza escultórica da autoría de Fino Lorenzo.

Está en:  Inicio Seccións
Skip to content
XX Festival Folclórico Internacional e Semana Cultural en Peitieiros. PDF Imprimir Correo-e

O IEM - Novas
Escrito por IEM   
Venres, 16 Agosto 2013 20:20
cartel-XX-Festival

O vindeiro 24 de agosto, ás 19 horas, o Centro Cultural de Peitieiros, Gondomar, celebra o XX Festival Folclórico Internacional. Neste ano 2013 conmemórase tamén o 20 aniversario desta actividade que comezou realizarse na parroquia gondomarense no ano 1993, tendo como grupo anfitrión a Ecos e Agarimos, grupo de Gaitas e Baile do Centro Cultural.

Nesta edición se contará coa presenza do grupo anfitrión, Ecos e Agarimos, que como en todas as edicións será o responsábel de iniciar o Festival, cunha traxectoria de máis de vinte anos é a escola de música e baile tradicional da parroquia. Estarán tamén os grupos galegos: Pedras Miúdas de Lires, Cee, que recuperou as danzas tradicionais dos Arcos e das Patelas tal e como se bailaban hai uns cincuenta anos. A treboada Airiños Novos de Pinzás, da Escola de Música de Pinzás e coa que se quere manter viva este tipo de formación musical e os Terribles de Donas, Grupo de Música Tradicional Galego-Portuguesa con máis de 80 anos de traxectoria, pois foi a primeira murga formada no Val Miñor. Eles serán os encargados de pechar o festival.

Anunciase tamén a  participación do Rancho Folclórico da Amizade Telões-Amarante, que teñen entre os seus obxectivos o perfeccionamento e o ensino do seu folclore tradicional e as Trikitilaris de Euskal Herría Enara Yarza e Lorea Etxart que mostrarán a música tradicional das formacións integradas por unha trikitixa (acordeón diatónico) e un pandeiro, que se remontan a finais do XIX, nas romarías celebradas nas abas do monte Urkiola.

O Festival comezará  ás 12 da mañá con obradoiros diversos de baile e música abertos á participación de quen quixer achegarse.

Mais, ao tratarse dunha data sinalada e que pon de relevo o esforzo das diferentes persoas que ao longo destes vinte anos estiveron á fronte do Centro Cultural, a directiva actual quixo conmemorar a data celebrando tamén unha semana cultural que comezará o vindeiro domingo 18 de agosto. Desde a mostra das actividades que durante o curso se realizan no Centro Cultural, a través da actuación de Danzarinos, até a presentación dun vídeo dos vinte anos de Ecos e Agarimos, a semana cultural contará coa presenza de destacados nomes no panorama da música galega e da tradición oral: Xavier Blanco, mestre gaiteiro e técnico de cultura tradicional de Moaña, Santi Veloso de Ponte nas Ondas, Carlos Alonso da Asociación Cultural Oral, Xerado Santomé licenciado en Antropoloxía e músico popular que falará do seu libro Treboada Galega e Os Carunchos que presentarán o seu disco E ti que?.

Todos os actos, agás a actuación de Danzarinos, terán lugar no adro de Peitieiros e no seu centro cultural, ao lado da igrexa de vestixios románicos de San Miguel. A actuación de Danzarinos será no Auditorio Lois Tobío de Gondomar, ás 18:00 horas. Ademais terá lugar unha Mostra de Artesanía no Adro, durante o mesmo día 24.