Skip to content

IEM - Instituto de Estudos Miñoranos

Increase font size Decrease font size Default font size

Destacados

PROXECTO EQUUS CONFIRMANDO O NOVO PARADIGMA. A ARTE DESPOIS DOS LUMES.

PROXECTO EQUUS
CONFIRMANDO O NOVO PARADIGMA.

A ARTE DESPOIS DOS LUMES.

Hoxe, venres 29 de decembro, nunha roda de prensa no salón de actos do Centro de Interpretación do Patrimonio de Taboexa (As Neves) presentouse ao público a que, sen dúbida, é a mellor superficie de arte rupestre descuberta en Galicia nas últimas dúas décadas.

Estiveron presentes na mesa Xosé Manuel Rodríguez, alcalde de As Neves; Cándido Verde, Xosé Álvarez "O Buraco" e Xilberte Manso, descubridores do petróglifo, Xosé Lois Vilar, Eloy Martínez e Manolo Ledo, da sección de arqueoloxía do IEM, acompañados polo presidente da Comunidade de Montes de Taboexa.

Os participantes apoiaron as súas intervencións na proxección de fotografías e renderizados de modelos 3D resaltando as principais características e singularidades do conxunto de petróglifos descuberto.

Ó remate da roda de prensa desprazáronse á zona do descubrimento para completar as súas explicacións.

Desde o Instituto de Estudos Miñoráns continuaremos cos traballos que nos leven a completar o estudo deste extraordinario conxunto de gravados rupestres considerado xa un dos mellores de Galicia polo seu tamaño, pola súa tipoloxía e pola cantidade e variedade de figuras representadas.

Está en:  Inicio Seccións
Skip to content
Presentación de "E veu o lume" en Chandebrito no Colexio Estudio ás 20:00H PDF Imprimir Correo-e

O IEM - destacados
Escrito por IEM -Sec   
Xoves, 14 Decembro 2017 02:06
captura de pantalla 2017-12-14 a las 0.45.54

 

 

Venres 15 de decembro de 2017 presentamos en Chandebrito, no Colexio Estudio, o videoclip "E veu o lume", gravado polo grupo Cantares do Brueiro e Tino Baz na Madanela das Eiras (O Rosal), na Serra do Galiñeiro (Vincios) e no Castro de Chandebrito (Nigrán).

Intervirán Anxo Vaz dos Cantares do Brueiro, Xosé Lois Vilar Pedreira do Instituto de Estudos Miñoráns, proxéctase o videoclip e fala e canta e sinte Tino Baz.

No sábado 14 e no domingo 15 de outubro veu o lume, pero non veu de seu. Arderon montes, veigas, casas, coches, morreron persoas; aquí Maximina e Ánxela. Comprobamos así que hai moito no noso país que non funciona ou que funciona mal ou ó gusto duns poucos. Pouquísimos.

A intención da música que vén desde o máis fondo do noso país A Guarda, e desde o máis fondo do corazón é transmitir unha mensaxe de desacordo e de esperanza e aproveitar o desastre humano, ecolóxico, político para xurdir das cinzas e erguernos como pobo, rebelarnos de maneira activa e tentar deseñar o noso futuro.

É un grito colectivo musicado que presentamos agora en Chandebrito e no mes de xaneiro nas Neves.