Skip to content

IEM - Instituto de Estudos Miñoranos

Increase font size Decrease font size Default font size

Destacados

O IEM e o Concello de Gondomar homenaxean a María Victoria Moreno.

O acto terá lugar na Paradela, na praza Latino Salgueiro de Gondomar, e comezará ás 19:30 horas

Este 17 de maio, Día das Letras Galegas, o Instituto de Estudos Miñoráns, IEM, e o concello de Gondomar, a través da concellaría de Cultura, celebrarán as Letras galegas cunha homenaxe á escritora María Victoria Moreno, a quen se lle dedica a data este ano.

Os escritores Iria Misa e Miguel Anxo Mouriño lerán fragmentos da obra desta profesora estremeña que namorou da lingua galega e dedicou a súa vida a escribir en galego, especialmente para os máis novos e novas. Ese lectorado tan presente para María Victoria Moreno estará representado neste acto por alumnado do CEIP Neira Vilas e IES plurilingüe Terra de Turonio, que lerán fragmentos de Eu conto, ti cantas.

Acompañando á palabra recitada estará o grupo musical Xardín desordenado que interpretará pezas do seu último traballo, "A vitoria da luz", baseado en textos de María Victoria Moreno e pechará o acto. Tamén, durante todo o acto a pintora Irene Silva realizará un mural en directo.

Palabra, música, pintura únense así para festexar a nosa lingua, esta que tanto amou María Victoria Moreno, quen non dubidou en utilizala no ensino ou en dar aulas de lingua alí onde for requirida en tempos da ditadura franquista. Os seus versos, os seus relatos en que os animais teñen un papel principal, o seu amor pola lingua son o legado que nos deixa unha estremeña que un día namorou deste noso país.

Está en:  Inicio Seccións
Skip to content
Mapa do proxecto "As Escolas da Emigración". PDF Imprimir Correo-e

Xeografía e Historia - Novas
Xoves, 07 Xullo 2011 21:14
proval

O proxecto "As Escolas da Emigración" ten por obxectivo por en valor a memoria e os testemuños da acción solidaria e altruísta dos nosos emigrantes, levado adiante polo Arquivo da Emigración Galega do Consello da Cultura Galega (CCG).
No ano 2008 o Consello da Cultura Galega e a Secretaría Xeral de Emigración da Xunta de Galicia, asinaron un convenio de colaboración para a realización, entre outros proxectos, dun catálogo coas construcións escolares financiadas desde a emigración nas provincias de Lugo e de Ourense. Proxecto que tivo continuidade coa sinatura dun novo convenio entre ambas as institucións no ano 2009 co obxectivo de amplialo ás escolas das provincias da Coruña e Pontevedra.
Mapa das Escolas da Emigración.
Percorrido virtual polas catro provincias galegas nas que se poden atopar sinaladas as escolas impulsadas polos emigrantes. De momento o mapa recolle os edificios situados en Lugo e Ourense.
Catálogo das Escolas da Emigración.
De momento o proxecto leva catalogadas 113 escolas en todo o territorio de Galicia, das que se poden apreciar imaxes e un texto descriptivo