Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRA IEM-Nigrán (Ramallosa)- "San Pedro da Ramallosa. Monumentos, lendas e paisaxes." Luns 14 de agosto, ás 18:30 h.

O vindeiro luns 14 de agosto, gozaremos dunha nova xeira polo concello de Nigrán na parroquia da Ramallosa "San Pedro da Ramallosa. Monumentos, lendas e paisaxes.", dentro do programa das xeiras de verán 2017 do IEM, e coa colaboración do concello de Nigrán, que será guiada polo especialista Antonio Soliño Troncoso.

A xeira ten como punto de encontro a Capela de San Campio na Ramallosa ás 18:30h.

Enlace ao punto de encontro:

https://drive.google.com/open?id=1N-J6l4qswZsjkAPwG1WpUFat8b8&usp=sharing

AS XEIRAS DO IEM. VERÁN 2017
SAN PEDRO DA RAMALLOSA. MONUMENTOS, LENDAS E PAISAXES.

Guiada por
ANTONIO SOLIÑO TRONCOSO

A XEIRA. APROXIMACIÓN.
A parroquia de San Pedro da Ramallosa era coñecida no século XII como San Pedro de Filgueira, transformándose máis tarde en Filgueiras, denominación que segundo os libros parroquiais aínda mantiña a mediados do XVIII, antes de mudar para a actual. Durante o Antigo Réxime integrou o Partido de Val de Miñor polo que no político e gobernativo se debía ao Procurador Xeral do devandito Partido mentres que no contencioso estaba baixo xurisdición do Xuíz do reguengo de Baiona. Coa chegada dos concellos constitucionais San Pedro pasa a integrar o de Nigrán o 7 de decembro de 1836, ratificado mediante R.O. en febreiro do ano seguinte.
Esta xeira pretende complementar a que con final en Panxón realizou o IEM polos areais da parroquia o ano pasado. Aquela tivo como fío condutor o Rexionalismo arquitectónico e a repercusión que sobre algunhas das intervencións exerceron indianos nados nela. A presente, cunha motivación máis variada, atenderá a parámetros históricos, monumentais, paisaxísticos, etnográficos,... e rematará enlazando co tema da pretérita citada, o Rexionalismo e os indianos. Entre outras pezas comentaremos a capela e cruceiro de San Campio emprazadas a carón do esteiro do río Miñor; a medieval ponte da Ramallosa, unha das máis belas de Galicia; as distintas edificacións do pazo de Pías; a murada granxa da Robaleira, de século XVI; un tramo da antiga Estrada Real ao Val da Louriña; a parroquial de orixe románica e o cemiterio hixienista no que asentan monumentais panteóns; a primeira adega de viño espumoso do Val de Miñor; cruceiros do XVI e XVII; e arquitectura rexionalista construída por indianos en emprazamentos de privilexio. Tamén falaremos de encrucilladas e lendas, de persoeiros e algúns dos seus soños, de árbores senlleiras e paisaxes feridas. Todo durante as aproximadamente tres horas e cuarto que nos levará percorrer os cómodos catro quilómetros e medio de trazado previsto.

 

Está en:  Inicio Seccións Ciencias físico - naturais
Skip to content
Últimos lugares para inscribirse no curso "Dende o badal ao clic" da UIMP organizado polo IEM. PDF Imprimir Correo-e

Ciclos conferencias e obradoiros - Artigos
Escrito por IEM   
Venres, 17 Agosto 2012 20:19
CARTAZ_UIMP_IEM

 

Informamos que quedan as últimas prazas para anotarse no curso "Dende o badal ao clic", unha proposta académica da Universidad Internacional  Ménendez Pelayo (UIMP) co obxectivo de preparar a profesionais, estudantes e público en xeral,  ante os desafíos que presentan as novas transformacións que está a sufrir o medio rural en Galicia. O curso se desenvolverá os días 6,7 e 8 de setembro na Aula de Cultura Ponte de Rosas (sede do Instituto de Estudos Miñoranos), en Gondomar e o prazo de inscrición vence o vindeiro martes 4 de setembro.

O curso aportará unha visión global da evolución das sociedades rurais, nos seus aspectos organizativos, representativos, culturais, demográficos, sociolóxicos e lingüísticos entre outros. As palestras estarán a cargo de membros  da UIMP, o IEM, e as universidades de Vigo e Santiago. Para o tratamento do eido urbanístico e municipal contarase con dúas mesas redondas integradas por destacados profesionais do eido así como polos alcaldes de Lugo, Lalín e Pontevedra.

Para inscribirse se debe achegar unha solicitude ao correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo , contendo: Nome e apelidos, DNI, enderezo, código postal, teléfono e estudos ou profesión. O custe da matrícula é de 65 euros para os inscritos a través deste correo electrónico pertencente ao IEM. Unha vez feita a solicitude, o IEM achegará aos inscritos o número de conta onde deben facer efectiva a matrícula. Está dispoñible o teléfono 986360575 para consultas os días luns a venres de 18 a 22 horas.

Organización

O curso desenvolverase na sede do IEM, na Avenida da Feira, Nº 10, baixo (Gondomar). O curso da UIMP, está organizado polo IEM e conta coa colaboración dos Concellos de Gondomar, Baiona e Tomiño. José Eladio Ferrero Fontenla (Licenciado en Psicoloxía e en Pedagoxía e Titular da área de Sobredotación e Altas Capacidades) é o director do curso. Carlos Méixome Quinteiro (Licenciado en Filosofía e Ciencias da Educación e Director do IEM) é o secretario.

Créditos:

O curso xerará 1 crédito para as Universidades de Santiago de Compostela e Vigo; e 2 para a Universidade d'A Coruña.

Programa

Xoves 6 de setembro

  • 17:00- 17:30 - Recollida de material
  • 17:30 - 18:30 - Conferencia inaugural: "A socialización do mundo rural ata o século XX: fundamentos, procesos e crises". Xosé Luis Barreiro Rivas (Director da UIMP en Galicia).
  • 18:30 - 19:30 - Conferencia: "A incorporación dos novos urbanitas ao medio rural. Cambios sociais e participación nas estruturas rurais". Marcial Gondar Portosany (Profesor da USC)
  • 20:00 - 22:00 - Visita guiada ós pazos de Gondomar e Vilarés.  Guía: Arquitecto Antonio Soliño Troncoso (IEM).

Venres 7 de setembro

  • 17:00 - 19:00 - Conferencia coloquio: "A organización territorial no rural. Evolución histórico - social, política e administrativa". 1ª Parte: Gerardo Pereira Menaut (Profesor da USC). 2ª Parte: Ofelia Rei Castelao (Profesora da USC).
  • 19:00 - 19:30 - Descanso - café
  • 19:30 - 21:00 - Mesa redonda: "A formación e transformación do sistema de hábitat rural". Moderador: Vicente Pintos Santiago (Arquitecto - IEM). Integrantes: Manuel Caamaño Suárez (Aparellador), Carlos Varela García (Fiscal do TSX de Galicia), Teresa Táboas (Arquitecta) e Daniel Pino Vicente (Sociólogo).
  • 21:00 - 22:30 Visita guiada ao casco histórico de Baiona. Guía: Xosé Lois Vilar Pedreira (Arqueólogo - IEM)

Sábado 8 de setembro

  • 9:30 - 11:00 - Conferencia coloquio: "A toponimia no rural. Transformación ou substitución". Gonzalo Navaza (Profesor da Universidade de Vigo).
  • 11:00 - 11:30 - Descanso - café
  • 11:30 - 13:00 - Mesa redonda: "O Municipalismo nas novas sociedades rurais e periurbanas. Accións de futuro". Moderador: Xilberte Manso de la Torre (Profesor de Ensino Secundario - IEM). Integrantes: José López Orozco (Alcalde de Lugo), José Crespo Iglesias (Alcalde de Lalín), Miguel Anxo Fernández Lores (Alcalde de Pontevedra).
  • 13:00 - 14:00 Clausura e entrega de diplomas.