Skip to content

IEM - Instituto de Estudos Miñoranos

Increase font size Decrease font size Default font size

Destacados

PROSPECCIÓN ARQUEOLÓXICA, DOCUMENTACIÓN E RESTAURACIÓN DOS PETRÓGLIFOS DE GARGAMALA (Mondariz, Pontevedra)

Este proxecto de prospección arqueolóxica, documentación e restauración dos petróglifos de Gargamala (Mondariz), promovido polo Servizo de Arqueoloxía da Dirección Xeral de Patrimonio Cultural da Consellería de Cultura e Turismo, será executado polo equipo técnico multidisciplinar do Instituto de Estudos Miñoráns (IEM) dirixido e coordinado polo historiador e arqueólogo Xosé Lois Vilar Pedreira e do que forman parte: María Dolores Álvarez Rey, Eloy Martínez Soto, Bruno Centelles García, Xilberte Manso de la Torre, José Antonio Viña Arias, Eduardo Méndez-Quintas, Andrea Serodio Domínguez, Manuel Ledo Bernárdez e Jesús Rodríguez Diéguez coa colaboración especial, nas tarefas de prospección, de Cándido Verde e José Álvarez Alonso (O Buraco).

Nos días 5 e 6 de outubro de 2018 un incendio arrasou 150 Ha das parroquias de Sabaxáns e Gargamala (Mondariz) que afectou a área nuclear dos petróglifos de Gargamala con distinto grao de incidencia (termoclastos, ennegrecemento da superficie, arrastes de depósitos sobre as superficies) e deixando unha paisaxe depauperada e a pracer dunha forte erosión da tona terrea.

O conxunto de petróglifos obxecto desta actuación sitúase entre os 400 e os 470 m.s.n.m.. A gran maioría deles ocupando a parte alta dos outeiros (GA 36030023-18-11), as valgadas entre eles no caso do Campado (GA 36030055-14-15-54), chans como Campo Redondo (GA 36030038) cun amplísimo dominio visual ,que chega á Serra do Galiñeiro, parello ó emprazamento dos petróglifos da Coutada (Taboexa, As Neves) ou As Portaxes no Monte Tetón (Tebra, Tomiño) tamén obxecto de prospección, estudo, posta en valor e musealización por parte do Instituto de Estudos Miñoráns.

Na zona de actuación destaca a presenza dun ulleiro aproveitado polos veciños para a traída de augas doméstica e na outra vertente hai varios muíños hidráulicos.
Estamos ó redor das coordenadas 545.686/4.679.970 
(datum: ETRS 1989, fuso 29).

Esta concentración de petróglifos atópase na parroquia de Gargamala, no concello de Mondariz, composta polas aldeas de Vedrelos e O Soutiño na zona meridional e A Rúa, Mourelle, Boente e O Barro. A parroquia está rodeada por Frades, Riofrío, Sabaxáns e Toutón como freguesías do mesmo concello e polo norte polas de Traspielas e Ventín do concello de Fornelos de Montes. Estamos no sur do Suído nun mundo de serra onde as aldeas escasean e foi zona tradicional de pastoreo que deixou pegadas etnográficas nos chozos, neveiras, cerres para o gado e nos foxos de lobo.
Estamos no val medio-alto do río Tea cara o que drenan os núcleos habitados de Gargamala. A zona noroeste do Castro Chouso, O Foxo do Lobo, A Chan de Cairón... botan as augas no río Barragán que desauga no río Oitavén ó pé do castro da Cidade (Calvos, Fornelos) na mesma presa das Eiras.


Está en:  Inicio Seccións Conferencias e obradoiros
Skip to content
"Contos Estraños", a Galiza fantástica do século XXI, creada por un par de "mentes enfermas e retorcidas". PDF Imprimir Correo-e

Filoloxía e literatura - Artigos
Venres, 27 Abril 2012 12:02
debuxo-j-ares

"Que acontece co fantástico e o grotesco, co terror e a anticipación, co abraiante e o estarrecedor?"  A literatura galega "está a mudar", afirman Fernando Cimadevila e Tomás González, dous novos editores convencidos de que os xéneros emerxentes deben medrar para que a oferta editorial do país non perda poder de sedución ante os lectores. Para iso crearon Contos Estraños, unha editorial que ten por primeira obra un libro de igual título onde unha ducia de escritores dos mal chamados "xéneros menores", achegaron contos, dous esbozos de novela e unha tradución ao galego dun escritor clásico da literatura pulp, Robert Herwin Howard.

Contos Estraños é "unha declaración de intencións", a desenvolver por obra "dun par de mentes enfermas e retorcidas", en termos dos seus creadores. Nembargante, unha primeira ollada ao volume cero da serie(Contos Estraños. Steam pulp da Galiza. Volume 0 "Amañeceres Estraños", CE,2011) revela que esa declaración de intencións é un verdadeiro compromiso editorial cun espazo da tradición narrativa galega, que seguía a sobrevivir máis pola tradición oral que pola súa recreación escrita.

Por iso, Cimadevila e González pregúntanse no limiar de Contos Estraños "Onde foron os contos de aparecidos, de trasnos, de mouros e de meigas que enchen a nosa tradición oral?" Responden cos relatos de Xosé Duncan (O ollo do corvo), Manuel Ángel Gayoso (A morte branca), David Botana (O Tarzán da Mella), Santiago Bergantinhos (O home e a súa lágrima), Manuel González (O último minuto), Fernando Pérez (A ardua vida do non morto), Roberto A. Rodríguez (As penas de Leopoldo Quintás), Manuel Castiñeiras (Erro 404); dúass novelas "por entregas" como Primeiros (1ª Parte), de Fabian Plaza e Dark (1ª Parte), de Ernesto Diéguez; e rematando cunha tradución de Tomás González  do conto de R.E. Howard, Deuses do Norte.

Como valor agregado, o deseño dos textos están acompañados por fotografías de Enric Martínez, e ilustracións de José M. Picón (capa),  José Ángel Ares e Fernando Bravo (interior).

Tanto o libro como a editorial foron presentados por Cimadevilla e González na Aula de Cultura Ponte de Rosas, o pasado xoves 19 de abril, por certo, nunha tardiña de choiva e ceo pechado ideal para un faladoiro sobre a literatura do fantástico e misterioso. Seguramente por mor diso, os clásicos 40 minutos que levan este tipo de presentacións remataron en máis dunha hora de conversa co público asistente. Nese intercambio tamén se abordou a actualidade editorial en Galicia, as achegas e desafíos que presentan as novas tecnoloxías así como a súa pegada no futuro literario do país. Reflexións e debates que foron presentados por Miguel Anxo Mouriño (IEM) e quedaron rexistrados no vídeo que acompaña esta nota.

Dim lights Embed Embed this video on your site