Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio Seccións Premio Victoriano Taibo A nosa histoira na web: Murguía Revista Galega de Historia.
Skip to content
A nosa histoira na web: Murguía Revista Galega de Historia. PDF Imprimir Correo-e

O IEM - Novas
Escrito por IEM   
Mércores, 18 Maio 2011 22:05
revista_murguia

Dossiers, entrevistas, pescudas, lembranzas e unha morea de artigos atópanse na páxina web de Murguía Revista Galega de Historia. Este espazo achéganos os últimos traballos e investigacións, entre eles, algúns escritos por membros do IEM. Recomendámoslles unha visita por esta web amiga.
O Colectivo Murguía está conformado por un grupo de historiadoras e historiadores que comezou a traballar en conxunto a mediados do 2001. A iniciativa inicialmente baseouse no traballo de debate historiográfico, procurando as fórmulas necesarias para a existencia dunha maior repercusión da investigación histórica no seo da sociedade. Desde o 2003 tirar cada catro meses Murguía, Revista Galega de Historia as rúas, incentivando investigacións, estudos, lectura de libros, entrevistas e o intercambio de experiencias profisionais entre distintos historiadores e historiadoras, así como a interdisciplinariedade.
Toma o seu nome a revista do historiador e polígrafo Manuel Murguía, mostra de recoñecemento merecido ao seu amplo e produtivo traballo. Recordatorio dun historiador comprometido co seu tempo, sabedor da importancia do pasado respeito do presente e o futuro.
As investigadoras e investigadores que constituíron este colectivo viñan de desenvolver diversos traballos de pescuda histórica: desde a Prehistoria até a Idade Contemporánea, pasando pola Idade Media; traballos sobre o agrarismo ou o nacionalismo galegos no século XX, até o peso na vila e corte de políticos nacidos na Galiza, pasando pola transcrición e análise de documentación medieval que deu teses de doutoramento como a da coordinadora do grupo, Alexandra Cabana Outeiro. Varios dos seus integrantes eran membros e directivos da Asociación Galega de Historiadores (AGH). Desde o 2001 até o 2003 o colectivo ideou e deseñou o que foi presentado á directiva da Asociación Galega de Historiadores como Murguía, Revista Galega de Historia. Entre o colectivo e a devandita entidade asinouse un convenio de colaboración do que é froito a publicación.
Murguía, Revista Galega de Historia, é unha publicación cuatrimestral, formato papel e en galego, centrada na Historia de Galiza e a Humanidade; conxunto de características que a fan única no seu xénero. Nacida no ano 2003 sob a dirección de Uxío-Breogán Diéguez e a coordinación de Alexandra Cabana Outeiro, da man do daquelas recentemente nado "Colectivo Murguía", mantén un protocolo de colaboración coa Asociación Galega de Historiadores, entidade creada no ano 1991 no marco da USC e co-editora da publicación.
Ten unha vontade integradora á hora de sumar esforzos na procura dun maior coñecemento do pretérito da Galiza. A rigorosidade na análise do noso pasado, a súa divulgación e a achega a unha necesaria interdisciplinariedade para unha mellor comprensión da historia son os signos chave do proxecto que representa Murguía.