Skip to content

IEM - Instituto de Estudos Miñoranos

Increase font size Decrease font size Default font size

Destacados

PROSPECCIÓN ARQUEOLÓXICA, DOCUMENTACIÓN E RESTAURACIÓN DOS PETRÓGLIFOS DE GARGAMALA (Mondariz, Pontevedra)

Este proxecto de prospección arqueolóxica, documentación e restauración dos petróglifos de Gargamala (Mondariz), promovido polo Servizo de Arqueoloxía da Dirección Xeral de Patrimonio Cultural da Consellería de Cultura e Turismo, será executado polo equipo técnico multidisciplinar do Instituto de Estudos Miñoráns (IEM) dirixido e coordinado polo historiador e arqueólogo Xosé Lois Vilar Pedreira e do que forman parte: María Dolores Álvarez Rey, Eloy Martínez Soto, Bruno Centelles García, Xilberte Manso de la Torre, José Antonio Viña Arias, Eduardo Méndez-Quintas, Andrea Serodio Domínguez, Manuel Ledo Bernárdez e Jesús Rodríguez Diéguez coa colaboración especial, nas tarefas de prospección, de Cándido Verde e José Álvarez Alonso (O Buraco).

Nos días 5 e 6 de outubro de 2018 un incendio arrasou 150 Ha das parroquias de Sabaxáns e Gargamala (Mondariz) que afectou a área nuclear dos petróglifos de Gargamala con distinto grao de incidencia (termoclastos, ennegrecemento da superficie, arrastes de depósitos sobre as superficies) e deixando unha paisaxe depauperada e a pracer dunha forte erosión da tona terrea.

O conxunto de petróglifos obxecto desta actuación sitúase entre os 400 e os 470 m.s.n.m.. A gran maioría deles ocupando a parte alta dos outeiros (GA 36030023-18-11), as valgadas entre eles no caso do Campado (GA 36030055-14-15-54), chans como Campo Redondo (GA 36030038) cun amplísimo dominio visual ,que chega á Serra do Galiñeiro, parello ó emprazamento dos petróglifos da Coutada (Taboexa, As Neves) ou As Portaxes no Monte Tetón (Tebra, Tomiño) tamén obxecto de prospección, estudo, posta en valor e musealización por parte do Instituto de Estudos Miñoráns.

Na zona de actuación destaca a presenza dun ulleiro aproveitado polos veciños para a traída de augas doméstica e na outra vertente hai varios muíños hidráulicos.
Estamos ó redor das coordenadas 545.686/4.679.970 
(datum: ETRS 1989, fuso 29).

Esta concentración de petróglifos atópase na parroquia de Gargamala, no concello de Mondariz, composta polas aldeas de Vedrelos e O Soutiño na zona meridional e A Rúa, Mourelle, Boente e O Barro. A parroquia está rodeada por Frades, Riofrío, Sabaxáns e Toutón como freguesías do mesmo concello e polo norte polas de Traspielas e Ventín do concello de Fornelos de Montes. Estamos no sur do Suído nun mundo de serra onde as aldeas escasean e foi zona tradicional de pastoreo que deixou pegadas etnográficas nos chozos, neveiras, cerres para o gado e nos foxos de lobo.
Estamos no val medio-alto do río Tea cara o que drenan os núcleos habitados de Gargamala. A zona noroeste do Castro Chouso, O Foxo do Lobo, A Chan de Cairón... botan as augas no río Barragán que desauga no río Oitavén ó pé do castro da Cidade (Calvos, Fornelos) na mesma presa das Eiras.


Está en:  Inicio Seccións Premio Victoriano Taibo Presentación das Actas do Congreso "EMIGRACIÓN E EDUCACIÓN (1900-1936)"
Skip to content
Presentación das Actas do Congreso "EMIGRACIÓN E EDUCACIÓN (1900-1936)" PDF Imprimir Correo-e

O IEM - Novas
Mércores, 22 Xuño 2011 20:43
portada-libro-1-centenario-iem

Presentación das Actas do Congreso 

EMIGRACIÓN E EDUCACIÓN (1900-1936) Iº CENTENARIO DAS ESCOLAS DA UNIÓN HISPANO-AMÉRICANA VALLE MIÑOR (1909-2009) 

 

Hoxe ás 12:30h. no IES "Escolas Proval" foi presentado o libro que recolle as comunicacións presentadas no Congreso EMIGRACIÓN E EDUCACIÓN (1900-1936) Iº CENTENARIO DAS ESCOLAS DA UNIÓN HISPANO-AMÉRICANA VALLE MIÑOR (1909-2009). O libro foi editado polo Instituto de Estudos Miñoranos dentro da súa colección Universitas Minoris.

O congreso tivera lugar entre os días 29 de xuño e 3 de xullo de 2009 celebrouse en Nigrán, nas instalacións do Instituto de Educación Secundaria "Escolas Proval", o Congreso "Emigración e Educación 1900-1936. Iº Centenario das Escolas da Unión Hispano-Americana Pro Valle Miñor (1909-2009)", organizado polo Instituto de Estudos Miñoranos (IEM) como celebración do centenario da creación das Escolas da Unión-Hispanoramerica Pro Valle Miñor creadas pola asociación homónima impulsada polos emigrantes miñorás en Arxentina e no Uruguai.

O Congreso reuniu  unha manchea  de  profesores/as  e investigadores/as  das universidades da Coruña, Santiago, Vigo e Bos Aires, e doutras institucións para recoller  as súas respectivas visións  sobre diferentes aspectos da emigración e da educación en Galicia no primeiro terzo do século XX.

Ramón Villares Paz, Lourenzo Fernández Prieto,  Dionisio Pereira, Miguel Cabo,  Pilar Cagiao, Uxío-Breogán Diéguez, Raúl Soutelo , Xoán Carmona, Narciso de Gabriel, Ruy Farías, Xosé Manuel Cid, Antón Costa,  Xosé Manuel Malheiro, Rosa Pascual, Álvaro Peralta, Carlos Méixome, María Xosé González, José Ramón Iglesias, Miguel Anxo Santos Rego, María do Mar Lorenzo e Xosé Manuel Beiras fixeron as súa achegas que   se recollen na presente publicación coordinada polo profesor Xosé Manuel Malheiro.

Dous anos máis tarde ve a luz un volume, editado polo Instituto de Estudos Miñoranos dentro da súa colección Universitas Minoris, no que se recollen as actas do Congreso.

O volume de máis de 500 páxinas está organizado e dous grandes paneis. No primeiro faise unha achega á historia económica, política e social da Galicia no primeiro terzo do século XX. O segundo panel centrase na historia da educación, no papel da emigración no desenvolvemento dos centros escolares e no estudo das Escolas de Nigrán e dos seus impulsores Manuel Losada, Manuel Lemos e o seu director, Eladio Ferreiro. O segundo panel denominase  O labor educativo da emigración galega e as escolas da Unión Hispano-Americana Pro Val Miñor. O libro iniciase cun adro introductorio a cargo do profesor Ramón Villares e unha coda ou remate de Xosé Manuel Beiras

No acto  de presentación estiveron presentes o director do IEM, Carlos Méixome, o director do IES Escolas Proval, Manuel Martínez, a concelleira de Cultura de Nigrán, Liliana Silva Pequeno, a de Educación do mesmo concello, Ana Rosa Costas Abalde