Skip to content

IEM - Instituto de Estudos Miñoranos

Increase font size Decrease font size Default font size

Destacados

Acto de entrega do XI Premio de Poesía Victoriano Taibo. inicio tamén da I Semana poética Victoriano Taibo.

O Auditorio Lois Tobío acolle o acto de entrega do XI Premio de Poesía Victoriano Taibo

Desde este sábado, dá inicio tamén a I Semana poética Victoriano Taibo que enmarca a entrega do premio

 

Organizado polo Concello de Gondomar e o Instituto de Estudos Miñoráns.

E para achegarnos á data no ambiente poético propicio, o IEM inicia, este sábado día 10, a I Semana poética Victoriano Taibo, que encherá de versos a vila de Gondomar, unha festa poética que terá un fermoso ramo o día 17 coa entrega do premio desta décimo primeira edición a Laura Ramos Cuba.

I Semana poética Victoriano Taibo:

O sábado 10, ás 21:00 h. no Café Rañolas comeza esta celebración poética e será cun Slam poético, un recital aberto en que pode participar quen quixer co único requisito de que os textos que recite, dous, sexan de autoría propia e estean na nosa lingua. Cómpre tan só inscribirse previamente no correo electrónico do IEM (oficina@iem.gal). Un xurado escollido entre o público asistente seleccionará ao gañador ou gañadora da noite.

O luns día 12 a poesía tomará os balcóns e as fachadas de Gondomar, ondeando os seus versos en lonas que reproducirán, entre outros, poemas de autores premiados co Victoriano Taibo.

Nesa semana repartiranse tamén entre 14 establecementos hosteleiros manteis ilustrados con poemas.

E no medio da semana, nun lugar céntrico e frecuentado, podermos gozar dunha sorpresa poético-musical que non poderá ser máis anunciada para que, efectivamente, sexa unha sorpresa.

E así chegaremos ao sábado 17, data de entrega do XI Premio Victoriano Taibo.

A banda de gaitas Balcón do Miñor, de Morgadáns, amenizará o acto en que a autora recibirá o galardón da man do alcalde de Gondomar, Francisco Ferreira, e recitará algúns poemas da súa obra. No acto tamén intervirá o director do IEM, Xulián Maure. Á saída, no vestíbulo, estará agardando un albaroque de confraternización durante o cal a autora asinará libros para quen o desexe.

O premio está dotado con 3000€ e unha peza escultórica da autoría de Fino Lorenzo.

Está en:  Inicio Seccións Sala de exposicións
Skip to content
Ultimos días da mostra No Grande Azul PDF Imprimir Correo-e

Sala exposicións - Sala Exposicions 2009 - 2016
Luns, 05 Xullo 2010 21:05
Romay1_copia
Download this file (CAT. Jose Romay.pdf)
Download this file (Romay.pdf)
  • Anterior
  • 1 of 4
  • Seguinte
As imaxes en branco e negro, de gran formato, que José Romay expón na "Aula de Cultura Ponte de Rosas", supoñen un excelente exemplo de fotografía documental nas que se retratan as duras condicións de traballo dos mariñeiros galegos de altura e litoral.


Esta exposición supón o inicio das Bolsas de Creación Fotográfica que o Museo do Mar, coa colaboración do Centro de Estudos Fotográficos, desexa desenvolver anualmente. Así o explicou Pablo Carrera, director do devandito museo, na presentación da mostra ao público fiel que asistiu a inauguración o pasado venres 2 de xullo da que damos conta nas seguintes imaxes.
Desde aquí felicitamos ao Museo do Mar por esta iniciativa e ofrecémoslle este espazo para acoller ano a ano o froito deste proxecto rigoroso.
Invitámosllos a visitar esta excelente mostra que permanecerá aberta os meses de xullo e agosto na "Aula de Cultura Ponte de Rosas" (Avda. da Feira nº 10 baixo, Gondomar), no horario de 19 a 21 h.

 

Exposición de fotografías No Grande Azul de José Romay Inauguración
Attachments:
Catálogo José Romay[ ]1585 Kb
Diptico da exposicións[ ]218 Kb