Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio Seccións Sala de exposicións
Skip to content
O curso en Gondomar da Universidad Internacional Menéndez Pelayo abordará a nova realidade do rural galego PDF Imprimir Correo-e

O IEM - Novas
Escrito por IEM   
Venres, 31 Agosto 2012 22:57
ferro-meixome

-A conferencia inaugural estará a cargo de Xosé Luis Barreiro Rivas, Director da UIMP en Galicia.
- Urbanistas, historiadores, sociólogos, antropólogos e alcaldes integrarán as diversas palestras e mesas redondas do curso.
Eladio Ferro, Director do curso e Carlos Méixome, Director do IEM, presentaron este venres na Aula de Cultura Ponte de Rosas os contidos do Curso da Universidad Menéndez Pelayo "Dende o badal ao clic. A construción das novas sociedades rurais galegas". O mesmo desenvolverase os días 6, 7 e 8 de setembro na sede do Instituto de Estudos Miñoranos e conta coa colaboración dos Concellos de Gondomar, Baiona e Tomiño.
Na presentación, Eladio Ferro destacou a importancia de debater nun ámbito académico a nova realidade na que se enfronta o rural galego. Nomeadamente, os cambios demográficos, económicos e culturais que a través da irrupción da sociedade global e o avance da culturas urbanas están a modificar nos últimos anos a paisaxe das nosas aldeas.
Pola súa banda, Carlos Méixome destacou a importancia de contar novamente coa confianza da UIMP para desenvolver uns dos seus curso na bisbarra do Val Miñor. Nese senso, informou que dende o 2009 cando tivera lugar o primeiro destes cursos no IEM, analizaran con Xosé Luis Barreiro a posibilidade de traballar nesta temática, feito que se concretará no vindeiro mes de setembro.
Xosé Luis Barreiro Rivas dará a conferencia inaugural que terá como título "A socialización do mundo rural ata o século XX: fundamentos, procesos e crises". A mesma terá lugar o día 6 de setembro ás 17:30 horas na Aula de Cultura Ponte de Rosas (sede do IEM), na Avda. da Feira Nº 10, baixo, Gondomar. Ese mesmo día, Marical Gondar Portosany (profesor da USC), desenvolverá o coloquio "A incorporación dos novos urbanitas ao medio rural. Cambios sociais e participacións nas estruturas rurais". Finalmente, o arquitecto Antonio Soliño Troncoso (IEM) dirixirá unha visita guiada aos Pazos de Gondomar e Vilares.
O venres 7 de setembro, os profesores da USC Gerardo Menaut e Ofelia Rey Castelao traballarán sobre a temática "A organización territorial no rural. Evolución histórico-social, política e administrativa". A continuación terá lugar a mesa redonda "A formación e transformación do sistema de hábitat rural integrado polos especialistas Manuel Caamaño Suárez, Carlos Varela García, Teresa Táboas e Daniel Pino Vicente, co arquitecto Vicente Pintos Santiago como moderador. Por último o arqueólogo Xosé Lois Vilar (IEM) dirixirá unha visita guiada ao casco histórico de Baiona.
Finalmente o sábado 8 de setembro, terá lugar o coloquio "A toponimia no rural. Transformación ou substitución, a cargo de Gonzalo Navaza Blanco (U de Vigo) e posteriormente a mesa redonda "O Municipalismo nas novas sociedades rurais e periurbanas. Accións de futuro". Na mesma participarán os alcalde de Lugo, Lalín e Pontevedra, co profesor Xilberte Manso de la Torre (IEM), como moderador. O curso rematará coa entrega de diplomas aos asistentes na Aula de Cultura Ponte de Rosas.