Skip to content

IEM - Instituto de Estudos Miñoranos

Increase font size Decrease font size Default font size

Destacados

PROSPECCIÓN ARQUEOLÓXICA, DOCUMENTACIÓN E RESTAURACIÓN DOS PETRÓGLIFOS DE GARGAMALA (Mondariz, Pontevedra)

Este proxecto de prospección arqueolóxica, documentación e restauración dos petróglifos de Gargamala (Mondariz), promovido polo Servizo de Arqueoloxía da Dirección Xeral de Patrimonio Cultural da Consellería de Cultura e Turismo, será executado polo equipo técnico multidisciplinar do Instituto de Estudos Miñoráns (IEM) dirixido e coordinado polo historiador e arqueólogo Xosé Lois Vilar Pedreira e do que forman parte: María Dolores Álvarez Rey, Eloy Martínez Soto, Bruno Centelles García, Xilberte Manso de la Torre, José Antonio Viña Arias, Eduardo Méndez-Quintas, Andrea Serodio Domínguez, Manuel Ledo Bernárdez e Jesús Rodríguez Diéguez coa colaboración especial, nas tarefas de prospección, de Cándido Verde e José Álvarez Alonso (O Buraco).

Nos días 5 e 6 de outubro de 2018 un incendio arrasou 150 Ha das parroquias de Sabaxáns e Gargamala (Mondariz) que afectou a área nuclear dos petróglifos de Gargamala con distinto grao de incidencia (termoclastos, ennegrecemento da superficie, arrastes de depósitos sobre as superficies) e deixando unha paisaxe depauperada e a pracer dunha forte erosión da tona terrea.

O conxunto de petróglifos obxecto desta actuación sitúase entre os 400 e os 470 m.s.n.m.. A gran maioría deles ocupando a parte alta dos outeiros (GA 36030023-18-11), as valgadas entre eles no caso do Campado (GA 36030055-14-15-54), chans como Campo Redondo (GA 36030038) cun amplísimo dominio visual ,que chega á Serra do Galiñeiro, parello ó emprazamento dos petróglifos da Coutada (Taboexa, As Neves) ou As Portaxes no Monte Tetón (Tebra, Tomiño) tamén obxecto de prospección, estudo, posta en valor e musealización por parte do Instituto de Estudos Miñoráns.

Na zona de actuación destaca a presenza dun ulleiro aproveitado polos veciños para a traída de augas doméstica e na outra vertente hai varios muíños hidráulicos.
Estamos ó redor das coordenadas 545.686/4.679.970 
(datum: ETRS 1989, fuso 29).

Esta concentración de petróglifos atópase na parroquia de Gargamala, no concello de Mondariz, composta polas aldeas de Vedrelos e O Soutiño na zona meridional e A Rúa, Mourelle, Boente e O Barro. A parroquia está rodeada por Frades, Riofrío, Sabaxáns e Toutón como freguesías do mesmo concello e polo norte polas de Traspielas e Ventín do concello de Fornelos de Montes. Estamos no sur do Suído nun mundo de serra onde as aldeas escasean e foi zona tradicional de pastoreo que deixou pegadas etnográficas nos chozos, neveiras, cerres para o gado e nos foxos de lobo.
Estamos no val medio-alto do río Tea cara o que drenan os núcleos habitados de Gargamala. A zona noroeste do Castro Chouso, O Foxo do Lobo, A Chan de Cairón... botan as augas no río Barragán que desauga no río Oitavén ó pé do castro da Cidade (Calvos, Fornelos) na mesma presa das Eiras.


Está en:  Inicio Seccións Sala de exposicións
Skip to content
Inaugúrase a mostra retrospectiva: "Fernando Casás: o agora xa foi e o denantes será" . PDF Imprimir Correo-e

O IEM - Novas
Escrito por IEM   
Martes, 23 Outubro 2012 23:56
fernando_casas

Amigas e amigos do IEM, temos o pracer de convidarlles á inauguración da exposición "Fernando Casás: o agora xa foi e o denantes será" que terá lugar o vindeiro venres 26 de outubro de 2012 ás 20 horas no Centro Galego de Arte Contemporánea (Rúa Ramón del Valle Inclán s/n - Santiago de Compostela).
A mostra permitiranos gozar dunha mirada retrospectiva da obra de Fernando Casás (Gondomar, 1946) , que baixo o comisariado de Miguel von Hafe Pérez (director do CGAC), percorre o traballo creativo do autor durante catro décadas, entre o Brasil (onde iniciou a súa práctica artística) e Galicia, a súa terra natal.
Fernando Casás (socio e membro activo do IEM), está considerado un dos iniciadores dos movementos de Arte & Natureza. Dende finais dos anos sesenta, no entorno tropical brasileiro, comezou fraguar unha obra marcadamente conceptual que evidencia e reflexiona sobre a memoria e o paso do tempo na natureza.
Os seus traballos desprazan a arte dos seus sitios convencionais para ficala na natureza, así como colle anacos dela para localizala en galerías ou espazo urbanos. Un xogo que funciona cal metáfora epistemolóxica de quebra entre as raias entre natureza e cultura.