Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio Seccións Tertulias
Skip to content
Ante a retirada de Pablo Carrera como Director do Museo do Mar de Galicia. PDF Imprimir Correo-e

O IEM - Novas
Escrito por IEM   
Luns, 24 Outubro 2011 20:44
Pablo-Carrera_Museo

Hai apenas uns días clausuramos na Sala de Exposicións da AC Ponte de Rosas a exposición fotográfica de Chas Conservar a Memoria. O nove de setembro inaugurarase coa presenza do fotografo e do director do Museo do Mar, Pablo Carrera. Era a segunda ocasión en que a sala do IEM acollía unha exposición do Museo do Mar. Con anterioridade estivera o traballo de José Romay No grande azul. Noutras ocasións o IEM participara noutras iniciativas promovidas polo Museo do Mar.
Pablo Carrera fora o impulsor destas colaboracións que difundían as actividades do Museo do Mar polo Val Miñor. Dende o IEM adherímonos ao escrito da Federación Galega pola Cultura Marítima e facémolo noso. Grazas Pablo polo teu traballo.