Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- TOMIÑO- Arquitectura militar histórica. Fortalezas. Xoves 19 de xullo ás 18:30h.

O vindeiro xoves 19 de xullo ás 18:30 h terá lugar a quinta xeira de verán polo concello de Tomiño, Arquitectura militar histórica. Fortalezas. dentro do programa das xeiras de verán 2018 do IEM, e coa colaboración deste concello, que será guiada por Antonio Soliño Troncoso.

HABERÁ DOUS INTÉRPRETES EN LINGUA DE SIGNOS PARA XORDOS.

O punto de encontro será no Pazo-Torre dos Correa. Goián:

https://drive.google.com/open?id=1vF-TpyWSLjdaaPzHo8R-rCtn6cDIYqsn&usp=sharing

 

AS XEIRAS DO IEM. VERÁN 2018

ARQUITECTURA MILITAR HISTÓRICA. FORTALEZAS DE GOIÁN

Guía

ANTONIO SOLIÑO TRONCOSO

O lugar foi considerado estratéxico dende o medievo e consecuentemente controlado por diversos señoríos e as distintas monarquías. En Goián levantouse a Torre dos Correa no século XIV, con xurisdición sobre a desaparecida Vila da Barca, inmediata a ela e ao río ata que se trasladou despois da guerra do XVII para o lugar que agora ocupa a parroquial na parte alta. O nome víñalle da embarcación utilizada para cruzar o río. Tamén en 1321 D. Denis, o rei poeta, concede foro a Vila Nova de Cerveira e fortifícaa. Tempo máis tarde, no XVII, durante a Guerra de Restauración, o exército portugués constrúe un complexo sistema militar, que recolle as innovacións incorporadas no trazado e fundación de fortalezas para contrarrestar os avances da balística, con base en Vila Nova e cabeza en Goián, unidas por unha ponte de barcas, ata que asinada a Paz de Lisboa, en 1668, a coroa española ordena levantar unha fortaleza pétrea de catro baluartes, a actual de San Lourenzo, como contrapunto ás edificacións militares do lado portugués presididas polo antigo castelo gótico.

Ao longo da xeira teremos ocasión de ver e comentar o Pazo-Torre dos Correa, o Castelo da Nosa Señora da Concepción, a Fortaleza de San Lourenzo, o Castelo medieval de Vila Nova de Cerveira, o antigo embarcadoiro da Vila da Barca no Miño e o inicio do Camiño da Nosa Señora do Norte en territorio galego. Tamén falaremos da Atalaia do Espírito Santo, do Forte de Lobelhe, do Facho, do Forte das Chagas e do Castelo de Medos intentando contextualizalos no seu tempo. Farémolo durante as tres horas que nos levará percorrer os 3,4 Km. dunha xeira circular de baixa dificultade. O punto de encontro é o Pazo-Torre dos Correa. Todo o traxecto será acompañado de intérprete de lingua de signos.

 

 

Está en:  Inicio Seccións
Skip to content
IEM - Instituto de Estudos Miñoranos
Suspendida a tertulia co profesor Bermejo Barrera PDF Imprimir Correo-e
Tertulias - Calendario
Escrito por IEM   
Venres, 14 Maio 2010 13:30
Amigos e amigas do IEM
Infelizmente, por razóns de enfermidade grave dun familiar, o prof. Bermejo Barrera non pode estar con nós esta noite, polo que a Tertulia de hoxe queda suspendida
Serntimolo
 
Tertulia con J. Carlos Bermejo Barrera PDF Imprimir Correo-e
Tertulias - Calendario
Escrito por IEM   
Venres, 14 Maio 2010 11:09

Unha nova TERTULIA DO IEM terá lugar o próximo venres 14 de maio. Nesta ocasión estará con nós o catedrático de Historia Antiga da Universidade de Santiago de Compostela J. Carlos Bermejo Barrera que será presentado polo arqueólogo e vicedirector do Instituto de Estudos Miñoranos Xosé Lois Vilar Pedreira.

Ler máis...
 
Última conferencia do cliclo de arqueoloxía "Pedro Díaz" a cargo de Eduardo Méndez PDF Imprimir Correo-e
Arqueoloxía - Novas
Escrito por IEM   
Mércores, 28 Abril 2010 20:09
Última conferencia do ciclo de Arqueoloxía “Pedro Díaz” impartida polo director da sección de Prehistoria e Arqueoloxía do Instituto de Estudos Miñoranos, Eduardo Méndez Quintas
Ler máis...
 
Xosé Vázquez Pintor presenta o seu último libro "Máis Vidas" PDF Imprimir Correo-e
Filoloxía e literatura - Artigos
Escrito por IEM   
Mércores, 12 Maio 2010 11:42

O próximo mércores 12 de maio ás 20:30h. na Aula de Cultura “Ponte de Rosas” (Avda. da Feira 10, baixo, Gondomar) terá lugar a presentación de "Máis vidas", último libro de Xosé Vázquez Pintor, editado por Edicións Espiral Maior, no que se inclúe unha serie de crónicas de vidas estremas, cunha prosa de alta tensión e gran beleza literaria, culminación dunha traxectoria narrativa intensa, unha das mais importantes en lingua galega do ultimo decenio.

Ler máis...
 
III Premio de Poesía Victoriano Taibo – Entidade Local de Morgadáns PDF Imprimir Correo-e
Premio Victoriano Taibo - Artigos
Escrito por IEM   
Luns, 19 Abril 2010 18:34
O Instituto de Estudos Miñoranos e a Entidade Local de Morgadáns convocan o III Premio de Poesía Victoriano Taibo – Entidade Local de Morgadáns ao que poderá concorrer calquera autor que envíe, antes do 30 de xullo próximo, ao enderezo *Apartado 30, 36380, Gondomar*, un libro de poemas escritos en galego cunha extensión mínima de 300 versos. O premio está dotado con 3.000 €, unha peza escultórica do artista miñorán Fino Lorenzo, creada especialmente para este certame, e a publicación da obra premiada na colección Victoriano Taibo do IEM; o galardón será entregado nun acto cultural que se celebrará no edificio das Escolas de Guillufe (Morgadáns) na 2ª semana de novembro.
Ler máis...
 
<< Inicio < Anterior 251 252 253 254 255 256 Seguinte > Final >>

Páxina 252 de 256