Skip to content

IEM - Instituto de Estudos Miñoranos

Increase font size Decrease font size Default font size

Destacados

O IEM e o Concello de Gondomar homenaxean a María Victoria Moreno.

O acto terá lugar na Paradela, na praza Latino Salgueiro de Gondomar, e comezará ás 19:30 horas

Este 17 de maio, Día das Letras Galegas, o Instituto de Estudos Miñoráns, IEM, e o concello de Gondomar, a través da concellaría de Cultura, celebrarán as Letras galegas cunha homenaxe á escritora María Victoria Moreno, a quen se lle dedica a data este ano.

Os escritores Iria Misa e Miguel Anxo Mouriño lerán fragmentos da obra desta profesora estremeña que namorou da lingua galega e dedicou a súa vida a escribir en galego, especialmente para os máis novos e novas. Ese lectorado tan presente para María Victoria Moreno estará representado neste acto por alumnado do CEIP Neira Vilas e IES plurilingüe Terra de Turonio, que lerán fragmentos de Eu conto, ti cantas.

Acompañando á palabra recitada estará o grupo musical Xardín desordenado que interpretará pezas do seu último traballo, "A vitoria da luz", baseado en textos de María Victoria Moreno e pechará o acto. Tamén, durante todo o acto a pintora Irene Silva realizará un mural en directo.

Palabra, música, pintura únense así para festexar a nosa lingua, esta que tanto amou María Victoria Moreno, quen non dubidou en utilizala no ensino ou en dar aulas de lingua alí onde for requirida en tempos da ditadura franquista. Os seus versos, os seus relatos en que os animais teñen un papel principal, o seu amor pola lingua son o legado que nos deixa unha estremeña que un día namorou deste noso país.

Está en:  Inicio Seccións
Skip to content
IEM - Instituto de Estudos Miñoranos
ACTO DE ENTREGA DO X PREMIO DE POESÍA “VICTORIANO TAIBO”. Sábado día 18 de novembro PDF Imprimir Correo-e
Escrito por IEM -Sec   
Martes, 07 Novembro 2017 23:19

vt2017

vt20171

O xurado do X Premio de Poesía Victoriano Taibo, formado polos profesores e escritores Xulián Maure, Iria Misa, Gonzalo Navaza, Xosé Iglesias Lamela e Marta Dacosta acordou concederlle o galardón ao poeta de Cee Rafa Vilar polo poemario titulado Erosións.

Trátase dun libro que combina a paixón e a intimidade cunha exquisita sinxeleza e intensidade lírica, froito dun coidadoso traballo de construción poética en que desaparecen as concrecións de xénero para converter os poemas na expresión total do amor. Un amor que non pode desprenderse da realidade e, mentres o eu poético constata a erosión do paso do tempo e as feridas da vida, convida a persoa amada a crear un horizonte "a salvo de naufraxios", a través de cen poemas breves que empregan as palabras imprescindíbeis para construír imaxes intensamente poéticas.

O premio está dotado con 3000€ e unha peza escultórica da autoría de Fino Lorenzo.

O acto de entrega, conducido pola escritora Marta Dacosta, terá lugar o próximo sábado día 18 de novembro ás 19:30 horas no auditorio municipal Lois Tobío, co seguinte programa:

  • A banda de gaitas Balcón do Miñor, de Morgadáns, abre o acto.
  • O autor recibe o galardón da man do alcalde de Gondomar, Francisco Ferreira, e recita algúns poemas da súa obra.
  • Intervención do director do IEM, Xulián Maure e do alcalde de Gondomar, Francisco Ferreira.
  • Actuación do Coro Cantares do Brión.
  • Á saída, no vestíbulo, estará agardando un albaroque de confraternización durante o cal o autor asinará libros para quen o desexe.
Organiza: Concello de Gondomar e Instituto de Estudos Miñoráns
Colabora: Panadaría Copena, Adegas Val Miñor e Construcións Metálicas Meixoeiro.
 
Presentación do libro " Os nomes do terror" Martes 7 de novembro ás 20:00h Auditorio municipal de Nigrán PDF Imprimir Correo-e
O IEM - destacados
Escrito por IEM -Sec   
Mércores, 01 Novembro 2017 22:56
cartaz miorns

Seguindo co fío de " Nigrán a través da Memoria", o vindeiro martes 7 de novembro ás 20:00h, organizado polo Instituto de Estudos Miñoráns en colaboración co concello de Nigrán, o Auditorio municipal acollerá a presentación do libro "Os nomes do terror", que fóra aprazada da súa data inicial en outubro.

Coordinado polos historiadores Xosé Ramón Ermida, Dionisio Pereira, Eliseo Fernández e Xoán Carlos Garrido. Nel participan moitos dos principais investigadores desta época en Galicia, como Emilio Grandío, Carlos Nuevo Cal, Bernardo Máiz, Xosé Álvarez, Manuel Pazos, Judith Carbajo, Ana Cebreiros, Carlos F. Velasco ou Julio Prada.

Intervendrán na presentación:

Xosé Lois Vilar. Historiador

Xoán Carlos Garrido. Coordinador do libro

Xosé Álvarez Castro. Co-autor do libro

Marga Romero Lorenzo. Conselleira de Sermos Galiza
 
XII Xeira Alén Miñor- Compostela 2-3 de decembro 2017 PDF Imprimir Correo-e
Escrito por IEM -Sec   
Luns, 30 Outubro 2017 00:37
santiago
Xurdida como "Locus Sancti Iacobi", iluminada polo culto ao sepulcro do Apóstolo Santiago, Compostela actuou sempre como punto de atracción, nun primeiro momento para as instancias relixiosas, da man da monarquía astur, e máis tarde para as civís. Lugar de peregrinaxe, lugar de destino, cidade que aglutina en torno á figura do Apóstolo un mundo complexo e rico.

Existen moitas formas de visitar unha cidade como Compostela, unha cidade con séculos de historia que agocha innumerables alternativas arquitectónicas de diferentes períodos e espazos de innegable interese e valor social.
Hai unha Compostela monumental e relixiosa do perímetro murado, unha Compostela monumental civil ou unha Compostela contemporánea. Ademais existen prazas públicas e zonas verdes con moita singularidade e historia.
Deste crisol fixemos, entre outras, a seguinte escolla:

• San Martiño Pinario

Foi o máis influínte e maxestoso mosteiro bieito de Galicia. A destacar o baldaquino da Igrexa e os cadeirados dos coros (a do coro alto, que pertenceu á Catedral, é renacentista do s. XVII). Así como a súa colección de pintura, escultura, ourivaría, restos arqueolóxicos e obxectos que se refiren o cotiá dos monxes que o habitaron: imprenta, botica e gabinete de historia natural do mosteiro, entre outros.
Actualmente ten distintos usos: Seminario Maior Diocesano, escola de Traballo Social (USC), Instituto Teolóxico Compostelán, residencia universitaria, hospedería, arquivo diocesano, dependencias administrativas da dioceses, espazo cultural e igrexa de culto.

• Hospital Real

O actual edificio foi mandado construír en 1501 polos Reis Católicos para atender os doentes e peregrinos "do divino Xacobe", segundo se pode ler na inscrición latina que recorre o friso superior da portada. A súa construción, non obstante, decidiuse no 1492 coincidindo co descubrimento de América.

• San Frutuoso.S. XVIII. Barroco.

Coñecida tamén como igrexa das Angustias de Abaixo. Templo de estilo churrigueresco proxectouse por Lucas Ferro Caaveiro no século XVIII. Na súa construción de planta central sobresae a grandiosa cúpula de media laranxa.
No seu interior destaca a Piedade Neoclásica de Antón Fernández o Vello, que preside o altar maior.
Ler máis...
 
Mes da Memoria- Repertorio de Margarida Mariño martes 31, ás 20:00h. PDF Imprimir Correo-e
Escrito por IEM -Sec   
Martes, 31 Outubro 2017 00:26

 

margarida

O Instituto de Estudos Miñoráns, no fío de "Nigrán a través da Memoria", ofrecerá mañá martes ás 20:00 horas no Auditorio Municipal deste concello, un repertorio de cinco pezas interpretado pola violonchelista Margarida Mariño, que acompañará a lectura de narracións sobre a represión no Val Miñor.

Programa:

-Sarabande de la Suite 1 para violoncello Solo - J. S. Bach

-Unha noite na eira do Trigo - Curros Enríquez / Cesáreo Alonso Salgado

-El cant dels Ocells - Tradicional Catalana

-Lela - Castelao / Rosendo Mato

- El Cisne - Camille Saint Saëns

-Negra Sombra - Rosalía de Castro / Xoan Montes

Curriculum:

Comeza os seus estudos de violoncello ós oito anos no conservatorio de Vigo e licenciase en Barcelona polo Conservatorio Superior del Liceo. Recibiu clases de prestixiosos violoncellistas a nivel internacional coma Cristoph Coin, Asier Polo ou Arnau Tomás. Colaborou con proxectos orquestais coma La Via dei Concerti en Italia e Francia ou a Orquestra Solidaria Ressonance en Suiza, actualmente é membro titular da Orquestra Sinfónica Vigo 430.
Compaxina a súa traxectoria clásica con outros estilos coma a improvisación libre, o jazz e o folk no violoncello e o contrabaixo. Nos últimos anos formouse no Seminario Permanente de Jazz de Pontevedra co pianista e compositor Abe Rábade. Ten formado parte de distintos proxectos coma o dúoTreme, premio á mellor banda Galega no ano 2015 pola Concellería de Cultura de Santiago ou co mandolinista Fernando Barroso, co que presentará un novo traballo discográfico a partir do ano que ven.
Actualmente compaxina a súa carreira coma solista formando parte da programación do Teatro Real en Madrid coa súa faceta mais experimental, estudando os recursos do violoncello a través dos pedais e a electrónica.

 
Obradoiro de esteiróns. Coordinadora: Mª Luisa Fernández 20 e 21 de novembro, de 19:00H a 21:00H PDF Imprimir Correo-e
O IEM - destacados
Escrito por IEM -Sec   
Domingo, 29 Outubro 2017 23:49

obradoiro de esteirns

O Instituto de Estudos Miñoráns acolle este mes de novembro un obradoiro de folla de cana, no que se ensinará a facer esteiróns. Os días 20 e 21 de 19:00h a 21:00h no local do IEM (Avda.da Feira, 10 baixo- Gondomar).

O material para a súa confección será aportado polo IEM e o prezo deste obradoiro é de 5 €.

As prazas ofertadas son 15 por orde de inscrición.

Para anotarse haberá que chamar ao IEM ao teléfono 986 360575, de luns a venres de 18.00 a 21.00, ou escribir un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

ESTEIRÓNS

Pezas feitas de folla de cana que se facía no outono, no tempo de recollida das canas. De formas redondas ou ovaladas, tiñan moitos usos, entre eles ser pezas para pousar os potes enferruxados e quentes que saían das lareiras. Tamén se usaban para poñer no chan diante da porta de entrada e limpar os pés, e mesmo para quentalos.

 

 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 8 de 253