Skip to content

IEM - Instituto de Estudos Miñoranos

Increase font size Decrease font size Default font size

Destacados

Suspensión da presentación de “ Os nomes do terror” mañá martes 17 de outubro.

Como consecuencia da declaración polo Concello de Nigrán de tres días de loito oficial, quedan suspendidas tódalas actividades organizadas polo Concello, e polo tanto tamén a presentación de “Os nomes do terror” mañá martes 17 de outubro.

Está en:  Inicio Seccións
Skip to content
IEM - Instituto de Estudos Miñoranos
Presentación da Toponimia de Camos "Os nomes de Camos: Do Outeiro dos enforcados ao Sampiaio" PDF Imprimir Correo-e
Escrito por IEM -Sec   
Mércores, 29 Marzo 2017 19:54
Este sábado, 1 de abril ás 19:00h da tarde, no centro cultural de Camos " A Camoesa" terá lugar a presentación "Os nomes de Camos: Do Outeiro dos enforcados ao Sampiaio".

 

En caso de bo tempo, haberá unha saída dende o centro cultural con visita toponímica polo lugar das Pedras, A Bandeira e Muiño do Grilo ás 17:30 h.

jpg

 
II Mostra de teatro afeccionado do Val Miñor e Oia. PDF Imprimir Correo-e
Escrito por IEM -Sec   
Martes, 28 Marzo 2017 20:19

3.1 cartel teatro web

A partir do vindeiro domingo 9 de abril o Auditorio Municipal Lois Tobío acollerá a II Mostra de teatro afeccionado do Val Miñor e Oia. Organizado polo Instituto de Estudos Miñoráns co apoio do Concello de Gondomar.
"Cabaret tres" será a obra que abrirá esta parte da mostra organizada polo IEM, a cargo de Pritis-guomins, a partir das 19:00h. no Auditorio Municipal Lois Tobío.

O programa continuará o domingo 23 de abril con "A tía lambida" a cargo de A Moura, a partir das 19:00h. no Auditorio Municipal Lois Tobío.

Para finalizar a Mostra, o grupo de O mellor de cada casa, sairá a escena o domingo 7 de maio con "A illa deserta" ás 19:00h, no Auditorio Municipal Lois Tobío.
 
Presentación do libro: " Non des a esquecemento" de Luís Bará Torres. Xoves 30 de marzo ás 20:30h PDF Imprimir Correo-e
O IEM - destacados
Escrito por IEM -Sec   
Xoves, 23 Marzo 2017 18:45
O xoves 30 de marzo ás 20.30h, terá lugar a presentación do libro " Non des a esquecemento" de Luís Bará Torres na Aula de Cultura Ponte de Rosas, Avenida da Feira, 10 baixo en Gondomar.
Intervirán ademais do autor, Montse Fajardo e Xosé Lois Vilar e gozaremos da actuación musical do guitarrista Fernando Blanco.
"Este libro é unha compilación dos artigos publicados no blog Non des a esquecemento ao longo de case tres anos, desde comezos de 2014 a setembro de 2016. Mais sobre todo é a resposta a unha necesidade vital: a procura da verdade e da xustiza arredor das vítimas da represión franquista en Galiza, a vontade de contar o que pasou nun relato emocional, subxectivo, belixerante, impregnado da memoria oral, receoso dos informes oficiais e afastado tamén da neutralidade e da distancia de moitos estudos académicos.
Porque a crónica de acontecementos como os que aquí se relatan só ten sentido se forma parte dunha arela ética e política fundamental: a da reivindicación dos ideais e valores polos que loitaron e foron perseguidas tantas persoas ao longo de décadas; a militancia na causa da liberdade, da xustiza social, da igualdade; o compromiso por construír unha Galiza dona de si, próspera, solidaria, respectada. Esa é a mellor maneira de rescatalos do silencio das gavias e dos cemiterios; a victoria última contra a inxustiza, o terror e a mentira do franquismo; a verdadeira e definitiva homenaxe despois da amnesia e a amnistía decretadas na transición e no tempo que veu despois."

Fragmento do Epílogo do libro Non des a esquecemento
lus bar 22 non des a esquecemento22
 
CONVOCATORIA X PREMIO DE POESÍA VICTORIANO TAIBO PDF Imprimir Correo-e
Premio Victoriano Taibo - Artigos
Escrito por IEM -Sec   
Domingo, 26 Marzo 2017 12:27

captura de pantalla 2017-03-26 a las 12.23.38

 

CONVOCATORIA

X PREMIO DE POESÍA VICTORIANO TAIBO

Por décimo ano consecutivo, o Concello de Gondomar, en colaboración co Instituto de Estudos Miñoráns, comprácese en convocar unha nova edición do premio de poesía que pretende honrar a figura de Victoriano Taibo, poeta das Irmandades da Fala, mestre galeguista, creador de ducias de artigos sobre a lingua e sobre feitos e personaxes galegos, narrador, membro da Real Academia Galega e do Instituto Histórico do Minho, persoeiro, en fin, de méritos acreditados e fondamente comprometido coa lingua e a cultura galegas.

O premio instituíuse no ano 2008 co mecenado inicial da Entidade Local Menor de Morgadáns que, en 20015, a través do novo equipo de goberno resultante das últimas eleccións, eliminou unilateralmente o compromiso adquirido, e a continuidade do premio quedou garantida polo concello de Gondomar, que asumiu o mecenado a partir dese momento. Dende aquela data inicial o acervo literario galego incrementouse con 10 novos poemarios de 11 autores diversos que acadaron sempre críticas favorables.

 

Ler máis...
 
Presentación " Un cesto de mazás" de Montse Fajardo o venres 17 de marzo ás 20.30 horas no Mercado de Tomiño PDF Imprimir Correo-e
Escrito por IEM -Sec   
Mércores, 15 Marzo 2017 00:52

cartel un cesto de mazs

O vindeiro venres 17 de marzo ás 20.30 horas no Mercado de Tomiño terá lugar a presentación do libro"Un cesto de mazás". Intervirán:

Xosé Lois Vilar do Instituto de Estudos Miñoráns,

Sandra González Álvarez, alcaldesa de Tomiño,

Luís Bará, autor de " Non des a esquecemento" e

Montse Fajardo, autora de " Un cesto de mazás"

“A idea de poñerlle este título ao libro naceu cando, non hai moito, Luís Bará tivo o aceno de levarlle a Tucha, filla dun represaliado, un cesto de mazás”.Ese cesto “representa a ofrenda que lle facemos todas ao lembrar esa parte do pasado colectivo, pero tamén individual e profundamente íntimo, que determinou negativamente a vida de tantas persoas. Proxectar luz sobre esa verdade silenciada é a nosa homenaxe ás vítimas, que non foron só as que perderon a vida, senón todas aquelas que viviron o desgarro, o trauma de perder un ser querido e soportaron o estigma social, padecendo penurias e humillacións por riba de tanta dor”.

Sinopsis

“Este libro fala de persoas detidas, fusiladas, asasinadas en cunetas, agochadas durante anos en tobos de cortes ou ocos de cociña, humilladas. Fala de foxas, batallóns, depuracións, cárcere e exilio. Das vítimas evidentes pero tamén das outras. Das nais que pasean de noite na procura da Santa Compaña para ver unha vez máis o fillo fusilado. Das que perseguen a morte nas entrañas dos pozos para reencontraren con el. Das nenas que miran pola ventá unha escola na que non teñen cabida as irmás dos rojos. Das obrigadas a bordar panos para recoller as bágoas que aínda lles quedan por verter. Das viúvas que trasladan o cadaleito a soas. Dos orfos que marcan co pau da luz as foxas sen nome”.

 

 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 9 de 245