Skip to content

IEM - Instituto de Estudos Miñoranos

Increase font size Decrease font size Default font size

Destacados

Resolución do II Certame Escolar de Creación Dramática.
Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

Está en:  Inicio Seccións
Skip to content
IEM - Instituto de Estudos Miñoranos
Máis muíños naviculares de soporte fixo. Agora en Cristelos. PDF Imprimir Correo-e
O IEM - destacados
Escrito por Xosé Lois Vilar Pedreira   
Sábado, 09 Novembro 2013 00:04
cristelos-1
Foi por setembro e chovía. Foi outra vez o Xilberte da Granxa do Montealegre. Ventaba, non choveu e lustrou abondo até a noite. O belén (1), Xilberte, prospectaba polos montes de Cristelos nun altiño que nos chamou a atención xa hai meses cando andamos co Piedra da Quirincosta de Abaixo na recolleita dos nomes do mundo en Vilachán do Monte. O altiño -aínda non lle sabemos o nome- é un lombo alongado oeste/leste coma un illote que emerxe ben diferenciado, ben defendido. Un emprazamento ideal para un lugar de hábitat. Ben defendido de xeito natural. O lombo remata polo leste nun penedo a xeito de cairo, case o único afloramento granítico do lugar, e alí presidindo o fondón que provoca A Regueira da Gata na Feixa e O Río Grande que baixa da Chan do Cereixo. O pé tamén a capela de Grixó. Un enorme dominio visual para un outeiro no que medio soterrado, nunha laxiña secundaria, o pé do alto do penedo, dous profundos muíños naviculares de soporte fixo con rebaixes laterais.
Ler máis...
 
Xardín Desordenado canta A ROSALIA PDF Imprimir Correo-e
O IEM - Novas
Escrito por IEM   
Mércores, 06 Novembro 2013 23:50

xardin-desordenado

-Vídeo coa  actuación de Xardín Desordenado no Auditorio de Gondomar Lois Tobío.

O grupo musical Xardín Desordenado interpretou os poemas A viúva,  Ansias de Xacinto e Meniña gaiteira durante o espectáculo A ROSALIA, co que o IEM homenaxeou á poetiza nacional. Nesta ocasión o grupo estivo integrado polos músicos Marlene Rodrigues (voz), Santiago Ferragud (guitarra e voz), e mais Isaac Garabatos (guitarra).

Ler máis...
 
Colaboracións Literarias:"FALABAN de afogadas que chegaban do leste", de Marta Dacosta PDF Imprimir Correo-e
Filoloxía e literatura - Artigos
Escrito por IEM   
Mércores, 06 Novembro 2013 09:16

Argola, poemario de Marta Dacosta, acadou o I Premio de Poesía O Figurante; o libro constrúese arredor dunha escrava atlántica no Imperio Romano, un espírito libre que unha  argola dourada intenta someter aos intereses do imperio, pero segue a soñar coa marabillosa natureza de auga e luz á beira das ondas duras e locuaces das praias que a viron nacer,  e arela virarse ninfa en loita contra as naves invasoras, idea que nos transporta á lenda dos Herminios nas Illas Cíes asoballados por César, pero tamén a tantas conquistas e tantas colonizacións nas que, sempre, hai unha argola dourada para desactivar potenciais resistencias. O poema que publicamos quere anunciar a pronta aparición do libro, un libro que se inscribe, tamén, na simboloxía acuática desta poeta, Marta, da costa atlántica. Desfrutádeo como anticipo ao goce pleno.

Preme aquí para descargar o texto.

 
O IEM restaura a lápida do represaliado descoñecido soterrado no cemiterio civil de Nigrán. PDF Imprimir Correo-e
Memoria histórica - Fosas de San Xian
Escrito por IEM   
Mércores, 06 Novembro 2013 23:18

Colaboradores-traballan-na-

Os restos do represaliado descoñecido exhumado en 2009 na fosa número 2 de San Xián descansan novamente no cemiterio civil de Nigrán. Grazas ó labor de colaboradores e voluntarios do Instituto de Estudos Miñoranos foi posible dignificar e restaurar a sepultura onde foi depositado no ano 2010, tras aparecer esta meses atrás, desfeita e en malas condicións .

Ler máis...
 
O son natural: concerto musical vinculado á obra do artista Fernando Casás. PDF Imprimir Correo-e
O IEM - Novas
Escrito por IEM   
Luns, 04 Novembro 2013 21:30
O vindeiro mércores 6 novembro, ás 20:00 horas no auditorio da Facultade de Belas Artes (rúa Maestranza, Pontevedra) o grupo Vertixe Sonora Ensemble presentará obras moi vinculadas ás creacións do noso compañeiro, o artista Fernando Casás.
Casás é un dos iniciadores das correntes de Arte e Natureza, quen describe as interrelacións entre a práctica artística e a contorna natural. Os vestixios do paso do tempo, as mutacións na selva tropical ou na súa paisaxe natal galega, determinan a súa traxectoria creativa de máis de corenta anos.
Ler máis...
 
<< Inicio < Anterior 101 102 103 104 105 106 107 108 109 110 Seguinte > Final >>

Páxina 107 de 265