Skip to content

IEM - Instituto de Estudos Miñoranos

Increase font size Decrease font size Default font size

Destacados

Acto de entrega do XI Premio de Poesía Victoriano Taibo. inicio tamén da I Semana poética Victoriano Taibo.

O Auditorio Lois Tobío acolle o acto de entrega do XI Premio de Poesía Victoriano Taibo

Desde este sábado, dá inicio tamén a I Semana poética Victoriano Taibo que enmarca a entrega do premio

 

Organizado polo Concello de Gondomar e o Instituto de Estudos Miñoráns.

E para achegarnos á data no ambiente poético propicio, o IEM inicia, este sábado día 10, a I Semana poética Victoriano Taibo, que encherá de versos a vila de Gondomar, unha festa poética que terá un fermoso ramo o día 17 coa entrega do premio desta décimo primeira edición a Laura Ramos Cuba.

I Semana poética Victoriano Taibo:

O sábado 10, ás 21:00 h. no Café Rañolas comeza esta celebración poética e será cun Slam poético, un recital aberto en que pode participar quen quixer co único requisito de que os textos que recite, dous, sexan de autoría propia e estean na nosa lingua. Cómpre tan só inscribirse previamente no correo electrónico do IEM (oficina@iem.gal). Un xurado escollido entre o público asistente seleccionará ao gañador ou gañadora da noite.

O luns día 12 a poesía tomará os balcóns e as fachadas de Gondomar, ondeando os seus versos en lonas que reproducirán, entre outros, poemas de autores premiados co Victoriano Taibo.

Nesa semana repartiranse tamén entre 14 establecementos hosteleiros manteis ilustrados con poemas.

E no medio da semana, nun lugar céntrico e frecuentado, podermos gozar dunha sorpresa poético-musical que non poderá ser máis anunciada para que, efectivamente, sexa unha sorpresa.

E así chegaremos ao sábado 17, data de entrega do XI Premio Victoriano Taibo.

A banda de gaitas Balcón do Miñor, de Morgadáns, amenizará o acto en que a autora recibirá o galardón da man do alcalde de Gondomar, Francisco Ferreira, e recitará algúns poemas da súa obra. No acto tamén intervirá o director do IEM, Xulián Maure. Á saída, no vestíbulo, estará agardando un albaroque de confraternización durante o cal a autora asinará libros para quen o desexe.

O premio está dotado con 3000€ e unha peza escultórica da autoría de Fino Lorenzo.

Está en:  Inicio Seccións
Skip to content
IEM - Instituto de Estudos Miñoranos
Colaboracións Literarias: “Ida e volta”, de Paco Álvarez de Senra . PDF Imprimir Correo-e
Filoloxía e literatura - Artigos
Escrito por IEM   
Mércores, 11 Setembro 2013 00:54

Achegamos unha nova Colaboración Literaria, co texto poético "Ida e volta", de Paco Álvarez de Senra.

Preme aquí para descargar o texto

 
Catro obras compiten como finalistas do VI Premio de Poesía Victoriano Taibo - Entidade Local de Morgadáns. PDF Imprimir Correo-e
Premio Victoriano Taibo - Artigos
Escrito por IEM   
Martes, 10 Setembro 2013 23:11

vtxurado2013

Finalmente o xurado elixiu 4 obras como finalistas de entre os 33 orixinais aspirantes a conseguir o VI Premio de Poesía Victoriano Taibo - Entidade Local de Morgadáns. Trátase dos títulos Territorios estraños, Estar aquí, Deitado no colo do odio, Volvería ao frío. Na próxima semana darase a coñecer cal dos catro  é o gañador desta convocatoria cuxo ciclo pecharase na primeira quincena de novembro coa celebración do acto de entrega do premio, dotado con 3000 €, unha estatua conmemorativa da autoría de Fino Lorenzo e a publicación do libro na colección Victoriano Taibo do IEM.

Ler máis...
 
Colaboracións Literarias: “A Cala das Sereas”, de Julio Villarino. PDF Imprimir Correo-e
Filoloxía e literatura - Artigos
Escrito por IEM   
Martes, 03 Setembro 2013 22:39

Julio Villarino é un mozo de Baiona, aínda que vive en terras luguesas por mor do traballo. Está preparando a publicación do seu primeiro libro de relatos titulado Lendas de Baiona, do que forma parte "A Cala das Sereas", texto que compartimos hoxe.

Preme aquí para descargar o relato

 
Faladoiro: “Motivación e Creatividade” co enxeñeiro industrial Jesús Fernández Alonso. PDF Imprimir Correo-e
O IEM - Novas
Escrito por IEM   
Luns, 09 Setembro 2013 20:23

jesus_oficina2

O próximo venres 13 de setembro ás 20:30h na Aula de Cultura Ponte de Rosas (Avda. da Feira 10, baixo, Gondomar) o Enxeñeiro Industrial Jesús Fernández Alonso pronunciará unha conferencia baixo o título “Motivación e Creatividade”.  O noso convidado será presentado pola concelleira de Educación do Concello de Baiona, María Jesús Garbín Domínguez.

Ler máis...
 
Últimas prazas para participar do curso de creación literaria “Victoriano Tabio” con Elvira Riveiro. PDF Imprimir Correo-e
Filoloxía e literatura - Artigos
Escrito por IEM   
Luns, 02 Setembro 2013 20:36
Recordamos que o curso de Creación Literaria "Victoriano Taibo" (poesía e prosa) organizado polo IEM desenvolverase os xoves de 18:30 a 19:30 na Aula de Cultura Ponte de Rosas, situada en Avda da Feira,nº 10 (Gondomar). Será impartido pola escritora Elvira Riveiro, o custo da matrícula é de 20 euros e o número máximo de participantes de 25.
Ler máis...
 
<< Inicio < Anterior 111 112 113 114 115 116 117 118 119 120 Seguinte > Final >>

Páxina 111 de 260