Skip to content

IEM - Instituto de Estudos Miñoranos

Increase font size Decrease font size Default font size

Destacados

Acto de entrega do XI Premio de Poesía Victoriano Taibo. inicio tamén da I Semana poética Victoriano Taibo.

O Auditorio Lois Tobío acolle o acto de entrega do XI Premio de Poesía Victoriano Taibo

Desde este sábado, dá inicio tamén a I Semana poética Victoriano Taibo que enmarca a entrega do premio

 

Organizado polo Concello de Gondomar e o Instituto de Estudos Miñoráns.

E para achegarnos á data no ambiente poético propicio, o IEM inicia, este sábado día 10, a I Semana poética Victoriano Taibo, que encherá de versos a vila de Gondomar, unha festa poética que terá un fermoso ramo o día 17 coa entrega do premio desta décimo primeira edición a Laura Ramos Cuba.

I Semana poética Victoriano Taibo:

O sábado 10, ás 21:00 h. no Café Rañolas comeza esta celebración poética e será cun Slam poético, un recital aberto en que pode participar quen quixer co único requisito de que os textos que recite, dous, sexan de autoría propia e estean na nosa lingua. Cómpre tan só inscribirse previamente no correo electrónico do IEM (oficina@iem.gal). Un xurado escollido entre o público asistente seleccionará ao gañador ou gañadora da noite.

O luns día 12 a poesía tomará os balcóns e as fachadas de Gondomar, ondeando os seus versos en lonas que reproducirán, entre outros, poemas de autores premiados co Victoriano Taibo.

Nesa semana repartiranse tamén entre 14 establecementos hosteleiros manteis ilustrados con poemas.

E no medio da semana, nun lugar céntrico e frecuentado, podermos gozar dunha sorpresa poético-musical que non poderá ser máis anunciada para que, efectivamente, sexa unha sorpresa.

E así chegaremos ao sábado 17, data de entrega do XI Premio Victoriano Taibo.

A banda de gaitas Balcón do Miñor, de Morgadáns, amenizará o acto en que a autora recibirá o galardón da man do alcalde de Gondomar, Francisco Ferreira, e recitará algúns poemas da súa obra. No acto tamén intervirá o director do IEM, Xulián Maure. Á saída, no vestíbulo, estará agardando un albaroque de confraternización durante o cal a autora asinará libros para quen o desexe.

O premio está dotado con 3000€ e unha peza escultórica da autoría de Fino Lorenzo.

Está en:  Inicio Seccións
Skip to content
IEM - Instituto de Estudos Miñoranos
Tinta e tres orixinais concorren ao VI Premio de Poesía Victoriano Taibo - Entidade Local de Morgadáns. PDF Imprimir Correo-e
Premio Victoriano Taibo - Artigos
Escrito por IEM   
Martes, 06 Agosto 2013 22:41

orixinais-VT

Trinta e tres obras participarán no 2013 da VI edición do Premio de Poesía Victoriano Taibo - Entidade Menor Local de Morgadáns, organizado polo Instituto de Estudos Miñoranos.

Ler máis...
 
Colaboracións Literarias: “As escritoras galegas á procura dun espazo propio”, por Marta Dacosta. PDF Imprimir Correo-e
Filoloxía e literatura - Artigos
Escrito por IEM   
Martes, 06 Agosto 2013 19:36
O texto As escritoras galegas á procura dun espazo propio, foi elaborado pola escritora Marta Dacosta para o relatorio presentado na mesa redonda "Da voz e da man das mulleres" celebrada na Feria Internacional del Libro de La Habana, o 23 de febreiro de 2008.
Preme aquí para descargar o texto
 
Grazas e parabéns PDF Imprimir Correo-e
O IEM - Novas
Escrito por IEM   
Venres, 02 Agosto 2013 20:45

Logo-IEM

A Xunta de Goberno do Instituto de Estudos Miñoranos quere facer público o seu agradecemento ás moitas persoas que a través de doazóns ou altas como socias permitiron acadar nestes poucos días máis de 3.000 euros que nos achegan á cantidade necesaria para saír da difícil situación financeira que aínda non dimos superado totalmente
Lembramos que as vosas achegas, na conta do IEM 2080 5035 07 3040014164, podedes facelas de forma nominal ou anónima. Tamén podedes colaborar asociándovos, moi importante xa que asegura o futuro, ou mercando as nosas publicacións.
Dez anos máis para o IEM!!!
 
Noite de Estrelas e Lobos na Serra da Groba PDF Imprimir Correo-e
Xeiras - Calendario
Luns, 05 Agosto 2013 23:20
DSC03870_Custom
Continúan as Xeiras 2013 que organiza o Instituto de Estudos Miñoranos. Esta semana, coa colaboración da Agrupación Astronómica Rías Baixas, para unha "Noite de estrelas e lobos" na Chan da Lagoa na Serra da Groba (Baiona).
Visitaremos un vello foxo de lobos e, coa axuda dos asistentes, daremos caza ao espírito do lobo que metía medo aos vellos habitantes e gando da nosa Serra da Groba. Cando nos pase o susto teremos tempo para que un membro da Asociación Astronómica Rías Baixas –con permiso da climatoloxía- nos ilustre sobre o ceo de verán, no marco da previa ás históricas Bagoas de San Lourenzo (Perseidas).
Ler máis...
 
Actividades do IEM no mes de agosto PDF Imprimir Correo-e
O IEM - destacados
Escrito por IEM   
Venres, 02 Agosto 2013 20:21

DSC03947_Custom

- Mércores 7. Xeira “Noite de Estrelas e Lobos”. Punto de encontro no Chan da Lagoa ás 21 horas. Guías: Xilberte Manso de la Torre, Pablo Alemparte e Xosé Lois Vilar.

 

-Venres 9. Xeira “Petroglifos do Monte Tetón”. Punto de encontro na Casa do Concello de Tomiño ás 22:30 horas. Guía: Xosé Lois Vilar

Ler máis...
 
<< Inicio < Anterior 111 112 113 114 115 116 117 118 119 120 Seguinte > Final >>

Páxina 116 de 260