Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio Tertulias Calendario Tertulias do IEM 2009
Skip to content
Tertulias do IEM 2009 PDF Imprimir Correo-e

Tertulias - Calendario
Escrito por IEM   
Martes, 27 Outubro 2009 01:00
Adiantamos o programa do novo ciclo de faladoiros do IEM, as tradicionais TERTULIAS DO IEM. Este ano cambian de lugar xa que serán na Aula de Cultura Ponte de Rosas, Avda da Feira 10 Baixo, Gondomar; máis a cea posterior, co convidado/a será coma sempre no Pazo da Escola de Mañufe.

Tertulias

6 de novembro
María do Cebreiro Rábade Villar Poeta. Profesora U. de Santiago
Presenta: Anxo M. Rodríguez Ratel Estudante de Filoloxía e poeta

11 de decembro
Teresa Táboas Veleiro Arquitecta. Deputada no Parlamento Galego
Presenta: Moisés Táboas Estudante de Arquitectura

15 de xaneiro
Bieito Iglesias Araúxo Escritor. Profesor
Presenta: Carlos Méixome Quinteiro Director do IEM. Profesor

5 de febreiro
Albino Prada Blanco Profesor de Economía Aplicada da U. de Vigo
Presenta: Xosé Manuel García Crego Técnico Editorial

5 de marzo
Luís Liz Marzán Catedrático de Química Física da U. de Vigo
Presenta: Bruno Centelles García Profesor. Xunta de Goberno do IEM

9 de abril
Belén Regueira Leal Xornalista da Radio Galega
Presenta: David Reinero González Xornalista de Xornal de Galicia

7 de maio
J. Carlos Bermejo Barrera Catedrático de Historia Antiga da U. de Santiago
Presenta: Xosé Lois Vilar Pedreira Foiteiro. Arqueólogo. Subdirector do IEM

3 de xuño
Fermín Bouza Álvarez Catedrático de Socioloxía da U. Complutense de Madrid
Presenta: Xulián Maure Rivas Profesor e escritor. Xunta de Goberno do IEM