Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- TOMIÑO- Arquitectura militar histórica. Fortalezas. Xoves 19 de xullo ás 18:30h.

O vindeiro xoves 19 de xullo ás 18:30 h terá lugar a quinta xeira de verán polo concello de Tomiño, Arquitectura militar histórica. Fortalezas. dentro do programa das xeiras de verán 2018 do IEM, e coa colaboración deste concello, que será guiada por Antonio Soliño Troncoso.

HABERÁ DOUS INTÉRPRETES EN LINGUA DE SIGNOS PARA XORDOS.

O punto de encontro será no Pazo-Torre dos Correa. Goián:

https://drive.google.com/open?id=1vF-TpyWSLjdaaPzHo8R-rCtn6cDIYqsn&usp=sharing

 

AS XEIRAS DO IEM. VERÁN 2018

ARQUITECTURA MILITAR HISTÓRICA. FORTALEZAS DE GOIÁN

Guía

ANTONIO SOLIÑO TRONCOSO

O lugar foi considerado estratéxico dende o medievo e consecuentemente controlado por diversos señoríos e as distintas monarquías. En Goián levantouse a Torre dos Correa no século XIV, con xurisdición sobre a desaparecida Vila da Barca, inmediata a ela e ao río ata que se trasladou despois da guerra do XVII para o lugar que agora ocupa a parroquial na parte alta. O nome víñalle da embarcación utilizada para cruzar o río. Tamén en 1321 D. Denis, o rei poeta, concede foro a Vila Nova de Cerveira e fortifícaa. Tempo máis tarde, no XVII, durante a Guerra de Restauración, o exército portugués constrúe un complexo sistema militar, que recolle as innovacións incorporadas no trazado e fundación de fortalezas para contrarrestar os avances da balística, con base en Vila Nova e cabeza en Goián, unidas por unha ponte de barcas, ata que asinada a Paz de Lisboa, en 1668, a coroa española ordena levantar unha fortaleza pétrea de catro baluartes, a actual de San Lourenzo, como contrapunto ás edificacións militares do lado portugués presididas polo antigo castelo gótico.

Ao longo da xeira teremos ocasión de ver e comentar o Pazo-Torre dos Correa, o Castelo da Nosa Señora da Concepción, a Fortaleza de San Lourenzo, o Castelo medieval de Vila Nova de Cerveira, o antigo embarcadoiro da Vila da Barca no Miño e o inicio do Camiño da Nosa Señora do Norte en territorio galego. Tamén falaremos da Atalaia do Espírito Santo, do Forte de Lobelhe, do Facho, do Forte das Chagas e do Castelo de Medos intentando contextualizalos no seu tempo. Farémolo durante as tres horas que nos levará percorrer os 3,4 Km. dunha xeira circular de baixa dificultade. O punto de encontro é o Pazo-Torre dos Correa. Todo o traxecto será acompañado de intérprete de lingua de signos.

 

 

Está en:  Inicio Tertulias Calendario TERTULIA con Ofelia Rey Castelao " Galicia, país sen santas: Monxas e beatas na Idade Moderna"
Skip to content
TERTULIA con Ofelia Rey Castelao " Galicia, país sen santas: Monxas e beatas na Idade Moderna" PDF Imprimir Correo-e

Tertulias - Calendario
Escrito por IEM   
Martes, 14 Febreiro 2012 02:08
ofelia_rey_castelao

Este venres, 17 de febreiro, TERTULIA do IEM coa catedrática de Historia Moderna da Universidade de Santiago, Ofelia Rey Castelao, recentemente distinguida co premio María Josefa Wonenburger 2011, que concede a Unidade Muller e Ciencia de Galicia. O faladoiro terá por título "Galicia, país sen santas: Monxas e beatas na Idade Moderna". A profesora Ofelia Rey Castelao será presentada por Xosé Lois Vilar, historiador e arqueólogo, membro da Xunta de Goberno do IEM.

Como é costume o faladoiro terá lugar na sede do Instituto de Estudos Miñoranos, na Aula de Cultura “Ponte de Rosas” (Avda. da Feira, 10, baixo, Gondomar) e será o próximo venres 17 de febreiro de 2012 ás 20:30h. Como é tradición, despois do acto aberto ao público en xeral haberá unha cea coa persoa convidada que terá lugar no Pazo da Escola de Mañufe Gondomar á que se poderá asistir facendo a correspondente reserva de praza no teléfono 986 360 575 ou no  680 644 4 90 ou ben no correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

Ofelia Rey Castelao: É Catedrática de Historia Moderna na Facultade de Xeografía e Historia da Universidade de Santiago. Directora da revista Obradoiro de Historia Moderna (1990-2005). Responsable para a Europa Mediterránea da International Commision of Historical Demography. Foi Directeur d'études en Ecole des Hautes Etudes en Sciences Sociales en París nos anos 2004-2005. Dirixe desde 1992 doce proxectos de investigación de ámbito estatal e internacional. É autora de doce libros e de más de cen artigos sobre diversos temas -demografía histórica, historia rural, historia social-, nos últimos anos dedícase á historia cultural e en especial ao estudo dos condutos de difusión da cultura.

Bibliografía:

2009 - Historia das Mulleres en Galicia (Ofelia Rey Castelao, Serrana M. Rial García)(Editorial Nigratea, Vigo)

2006 - Os mitos do apóstolo Santiago (Ofelia Rey Castelao) (Nigratea, Vigo)

2003 - Libros e lectura en Galicia (Ofelia Rey Castelao) (Xunta de Galicia)

2002 - Textos Clásicos sobre a historia de Galicia (Ofelia Rey Castelao) (MAPFRE)

1999 - Historia crítica de los falsos cronicones (José Godoy Alcántara, Ofelia Rey Castelao) (Universidad de Granada)

1998 - A Galicia clásica e barroca (Ofelia Rey Castelao) (Galaxia, Vigo)

1998 - Pobres, peregrinos e enfermos. A rede asistencial galega no antigo réxime (Baudilio Barreiro Mallón, Ofelia Rey Castelao) (Nigratea, Vigo)

1995 - Montes e política forestal na Galicia do antigo réxime (Ofelia Rey Castelao)  (Universidade de Santiago de Compostela)

1992 - Los Gallegos y América (Antonio Eiras Roel, Ofelia Rey Castelao) (MAPFRE)

1992 - Poder e privilexios na Europa do século XVIII (Ofelia Rey Castelao) (Síntesis)

1985 - A historiografía do Voto de Santiago. Recompilación crítica dunha polémica histórica (Ofelia Rey Castelao) (Universidade de Santiago de Compostela)

1981 - Aproximación á historia rural na comarca da Ulla (Ofelia Rey Catelao) (Universidade de Santiago de Compostela.