Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio Tertulias Calendario Comeza a 11ª tempada das TERTULIAS do IEM (2012 - 2013).
Skip to content
Comeza a 11ª tempada das TERTULIAS do IEM (2012 - 2013). PDF Imprimir Correo-e

Tertulias - Calendario
Escrito por IEM   
Martes, 06 Novembro 2012 01:10
aula-ponte-de-rosas-1

- O primeiro dos faladoiros terá lugar o vindeiro venres 9 de novembro coa presenza do atleta Francisco Javier Gómez Noia e o presidente da Federación Galega de Triatlón, Francisco Villanueva.
Este mes de novembro dará comezo a onceava tempada consecutiva das TERTULIAS do IEM. Unha vez mais o novo ciclo será diverso na súa temática e terá como novidade a inclusión de dúas mesas redondas que analizarán novas perspectivas no sector rural. Como é costume os faladoiros terán lugar na sede do Instituto de Estudos Miñoranos, sita na Aula de Cultura "Ponte de Rosas" (Avda. da Feira, 10, baixo, Gondomar).

O novo ciclo de faladoiros abranguerá dende a situación do deporte olímpico en Galicia (Francisco Javier Gómez Noia - Francisco Villanueva), as realidades e perspectivas do sector do viño (mesa: Evaristo Rodríguez, Xosé María Fonseca Moretón e Arsenio Paz), a xustiza (Esther González Pillado), o debuxo (Miguel Anxo Prado), a agricultura ecolóxica (mesa con Roberto de Facenda O Agro, Luis de Arqueixal e Ricardo da Horta do Val), o teatro (Mónica Camaño) a fotografía (Vitor Vaqueiro Foxo) e a música (Mini e Mero). Coidamos que esta multiplicidade temática é novas estruturas dos faladoiros resulten nun especial atractivo desta tempada 2012-2013 das TERTULIAS do IEM.
Tamén como é tradicional, despois do acto aberto ao público en xeral haberá unha cea coa persoa convidada que terá lugar no Pazo da Escola de Mañufe Gondomar á que se poderá asistir facendo a correspondente reserva de praza no teléfono 986 360 575 ou no 680 644 490 ou ben no correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

Descargar calendario das TERTULIAS do IEM 2012 -2013