Skip to content

IEM - Instituto de Estudos Miñoranos

Increase font size Decrease font size Default font size

Destacados

PROSPECCIÓN ARQUEOLÓXICA, DOCUMENTACIÓN E RESTAURACIÓN DOS PETRÓGLIFOS DE GARGAMALA (Mondariz, Pontevedra)

Este proxecto de prospección arqueolóxica, documentación e restauración dos petróglifos de Gargamala (Mondariz), promovido polo Servizo de Arqueoloxía da Dirección Xeral de Patrimonio Cultural da Consellería de Cultura e Turismo, será executado polo equipo técnico multidisciplinar do Instituto de Estudos Miñoráns (IEM) dirixido e coordinado polo historiador e arqueólogo Xosé Lois Vilar Pedreira e do que forman parte: María Dolores Álvarez Rey, Eloy Martínez Soto, Bruno Centelles García, Xilberte Manso de la Torre, José Antonio Viña Arias, Eduardo Méndez-Quintas, Andrea Serodio Domínguez, Manuel Ledo Bernárdez e Jesús Rodríguez Diéguez coa colaboración especial, nas tarefas de prospección, de Cándido Verde e José Álvarez Alonso (O Buraco).

Nos días 5 e 6 de outubro de 2018 un incendio arrasou 150 Ha das parroquias de Sabaxáns e Gargamala (Mondariz) que afectou a área nuclear dos petróglifos de Gargamala con distinto grao de incidencia (termoclastos, ennegrecemento da superficie, arrastes de depósitos sobre as superficies) e deixando unha paisaxe depauperada e a pracer dunha forte erosión da tona terrea.

O conxunto de petróglifos obxecto desta actuación sitúase entre os 400 e os 470 m.s.n.m.. A gran maioría deles ocupando a parte alta dos outeiros (GA 36030023-18-11), as valgadas entre eles no caso do Campado (GA 36030055-14-15-54), chans como Campo Redondo (GA 36030038) cun amplísimo dominio visual ,que chega á Serra do Galiñeiro, parello ó emprazamento dos petróglifos da Coutada (Taboexa, As Neves) ou As Portaxes no Monte Tetón (Tebra, Tomiño) tamén obxecto de prospección, estudo, posta en valor e musealización por parte do Instituto de Estudos Miñoráns.

Na zona de actuación destaca a presenza dun ulleiro aproveitado polos veciños para a traída de augas doméstica e na outra vertente hai varios muíños hidráulicos.
Estamos ó redor das coordenadas 545.686/4.679.970 
(datum: ETRS 1989, fuso 29).

Esta concentración de petróglifos atópase na parroquia de Gargamala, no concello de Mondariz, composta polas aldeas de Vedrelos e O Soutiño na zona meridional e A Rúa, Mourelle, Boente e O Barro. A parroquia está rodeada por Frades, Riofrío, Sabaxáns e Toutón como freguesías do mesmo concello e polo norte polas de Traspielas e Ventín do concello de Fornelos de Montes. Estamos no sur do Suído nun mundo de serra onde as aldeas escasean e foi zona tradicional de pastoreo que deixou pegadas etnográficas nos chozos, neveiras, cerres para o gado e nos foxos de lobo.
Estamos no val medio-alto do río Tea cara o que drenan os núcleos habitados de Gargamala. A zona noroeste do Castro Chouso, O Foxo do Lobo, A Chan de Cairón... botan as augas no río Barragán que desauga no río Oitavén ó pé do castro da Cidade (Calvos, Fornelos) na mesma presa das Eiras.


Está en:  Inicio Toponimia Artigos
Skip to content
Artigos
Toponimia Morgadáns e Peitieiros PDF Imprimir Correo-e
Toponimia - Artigos
Escrito por IEM -Sec   
Domingo, 26 Marzo 2017 18:50
captura de pantalla 2017-03-26 a las 20.55.18

TOPONIMIA MORGADÁNS E PEITIEIROS


A Xunta de Goberno da Deputación Provincial de Pontevedra na sesión do 9 de setembro de 2016 acordou conceder unha subvención de 6.800,00€ ao IEM para a recollida de toponimia de Morgadáns e Peitieiros.

Esta actividade é subvencionada pola Deputación Provincial de Pontevedra.

 

 
Presentación da recollida de toponimía en Mañufe, este venres 20.00 no Centro Cultural de Mañufe. PDF Imprimir Correo-e
Toponimia - Artigos
Escrito por IEM -Sec   
Xoves, 31 Marzo 2016 20:43

cartelmanhufe

Presentación da recollida de toponimía en Mañufe. O venres día 01/04/2016 ás 20.00 H no Centro Cultural de Mañufe.

Podedes visitar esta recollida en toponimiademanhufe.esmiweb.es

 

 
Un convenio entre a CMVMC de Donas e o IEM permite recuperar máis de 1.300 topónimos da parroquia. PDF Imprimir Correo-e
Toponimia - Artigos
Escrito por IEM   
Xoves, 26 Novembro 2015 21:26
parroquia-de-donas
Entre os meses de xuño e agosto tivo lugar a recollida dos nomes dos lugares da parroquia de Santa Baia de Donas. En total 1.343 topónimos foron identificados e xeolocalizados polo técnico de campo, Anxo Rodríguez Lemos. As resultas deste traballo serán presentadas o vindeiro sábado 28 de novembro ás 18 horas no Centro Cultural do Souto, en Donas.
Ler máis...
 
Toponimia da parroquia de Saiáns (Vigo) PDF Imprimir Correo-e
Toponimia - Artigos
Escrito por IEM   
Mércores, 14 Xaneiro 2015 22:42

portada-saians

Entre os anos 2009 e 2010 cun importante esforzo económico da Comunidade de Montes Veciñais de Saiáns, levouse a cabo unha limpeza e musealización do espazo arqueolóxico, etnográfico e ecolóxico do Alto da Medoña no barrio de Estea. Proxecto que estivo coordinado pola sección de Arqueoloxía do Instituto de Estudos Miñoranos e que abrangueu a posta en valor neste alto e arredores dun castro cunhas potentes defensas, catro muíños de auga con levadas e presas, pozas de regar, mina de auga, fonte e muíños naviculares de soporte fixo. A intervención coordinada polos arqueólogos Xosé Lois Vilar e Eduardo Méndez Quintas permitiu que todo o conxunto quedara limpo de mato, con vexetación de frondosas e uns carteis explicativos dos distintos elementos de interese.

Ler máis...
 
Tipoloxías de topónimos da cartografía de Candeán PDF Imprimir Correo-e
Toponimia - Artigos
Escrito por IEM   
Venres, 02 Xaneiro 2015 23:44

DSCF0488-A-Casa-dos-Mouros

Agrupamos os topónimos nas seguintes tipoloxías principais:

-              Topónimos asociados a poboacións e vías de comunicación. Inclúe os lugares ou casais (pequenos núcleos de poboación orixinais, que dominaban o espazo agrícola); elementos da cultura material, como igrexas e petos de ánimas; as casas antigas (asociadas a algún antepasado e alcume familiar), e as diversas categorías de vías de comunicación: camiños, carreiros, canexas, etc.

-              Topónimos agrícolas. Aqueles que nomean as hortas, plantíos de froiteiras ou “enxidos”, prados e “seguedos”, veigas, etc. Cada un destes topónimos abranguen polo xeral varias propiedades de veciños distintos, polo que adoitan presentar dúas formas: unha en singular e a mesma forma en plural. Para mellor conservar a forma orixinal decantámonos nestes casos por rexistrar a forma en singular.

-              Hidrónimos. Incluímos aquí os distintos nomes que van adquirindo as correntes de auga ao longo do seu percorrido, os nomes de fontes e mananciais, de brañas e turbeiras, e os nomes daqueles elementos da cultura popular material vencellados á auga: regos e presas, minas, muíños de río, pontellas, etc.

-              Topónimos do ámbito forestal. Comprenden os nomes das propiedades particulares en terreo forestal (“coutadas”), os dos montes comunais, penedos, etc. Tamén incluímos aqueles elementos do patrimonio arqueolóxico integrados no ambiente forestal, como son as mámoas e os castros.

 
<< Inicio < Anterior 1 2 3 4 5 6 7 Seguinte > Final >>

Páxina 2 de 7