Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- TOMIÑO- Arquitectura militar histórica. Fortalezas. Xoves 19 de xullo ás 18:30h.

O vindeiro xoves 19 de xullo ás 18:30 h terá lugar a quinta xeira de verán polo concello de Tomiño, Arquitectura militar histórica. Fortalezas. dentro do programa das xeiras de verán 2018 do IEM, e coa colaboración deste concello, que será guiada por Antonio Soliño Troncoso.

HABERÁ DOUS INTÉRPRETES EN LINGUA DE SIGNOS PARA XORDOS.

O punto de encontro será no Pazo-Torre dos Correa. Goián:

https://drive.google.com/open?id=1vF-TpyWSLjdaaPzHo8R-rCtn6cDIYqsn&usp=sharing

 

AS XEIRAS DO IEM. VERÁN 2018

ARQUITECTURA MILITAR HISTÓRICA. FORTALEZAS DE GOIÁN

Guía

ANTONIO SOLIÑO TRONCOSO

O lugar foi considerado estratéxico dende o medievo e consecuentemente controlado por diversos señoríos e as distintas monarquías. En Goián levantouse a Torre dos Correa no século XIV, con xurisdición sobre a desaparecida Vila da Barca, inmediata a ela e ao río ata que se trasladou despois da guerra do XVII para o lugar que agora ocupa a parroquial na parte alta. O nome víñalle da embarcación utilizada para cruzar o río. Tamén en 1321 D. Denis, o rei poeta, concede foro a Vila Nova de Cerveira e fortifícaa. Tempo máis tarde, no XVII, durante a Guerra de Restauración, o exército portugués constrúe un complexo sistema militar, que recolle as innovacións incorporadas no trazado e fundación de fortalezas para contrarrestar os avances da balística, con base en Vila Nova e cabeza en Goián, unidas por unha ponte de barcas, ata que asinada a Paz de Lisboa, en 1668, a coroa española ordena levantar unha fortaleza pétrea de catro baluartes, a actual de San Lourenzo, como contrapunto ás edificacións militares do lado portugués presididas polo antigo castelo gótico.

Ao longo da xeira teremos ocasión de ver e comentar o Pazo-Torre dos Correa, o Castelo da Nosa Señora da Concepción, a Fortaleza de San Lourenzo, o Castelo medieval de Vila Nova de Cerveira, o antigo embarcadoiro da Vila da Barca no Miño e o inicio do Camiño da Nosa Señora do Norte en territorio galego. Tamén falaremos da Atalaia do Espírito Santo, do Forte de Lobelhe, do Facho, do Forte das Chagas e do Castelo de Medos intentando contextualizalos no seu tempo. Farémolo durante as tres horas que nos levará percorrer os 3,4 Km. dunha xeira circular de baixa dificultade. O punto de encontro é o Pazo-Torre dos Correa. Todo o traxecto será acompañado de intérprete de lingua de signos.

 

 

Está en:  Inicio Toponimia Talasonimia 20 vídeo conferencias sobre toponimia e talasonimia galega.
Skip to content
20 vídeo conferencias sobre toponimia e talasonimia galega. PDF Imprimir Correo-e

Toponimia - Talasonimia
Escrito por IEM   
Venres, 20 Abril 2012 21:03
toponimia-ponte-de-rosas


Galicia ten próximo aos 2.5 millóns de topónimos, lugares do seu territorio que contan cun nome propio. Un patrimonio xurdido durante séculos da necesidade de identificar os espazos xeográficos e que có tempo constituíron unha sinal básica de identidade para os seus poboadores. Non só as cidades e vilas están nomeadas no país (macrotoponimia) , tamén os montes, regatos, chans, leiras e ata as pedras foron "bautizadas" (microtoponimia), co fin de sinalizar puntos do territorio. Nembargante, este tesouro patrimonial está a piques de perderse por mor do esquecemento e o agromar das novas tecnoloxías de localización.
Os nomes dos lugares, especialmente da micro toponimia galega, están na memoria dos maiores. Persoas que non contaron con GPS nin ordenadores para aprender a situarse no mar, no monte ou entre leiras. Esa sabedoría foi orixinada e conservada durante séculos a base de transmisión oral, de xeración en xeración, sen case testemuño escrito. Nembargante, o seu valor é fundamental e vai máis alá do folclórico ou anecdótico. En xeral cada topónimo agocha unha sínteses dos coñecementos que sobre un lugar específico do territorio se acumulou polas diversas xentes que o habitaron ou transitaron. Síntese que á vez é produto dunha estratexia de comunicación popular tamén case en extinción.
Unha mostra desa riqueza e complexidade dos topónimos está no amplo espectro de científicos e especialistas que abordaron a problemática durante o I Curso de Formación de Especialistas en Toponimia , organizado en forma conxunta polos Concellos de Vigo, Pontevedra, Ourense e máis o Instituto de Estudos Miñoranos, co apoio da Universidade de Vigo. O mesmo desenvolveuse durante o mes de marzo, e para a súa preparación como futuros técnicos de campo, máis de cen persoas asistiron ás conferencias brindadas por xeógrafos, historiadores, filólogos, cartógrafos, avogados, informáticos e por suposto, expertos no eido da Onomástica, a Toponimia terrestre e a Talasonimia marítima.
Deste curso, que rematou a finas de marzo na Aula de Cultura Ponte de Rosas do IEM, sairá probablemente o maior continxente de especialistas da historia de Galicia. O seu cometido será percorrer a xeografía do país no rescate deses nomes de lugares a través de futuros convenios con administracións públicas e sociedades privadas. Nunha tarefa que se prevé xigantesca á vez que urxente ante a perda acelerada de topónimos e o descoñecemento case absoluto dos mesmos por parte das novas xeracións, aínda as xa adultas.
Dado o impacto do devandito curso na comunidade científica e o interese amosado polo público en xeral nesta materia, construíse un Blog - diario a fin de facer accesibles as conferencias tanto como reforzo para os alumnos así como ferramenta de divulgación e consulta para o público xeral.