Skip to content

IEM - Instituto de Estudos Miñoranos

Increase font size Decrease font size Default font size

Destacados

Resolución do II Certame Escolar de Creación Dramática.
Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

Está en:  Inicio Val Miñor Documenta Artigos
Skip to content
Artigos
No cincuentenario de Victoriano Taibo PDF Imprimir Correo-e
Premio Victoriano Taibo - Artigos
Escrito por IEM -Sec   
Domingo, 13 Marzo 2016 22:01

taibo-por-masidePublicado o 13 Marzo 2016 por Armando Requeixo

Tal día coma hoxe, hai exactamente medio século, finaba na súa vivenda de Palencia 37, no vigués barrio de Lavadores, o compostelán Victoriano Taibo.
Os seus oitenta anos de vida déronlle para se converter nun dos poetas máis representativos das Irmandades da Fala, das que este ano celebramos o centenario e das que foi o seu secretario en Compostela. Poemarios como Abrente (1922) e Da vella roseira (1925) dan fe disto. Mais Taibo foi tamén un importante membro do Seminario de Estudos Galegos (no que ingresou en 1926) e do Instituto Histórico do Minho (do que pasou formar parte en 1930).

Ler máis...
 
O Consello Directivo da Asociación de Escritoras e Escritores en Lingua Galega, AELG, manifesta o seu apoio á continuidade do premio Victoriano Taibo. PDF Imprimir Correo-e
Premio Victoriano Taibo - Artigos
Escrito por IEM   
Mércores, 09 Decembro 2015 20:40

Cartel

O Premio de Poesía Victoriano Taibo acadou, nos seus oito anos de vida, un importante prestixio que o converte nun claro referente para poetas, críticos, xornalistas, en fin, para a vida intelectual e literaria do país. Coidamos que ningunha persoa interesada neste eido da cultura porá en cuestión tal aserto. Pero hoxe necesitamos algo máis. Necesitamos facer visible o importante papel que este certame xoga no panorama cultural galego, que as administracións se decaten do seu poder de convocatoria, que sexan sensibles á importancia de ter en Gondomar, de ter no Val de Miñor, unha actividade desta categoría capaz de motivar os mellores creadores de Galicia e fornecer o noso espazo literario de obras poéticas de primeira magnitude. Porque o Premio de Poesía Victoriano Taibo olla o futuro con preocupación, agradecemos a carta de apoio que nos envía a Asociación de Escritores en Lingua Galega (AELG), que publicamos nesta páxina.

O Consello Directivo da Asociación de Escritoras e Escritores en Lingua Galega, AELG, manifesta o seu apoio á continuidade do premio Victoriano Taibo.

As escritoras e os escritores galegos recoñecemos nesta iniciativa do Instituto de Estudos Miñoranos,  IEM, o esforzo por dar a coñecer e enxalzar a figura dun escritor galego inxustamente esquecido e que tan unido estivo á localidade en que o premio nace. Tamén queremos recoñecer a importante achega que un premio literario coma este significa para a nosa literatura, pois para alén de divulgar a figura de Taibo, achega novas obras e autoras e autores á casa literaria de noso, ampliando a súa extensión, diversidade e importancia, algo que coincide plenamente cos desexos do autor homenaxeado e que é obxectivo esencial desta Asociación.

Ler máis...
 
O vigués Iñaki Varela Pérez gaña o VIII Premio de Poesía Victoriano Taibo – ELM de Morgadáns PDF Imprimir Correo-e
Premio Victoriano Taibo - Artigos
Escrito por IEM   
Venres, 18 Setembro 2015 20:56

Fino_VT

O VIII Premio de Poesía Victoriano Taibo – Entidade Local Menor de Morgadáns acadou este ano unha importante participación, como vén sendo costume dende a súa institución, con corenta e dous orixinais presentados. Na primeira quincena de setembro reuniuse o xurado, que resaltou a importante calidade de moitos deles e elixiu, en primeiro lugar, as obras finalistas, que resultaron ser as citadas a continuación por orde de entrada, as que ostentaban os seguintes títulos e lemas ou pseudónimos:

Ler máis...
 
Convocatoria do VIII Premio de Poesía Victoriano Taibo Entidade Local de Morgadáns. PDF Imprimir Correo-e
Premio Victoriano Taibo - Artigos
Escrito por IEM   
Xoves, 16 Abril 2015 21:58

Cartel-taibo_2015

O Instituto de Estudos Miñoranos e a Entidade Local de Morgadáns convocan o VIII Premio de Poesía Victoriano Taibo – Entidade Local de Morgadáns. Está dotado con 3.000 €, unha peza escultórica do artista miñorán Fino Lorenzo e a publicación da obra premiada na colección Victoriano Taibo do IEM.

Ler máis...
 
“O estado de cousas ao que nos están sometendo é unha forma moi efectiva de opresión” PDF Imprimir Correo-e
Premio Victoriano Taibo - Artigos
Escrito por Montse Dopico   
Martes, 09 Decembro 2014 20:19

 

250-lara
Lara Rozados gañou o Premio de Poesía Victoriano Taibo con 'O caderno amarelo', un libro nado do xeito de opresión que é a precariedade laboral, mais tamén da confianza no colectivo como resposta.

 

Hai moito desacougo en 'O caderno amarelo', o libro coa que Lara Rozados gañou o Premio de Poesía Victoriano Taibo. E ten que ver co desemprego e coa precariedade laboral, con non saber de que se vai vivir os próximos meses. Síntoma dun tempo no que a opresión se exerce, outra vez, desta e doutras moitas maneiras como a represión da disidencia. Contra iso revóltase 'O caderno amarelo'. Que é tamén, di a súa autora, irmandade fronte á barbarie. Procura do colectivo fronte á neoliberalización das vidas.

Ler máis...
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 5 de 14