Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- TOMIÑO- Arquitectura militar histórica. Fortalezas. Xoves 19 de xullo ás 18:30h.

O vindeiro xoves 19 de xullo ás 18:30 h terá lugar a quinta xeira de verán polo concello de Tomiño, Arquitectura militar histórica. Fortalezas. dentro do programa das xeiras de verán 2018 do IEM, e coa colaboración deste concello, que será guiada por Antonio Soliño Troncoso.

HABERÁ DOUS INTÉRPRETES EN LINGUA DE SIGNOS PARA XORDOS.

O punto de encontro será no Pazo-Torre dos Correa. Goián:

https://drive.google.com/open?id=1vF-TpyWSLjdaaPzHo8R-rCtn6cDIYqsn&usp=sharing

 

AS XEIRAS DO IEM. VERÁN 2018

ARQUITECTURA MILITAR HISTÓRICA. FORTALEZAS DE GOIÁN

Guía

ANTONIO SOLIÑO TRONCOSO

O lugar foi considerado estratéxico dende o medievo e consecuentemente controlado por diversos señoríos e as distintas monarquías. En Goián levantouse a Torre dos Correa no século XIV, con xurisdición sobre a desaparecida Vila da Barca, inmediata a ela e ao río ata que se trasladou despois da guerra do XVII para o lugar que agora ocupa a parroquial na parte alta. O nome víñalle da embarcación utilizada para cruzar o río. Tamén en 1321 D. Denis, o rei poeta, concede foro a Vila Nova de Cerveira e fortifícaa. Tempo máis tarde, no XVII, durante a Guerra de Restauración, o exército portugués constrúe un complexo sistema militar, que recolle as innovacións incorporadas no trazado e fundación de fortalezas para contrarrestar os avances da balística, con base en Vila Nova e cabeza en Goián, unidas por unha ponte de barcas, ata que asinada a Paz de Lisboa, en 1668, a coroa española ordena levantar unha fortaleza pétrea de catro baluartes, a actual de San Lourenzo, como contrapunto ás edificacións militares do lado portugués presididas polo antigo castelo gótico.

Ao longo da xeira teremos ocasión de ver e comentar o Pazo-Torre dos Correa, o Castelo da Nosa Señora da Concepción, a Fortaleza de San Lourenzo, o Castelo medieval de Vila Nova de Cerveira, o antigo embarcadoiro da Vila da Barca no Miño e o inicio do Camiño da Nosa Señora do Norte en territorio galego. Tamén falaremos da Atalaia do Espírito Santo, do Forte de Lobelhe, do Facho, do Forte das Chagas e do Castelo de Medos intentando contextualizalos no seu tempo. Farémolo durante as tres horas que nos levará percorrer os 3,4 Km. dunha xeira circular de baixa dificultade. O punto de encontro é o Pazo-Torre dos Correa. Todo o traxecto será acompañado de intérprete de lingua de signos.

 

 

Está en:  Inicio Volta dos nove Un centenar de persoas homenaxearon na Volta dos Nove, a memoria das vítimas da represión franquista.
Skip to content
Un centenar de persoas homenaxearon na Volta dos Nove, a memoria das vítimas da represión franquista. PDF Imprimir Correo-e

Memoria histórica - Volta dos nove
Escrito por IEM   
Domingo, 14 Outubro 2012 20:40
IMG_0581
IMG_0579
  • Anterior
  • 1 of 2
  • Seguinte

Como tódolos anos dende o 2005, tivo lugar unha homenaxe na Volta dos Nove organizada polo Instituto de Estudos Miñoranos e familiares das vítimas. Ao redor do monumento do escultor Fernando Casás, que lembra aos nove miñoranos asasinados en Baiona na madrugada do 15 de outubro de 1936 pola represión franquista, un centenar de persoas asistiron baixo unha intensa choiva, nun acto de "memoria e dignidade", en palabras do historiador Carlos Méixome (IEM), quen fixo unha breve oratoria previa ás ofrendas florais.
Méixome sinalou que a memoria "é sempre subxectiva", por iso as persoa e colectivos lembran algunhas cousas e esquecen outras. Nese senso,sostivo que a sociedade está na obriga de lembrar sempre con actos como os desta xornada, ás persoas que perderon a súa vida por loitar por dereitos esenciais como o ensino público, a sanidade e tódolos dereitos socias que hoxe conforman o Estado de Benestar.
O director do IEM, sostivo que "a Historia é sempre contemporánea". Lembrou que entre os nove asasinados había membros do Sindicatos de Industrias Pesqueiras de Baiona e do Sindicato "El despertar del Valle", vinculados á central obreira CNT. Xentes da Fronte Popular, todos eles republicanos que soñaron cunha sociedade á que o "gran capital colleu medo", e "fixo o que fixo" daquela, non só en Galicia, senón tamén en Europa e no mundo en diante. Nese senso formulou a súa preocupación porque aqueles acontecementos do 36 non se repitan agora pola obra do "equipo de contables que gobernan o mundo", e están a comprometer cos seus designios as bases mínimas dunha vida digna.
Finalmente, sobre o espazo que lembra a "Volta dos Nove", familiares e diversos colectivos colocaron ofrendas florais baixo as estrofas do himno galego. Un espazo que amosa 45 novos loureiros replantados polo IEM, coa colaboración da mocidade da Comunidade de Montes de Couso, e cuxo mantemento está todo o ano a cargo dos familiares das vítimas.
No acto, celebrado este domingo 14 de outubro ás 13 horas, asistiron concelleiros dos tres municipios do Val Miñor, deputados provincias e representantes de diversos colectivos sindicais e socias da bisbarra.