Skip to content

IEM - Instituto de Estudos Miñoranos

Increase font size Decrease font size Default font size

Destacados

Resolución do II Certame Escolar de Creación Dramática.

Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

Está en:  Inicio Xeiras Artigos Prado e a Serra do Galiñeiro abraiaron a decenas de camiñantes na primeira xeira do verán 2011.
Skip to content
Prado e a Serra do Galiñeiro abraiaron a decenas de camiñantes na primeira xeira do verán 2011. PDF Imprimir Correo-e

Xeiras - Artigos
Xoves, 07 Xullo 2011 01:07

{youtube width="250" height="200"}CdKgO1s_MV8{/youtube}

Estamos aínda chegando. O corpo pide repouso é a roupa cheira a fentos e toxos. O equipo das Xeira do IEM acaba de rematar a súa primeira andaína que levou a decenas de persoas polas terras de Prado en Morgadáns (Gondomar) ata o Galiñeiro. A tarde acompañou deixando mirar a paisaxe en todo o seu esplendor. A riqueza natural, cultural, etnográfica e arqueolóxica deste anaco do Val Miñor novamente amosou a súa xenerosidade e riqueza, abraiando aos camiñantes que contaron coa guía do director das Xeiras do IEM, Xosé Ramón García e do director da Sección Arqueolóxica, Eduardo Méndez.
Aínda non tivemos tempo de editar imaxes. O tempo apenas de abondo para que o noso compañeiro Xilberte Manso descargara a súa máquina no ordenador e as colgara en Internet. Por iso tamén elas "cheiran" a fentos e toxos, e ten esa frescura do recentemente feito, como pastel sacado do forno. Achegamos entón, un enlace para que aqueles que gozaron da xeira a podan revivir e para os que non puideron estar, atopen a inspiración e o impulso suficiente para non perderse a próxima. De feito, lembramos que é o vindeiro venres ás 22:00 horas na Casa do Concello de Tomiño, de onde partiremos cara aos impresionantes petróglifos do Monte Tetón, baixo a guía do director da Sección Arqueolóxica do IEM, Eduardo Méndez.

{youtube width="400" height="320"}CdKgO1s_MV8{/youtube}