Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio Xeiras Artigos A Concellería de Patrimonio de Pontevedra visitou os espazos musealizados polo IEM.
Skip to content
A Concellería de Patrimonio de Pontevedra visitou os espazos musealizados polo IEM. PDF Imprimir Correo-e

Xeiras - Artigos
Martes, 13 Decembro 2011 21:47
outeiro-dos-lameiros

A Concellería de Patrimonio de Pontevedra organizou unha visita o pasado sábado 10 de decembro ao Val Miñor. Acompañados dunhas 70 persoas percorreron algúns dos espazos intervidos polo IEM para a súa posta en valor. A maioría dos visititantes proviñan do concello de Pontevedra, entre eles, un nutrido grupo de veciños da parroquia de Salcedo.
O percorrido comezou no monte de Saiáns (Vigo) , onde guiados por Xosé Lois Vilar e Xilberte Manso visitouse a recente musealización do Castro de Estea, ademais dos muíños e petróglifos localizados neste espazo rico en natureza e patrimonio arqueolóxico e etnográfico.
Posteriormente o grupo trasladouse ata os montes de Santa Cristina da Ramallosa (Baiona) para coñecer a estación arqueolóxica (tamén musealizada polo IEM) de Outeiro dos Lameiros. A pesar das inclemencias do tempo (choiva, néboa e moito vento) os visitantes aceptaron a invitación para achegarse ata o Monte Boi (Baiona) para un percorrido pola contorna da fortaleza.
Dim lights Embed Embed this video on your site