Skip to content

IEM - Instituto de Estudos Miñoranos

Increase font size Decrease font size Default font size

Destacados

Acto de entrega do XI Premio de Poesía Victoriano Taibo. inicio tamén da I Semana poética Victoriano Taibo.

O Auditorio Lois Tobío acolle o acto de entrega do XI Premio de Poesía Victoriano Taibo

Desde este sábado, dá inicio tamén a I Semana poética Victoriano Taibo que enmarca a entrega do premio

 

Organizado polo Concello de Gondomar e o Instituto de Estudos Miñoráns.

E para achegarnos á data no ambiente poético propicio, o IEM inicia, este sábado día 10, a I Semana poética Victoriano Taibo, que encherá de versos a vila de Gondomar, unha festa poética que terá un fermoso ramo o día 17 coa entrega do premio desta décimo primeira edición a Laura Ramos Cuba.

I Semana poética Victoriano Taibo:

O sábado 10, ás 21:00 h. no Café Rañolas comeza esta celebración poética e será cun Slam poético, un recital aberto en que pode participar quen quixer co único requisito de que os textos que recite, dous, sexan de autoría propia e estean na nosa lingua. Cómpre tan só inscribirse previamente no correo electrónico do IEM (oficina@iem.gal). Un xurado escollido entre o público asistente seleccionará ao gañador ou gañadora da noite.

O luns día 12 a poesía tomará os balcóns e as fachadas de Gondomar, ondeando os seus versos en lonas que reproducirán, entre outros, poemas de autores premiados co Victoriano Taibo.

Nesa semana repartiranse tamén entre 14 establecementos hosteleiros manteis ilustrados con poemas.

E no medio da semana, nun lugar céntrico e frecuentado, podermos gozar dunha sorpresa poético-musical que non poderá ser máis anunciada para que, efectivamente, sexa unha sorpresa.

E así chegaremos ao sábado 17, data de entrega do XI Premio Victoriano Taibo.

A banda de gaitas Balcón do Miñor, de Morgadáns, amenizará o acto en que a autora recibirá o galardón da man do alcalde de Gondomar, Francisco Ferreira, e recitará algúns poemas da súa obra. No acto tamén intervirá o director do IEM, Xulián Maure. Á saída, no vestíbulo, estará agardando un albaroque de confraternización durante o cal a autora asinará libros para quen o desexe.

O premio está dotado con 3000€ e unha peza escultórica da autoría de Fino Lorenzo.

Está en:  Inicio Xeiras Artigos A fraga de Oliveira, acaso unha paisaxe lunar?
Skip to content
A fraga de Oliveira, acaso unha paisaxe lunar? PDF Imprimir Correo-e

Xeiras - Artigos
Venres, 03 Agosto 2012 00:40

fraga-de-oliveira

"Un mundo de territorio e paisaxe". "Lembra en tramos a unha paisaxe lunar", estes son algúns dos comentarios deixados nas redes por participantes da Xeira pola fraga de Oliveria desenvolvida o pasado mércores 1 de agosto. Máis dun centenar de visitantes gozaron do percorrido polos montes e ribeiras do río da Groba que guiaron os espertos Xosé Ramón García e Xilberte Manso do Instituto de Estudos Miñoranos.
rio-da-groba-a-cruzar
A flora, fauna e os muíños esparexidos nese "paraíso secreto" agochado entre os concellos de Baiona e Gondomar, amosaron os seus feitizos aos viandantes que viviron a experiencia. Aproveitando a tempada estival, cativos e adultos gozaron co cruce por riba das pedras que cruzan a canle do Groba. Coñeceron o abraiante espazo natural enchido polo reino vexetal e coñeceron as lendas e tradicións que abrangue este territorio a cabalo entre dous municipios do Val Miñor.
rio-da-groba

A tempada das Xeiras do IEM 2012 segue a congregar a centos de miñoranos e visitantes co obxecto de coñecer e gozar do rico patrimonio material e inmaterial que ofrece a bisbarra. O vindeiro encontro está preto: o mércores 8 de agosto imos a percorrer á luz da lúa os petróglifos da Estación Agua da Laxe en Vincios. O punto de encontro será a Aula de Cultura Ponte de Rosas (sede do IEM), ás 22 horas. A guía estará a cargo do arqueólogo Xosé Lois Vilar e un grupo de expertos cos que viaxaremos polo monte, coñeceremos a súa toponimia, xeografía, e as pegadas históricas e etnográficas que agocha este outro abraiante espazo do Val Miñor. Nos vindeiros días achegaremos máis detalles.

muino-fraga-de-oliveira