Skip to content

IEM - Instituto de Estudos Miñoranos

Increase font size Decrease font size Default font size

Destacados

Resolución do II Certame Escolar de Creación Dramática.

Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

Está en:  Inicio Xeiras Artigos Historias que nacen do mar
Skip to content
Historias que nacen do mar PDF Imprimir Correo-e

Xeiras - Artigos
Escrito por IEM   
Martes, 27 Agosto 2013 00:32
xeira-martima-2

Un cura que a puro olfacto podían distinguir os corpos de náufragos fieis ou herexes; o roubo dun mascarón de proa coa talla dunha muller núa que rematou nunha igrexa como a Virxe do Carme; estas foron algunhas das historias que compartiu Quico Cadaval, durante a II Xeira Marítima do IEM, celebrada o pasado 20 de agosto.
A navegación pola costa do Val Miñor debeu comezar unha hora despois do previsto por mor dun cambio de barco trala inscrición de máis de cen persoas das previstas orixinalmente. Polo cal boa parte do percorrido transcorreu xa case sen luz. As explicacións da toponimia e talasonimia da ribeira da Ría de Baiona deberon mudar ao pouco de comezar, polas historias de naufraxios que Xosé Lois Vilar (IEM) e Quico Cadaval comezaron a relatar no marco dunha fermosa noitiña.
Quedamos con gañas de máis. Máis prazas para poder ter acollidos a moitos amigos que quedaron no peirao sen poder participar. De máis luz para gozar das vistas únicas que ofrece o litoral da bisbarra. De máis tempo para gozar desas historias que aínda que baseadas en feitos reais, soaban a lendas nos beixos de Xosé Lois e Quico.
As dúas Xeiras Marítimas desta tempada recibiron a medio millar de participantes. Amigas e amigos aos que agradecemos o seu apoio. Tamén a súa comprensión por algún contratempo organizativo. Atrancos que sen dúbida nos axudarán a mellorar cara ás próximas tempadas. Atrancos que nembargante non minguaron o goce desta experiencia.

Dim lights Embed Embed this video on your site