Skip to content

IEM - Instituto de Estudos Miñoranos

Increase font size Decrease font size Default font size

Destacados

Resolución do II Certame Escolar de Creación Dramática.

Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

Está en:  Inicio Xeiras Calendario Xeira Alén Miñor: tras os pasos do conde de Gondomar
Skip to content
Xeira Alén Miñor: tras os pasos do conde de Gondomar PDF Imprimir Correo-e

Xeiras - Calendario
Escrito por IEM   
Venres, 17 Abril 2015 22:25
1024px-Palacio_del_Conde_de_Gondomar_estado_actual

Comezamos unha nova etapa presentando unha actividade que esperamos sexa do agrado dos socios e amigos do IEM. Alén Miñor móstrase coma unha variante das exitosas "Xeiras", tentando combinar cultura e viaxe con espazos de convivencia. O responsable e coordinador desta nova actividade é Pablo Casal, membro do IEM. A primeira proposta cremos que ten unha compoñente moi especial, xa que está relacionada directamente coa historia de Gondomar e o Val Miñor. Renderemos homenaxe á figura do persoeiro máis relevante da bisbarra, Diego Sarmiento de Acuña, I Conde de Gondomar.

A súa sona traspasou as fronteiras do imperio dos Austrias, chegando a diversos lugares do continente, sobre todo como figura política e diplomática da época.  Era, ademais, un intelectual. Posuía unha cultura vasta, pouco usual para a época na que viviu, e como bibliófilo reuniu unha biblioteca persoal das más importantes do seu tempo. Nesta xeira visitaremos algúns dos lugares onde viviu, traballou e pasou parte da vida.

CARACTERÍSTICAS DA VIAXE

DATAS: 26-27-28 de Xuño

HORARIO APROXIMADO:

SAÍDA DO AUTOCAR: 9,00 h. do venres 26 -dende a sede do IEM-, en Gondomar.

CHEGADA: Media tarde do Domingo 28, a sede do IEM, en Gondomar.

ITINERARIO

Venres 26: Chegada a Zamora, a través das terras do pan, sobre as 13,00 h. Primeiro contacto cunha "praza maior" como elemento urbanístico recorrente da viaxe. Comida na cidade (por conta de cada quen) e visita guiada polo importante e monumental casco histórico murado con especial énfase no románico. Visita ao "Consejo Consultivo de Castilla y León", exemplo de integración de arquitectura contemporánea de calidade nun casco histórico de alto valor patrimonial. Pola noite, a través das terras do viño, desprazamento á vila de Perdigón (13 Km) para cear -asado nunha antiga adega subterránea- .

Durmida nun hotel céntrico da cidade de Zamora. Abaixo, o río Douro.

Sábado 27:  Almorzo no hotel. Saída ás 9,15 h. cara a cidade de Toro (39 Km), onde foi "Corregidor" Diego Sarmiento. Visitarase o casco histórico murado sobre o Douro, a gran colexiata e entrarase en contacto cos produtos que produce a agricultura da comarca. Comida (por conta de cada quen).

De seguido, sairemos cara á poboación de Tordesillas (36 Km), onde visitaremos o seu casco histórico presidido por unha espléndida Praza Maior. E lembraremos a Juana "la loca", mentres contemplamos como pasa o Douro.

Tras visitala sairemos cara a Valladolid (30 Km).

O chegar, paseo polo Campo Grande e a Praza Maior. Cea nun restaurante da cidade e, posteriormente, descanso nun céntrico hotel.

Domingo 28: Almorzo no hotel e a partir das 9,15 h.visita ao núcleo histórico que acolleu a corte dos Austrias na primeira metade do XVI e primeiros anos do XVII. Nesa época, antes de que a corte se trasladara definitivamente a Madrid, a cidade foi capital do imperio.

Formando parte do antigo núcleo da Corte toparemos a Casa do Sol, palacio mercado polo Conde de Gondomar no que viviu durante un tempo coa familia. A carón del, a igrexa de "San Benito el Viejo" tamén propiedade de D. Diego. Na cripta desta foi enterrado o Conde. Visitaremos ambas as dúas pezas.

Comida (por conta de cada quen). Saída cara ao Val Miñor, con posible parada de descanso e refresco nalgunha poboación de camiño.

PREZOS

SOCIOS: 150 EUROS

NON SOCIOS: 162 EUROS

O prezo inclúe a viaxe en autobús, dúas ceas, dous almorzos e hotel en Zamora e Valladolid. Tamén inclúe todas as visitas polos diferentes monumentos e espazos urbanos que percorreremos. As visitas serán guiadas por Antonio Soliño Troncoso, arquitecto e membro do IEM.

RESERVA: 120 EUROS SOCIOS, 130 EUROS NON SOCIOS (antes do día 20 de Maio). A reserva debe depositarse na conta do Instituto de Estudos Miñoranos número 2080.5035.07.3040014164, de ABANCA (ex Novagalicia Banco). Logo reenviar o comprobante ao enderezo electrónico oficina@minhor. org,  As reservas farémolas por rigorosa orde de chegada

As habitacións son dobres -se algunha persoa desexa estar soa deberá abonar 18 euros por noite a maiores-.

Queda a disposición para maior información o teléfono 627276816 , do noso compañeiro Pablo Casal, coordinador das Xeiras Alén Miñor de luns a venres de 18 a 22 horas.

Nota: Nestas Xeiras Alén Miñor a organización resérvase o dereito de anular a saída de non acadarse o mínimo de 40 viaxeiros.