Skip to content

IEM - Instituto de Estudos Miñoranos

Increase font size Decrease font size Default font size

Destacados

XV XEIRA ALÉN MIÑOR CERDEDO - MONTE SEIXO (5 de maio de 2018)

Percorreremos, guiados pola sensata palabra colmada de sentimento de Calros Solla, o Monte Do Seixo, mítico cimeiro da Terra de Montes, biqueira da Serra do Cando. Cos seus picoutos, encostas e bosques, con vistas maravillosas (cando o vento norte limpa de nubes o horizonte) á Ría de Pontevedra,os concellos veciños de A Lama, Beariz e Forcarei.

Unha serra parcialmente esnaquizada por un parque eólico no ano 2000, pero que todavía conserva unha forte pegada etnográfica, con moitísimas lendas e referencias prehistóricas, castrexas e de sabedoría tradicional. Esta montaña máxica que para os devanceiros era un medio de comunicación coas deidades celestes atesoura un abraiante patrimonio material, natural e inmaterial: túmulos, vereas, marcos, pedrafitas, milladoiros, foxos, neveiros, afloramentos graníticos de caprichosa feitura. A natureza exprésase nas mandas de garranos e de vacas que campan pola serra tendo conta das súas vidas cando o lobo llo permite. O vento mareiro deloura cornos e crinas nos piricotos orientados cara ó mar.

 

Está en:  Inicio Xeiras Calendario Paseo literario e toponímico pola Ría de Vigo e a Illa de Ons, o próximo 2 de xullo (PRAZAS ESGOTADAS)
Skip to content
Paseo literario e toponímico pola Ría de Vigo e a Illa de Ons, o próximo 2 de xullo (PRAZAS ESGOTADAS) PDF Imprimir Correo-e

Xeiras - Calendario
Escrito por IEM -Sec   
Sábado, 18 Xuño 2016 11:04
paseo_roteiro_ons

Talasonimia, lendas e naufraxios na ría de Vigo; seguiremos o desenvolvemento da novela Os fillos do mar, de Pedro Feijoo e coñeceremos máis sobre os nomes de lugar da nosa ría.

 

 

A reserva de prazas pódese facer dende o 20 ata o 23 de xuño, de 10.00 a 13.00, no teléfono 986 36 05 75. En cada chamada só se poderán reservar, como máximo, 4 prazas. O paseo é para maiores de 12 anos.

O prezo por persoa é de 12 euros (travesía e visitas, non inclúe a comida).